YESAYA 46:2 - WUKE SUSI WATTI'U AL᷊AL᷊USASSA

² Manga paal᷊uanna udde tawe matottolla mantul᷊ungngu mamamasanne, i mangitou sassane niapidda naola'a niatawanna. Eteudde panguddusanni mangitou.

YESAYA 46:2 Referans Kwoze

YEREMIA 48:7

Moab! I'o mangngasakku atatohannu wuṛṛu paa'alanu. Arawe orassa indi i'o sarun iwaddo. Kamos, mongannu, suadio'a ringannu manga imam wuṛṛu tembonanne sarun iapidda supamuanganna.

2 SAMUEL 5:21

Tantaran Filistin tinumal᷊angnga ringannu tawe nangapiddu manga paal᷊uanna sassubbanni mangitou. Manga paal᷊uanna udde nianun Daud wuṛṛu tantarane.

MAL᷊AṚṚUUNGNGA 18:24

i Mikha sinumimbakka, “I yamiu nantal᷊angngu manga paal᷊uangku wuṛṛu imam, na'oman sara i ya'u tate apa-apa lai, ana see i yamiu mabbisara, ‘Pia apa!’ ”

YESAYA 45:20

Mawu nabbisara, “Paasemodde wuṛṛu rantate suadio'a, i yamiu sarangkanambone apan nal᷊iu wuassu manga walahanna! Woddowe eteapa manga taumata apan mangngopassa paal᷊uanna alu, ara'e u'al᷊iomanna su manga monganna apan tawe maapanal᷊amatta.

YESAYA 37:19

Manga monganni mangitou lai nitutungnga wuṛṛu niṛṛimunsa'a, ana waugu atonna manga monganna udde tawe taṛṛinone. I mangitou tumba'u paal᷊uanna wuassu alu wuṛṛu manga watu apan nilanginnu taumata.

YESAYA 37:12

Sutempo udde al᷊amona'u nakkimunsa'a soan Gozan, Haran, wuṛṛu Rezef, see lai namate manga taumatan Eden apan uatana'a su Telasar, tawe saran sangkatou wuassu manga monganni mangitou nanal᷊amatta si mangitou.

1 SAMUEL 5:3

Sutempo tumana'u Asdod tiṛṛabbine marua allo rumanta sutampa patataṛṛamawuanna udde, i mangitou naasilo manungku paal᷊uanni Dagon nanawo uarammangnga su leta'a, su saruannu Wantallu Pa'airen Mawu! I mangitou namengketta pa'al᷊uanna udde wuṛṛu nisul᷊e apia su tampane.

YESAYA 30:6

Arendi tanata Mawu su ola'u manga winatangnga apan uatana'a su leta'u timukka, “Manga daroloṛṛanna malluranna keledai wuṛṛu unta mangitou ringannu manga aonggolla, se'e sumabbi manga wageangngu leta'a apan napenen asasilaka, apan atatanaannu singa, atoanna mawisa, wuṛṛu naga pia papaidde. Manga aonggolla udde nionggolli mangitou su sambau walahanna apan tawe maatul᷊ungngi mangitou.

YEREMIA 51:47

Pangimante, tempone sarun a'omanna i Ya'u makkuumannu manga paal᷊uannu Babel. Ahewallu wanua udde sarun heloanna, wuṛṛu anambon tumanangnge sarun pateanna.

DANIEL 11:8

Sutempo udde i tou nabbelengnga watukku Mesir, i tou sarun mangapiddu paal᷊uannu mongannu seenne wuṛṛu saranapa wul᷊awanna wuṛṛu sal᷊a'a apan buatte nionggolla su monganna udde. Manga pira tonna al᷊annune i tou tate mamangalo ratun banua sawannakka.

NAHUM 1:14

Eteindi inappuannu Mawu su ola'u walahannu Asyur, “I mangitou tate maasomba pallaṛṛite ipanassu walahanne. Manga paal᷊uanna sassubbanna apan sulal᷊ummu manga kuillu monganne, sarun Ta'u ṛimunsaanna. Pallabbingannu walahannu Asyur tantal᷊anna Ta'u sassaddianna, ana waugu i mangitou tawe ṛinone wiakka!”