YESAYA 46:10 - WUKE SUSI WATTI'U AL᷊AL᷊USASSA

¹⁰ Wuassu panattaṛṛanne i Ya'u namasingkattu manga apa apan sarun mariaddi sal᷊immurine, ro'en dorone i Ya'u mabbatti'a apa apan sarun mariaddi. Manga wisara-U: Putusang-Ku sarun maola'a, apulu-U sarun Ta'u olaanna!

YESAYA 46:10 Referans Kwoze

AMSAL 19:21

Taumata pia manambo ṛiinna, arawe tumba'u laṛṛawessu Mawu apan maola'a.

DARALO 33:11

Arawe ṛiinnu Mawu sidutu ta'e aroddi, apan niatokke uata'a su al᷊o'engngu tempo.

YESAYA 43:13

saran mal᷊annu-l᷊annu i Ya'u sidutu Ruata. Taweddu mal᷊iu wuassu taṛṛino-U, ara'e manal᷊are ṛiing-Ku.”

YESAYA 45:21

Alaea'e hattonu, apira'e manga tatialane, ore, wala'e i mangitou ma'ire su sambau. Isaite apan nabbal᷊on olangnge udde wuṛṛu namasingkatta ro'en paarorone? Wal᷊inewe i Ya'u, Mawu? Tawe mawu wal᷊ine tumba'u i Ya'u. Ya'u Ruata apan matul᷊idda wuṛṛu Mananal᷊amatta, tawe baine tumba'u i Ya'u!

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

DARALO 135:6

I Tou mammanara apa apan ipaapulu-Ne, su langitta wuṛṛu su runia, su tahal᷊oangnga wuṛṛu su laudda apan mal᷊al᷊umma.

WATTI'U MANGA RASUL 5:39

Arawe amungkangngu udde nirumanta wuassu Ruata, ne manga tuṛṛangnga tawe mapaasal᷊a mangitou. Ewe'e asinungka sarun matualaga manungku manga tuṛṛangnga lullawangnga Ruata.” Al᷊aṛṛa'i Gamaliel udde nisengkammu mallaṛṛuungnga.

YESAYA 44:7

Isaite ere i Ya'u? Doloṛṛa'a i tou manga'u! Wala'e i tou mamasingkatta wuṛṛu mapal᷊iatta'a si Ya'u! Isaite buatte nani'attu tempo addantane ro'en paarorone maddatingngu panginsueannu tempo?

YESAYA 46:11

I Ya'u namaggo sangkatou tembonanne wuassu ra'i i tou nirumanta ere sambau manu'u winalanganna apan mal᷊aṛṛaga su mapaamattu putusang-Ku. Apa apan Ta'u niwisara udde sarun Ta'u manaranna, wuṛṛu apa apan Ta'u ilakkiinna sarun Ta'u olaanna.

IBRANI 6:17

Ruata ma'apulu manualaga su manga taumata apan manengkamma paaire-Ne, manungku i Tou tawe mamal᷊u ṛiin-Ne. Ana waugu udde i Tou nanamba sasalu su pa'aire-Ne udde.

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

WATTI'U MANGA RASUL 15:18

apan suete namasingkattu olangnge udde ro'em paarorone.”

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

WATTI'U MANGA RASUL 3:23

Taumata apan tawe madaringikka wisara nabi udde, taumata udde sarun limbuaṛṛanna wuassu walahannu Ruata wuṛṛu pateanna.’

YESAYA 14:24

Mawu Apan Lembontaṛṛino nassalu: “Apan buatte Ta'u nihol᷊aga sarun matipussa.

YESAYA 25:1

Mawu, ete I'o Ruata'u i Ya'u mamantuga Si'o wuṛṛu maddalo aran-Nu. Ana waugu manga manara-Nu lembon ma'atiangnga; I'o buatte nakkiinna ro'en dorone, wuṛṛu nammanara ringannu satia.

YESAYA 40:8

Wal᷊abbukka nabbal᷊i mamara wuṛṛu bunga tinumolangnga, arawe ṛengetannu Ruatan kite mattatana'a saran mal᷊annu-l᷊annu.”

YESAYA 41:4

Isaite apan na'ola'a sarangkanambone udde? Isaite apan nanantunnu amamattu runia? Ya'u, Mawu, ete i Ya'u apan paarorone, wuṛṛu sidutu pia maddatingngu panginsueanne.

YESAYA 48:3

Mawu nabbisara, “Paddaringikke, ei Israel! Apa apan nariaddi dorone, mal᷊annute Ta'u niwal᷊o; apa apan niwisara-U, aṛṛombanganne olaang-Ku wuṛṛu Ta'u iapal᷊iatta'a.

YESAYA 48:14

Paammulle i yamiu sarangkanambone wuṛṛu paddaringikke! Suwallattu manga monganna taweddu maasi'tta manungku taumata nipile-U sarun mamangalo Babel; i tou sarun mapaamattu apulu-U.

YESAYA 53:10

Mawu mappandumma manungku i tou matataṛṛangnga, wuṛṛu manantillu watanganne maola'a sasamba ipamappassa rosa. Ne uukke sarun mal᷊o'engnga wuṛṛu maasilo papapulunne sulal᷊ummi tou apulu Mawu sarun mariaddi.

YESAYA 55:11

Aroddi lai wisara apan niwisara-U tawe mabbelengnga ringang-Ku ringannu tawe gunane, arawe mahessi maola'a apa apan ipa'apulu-U, wuṛṛu manuungngu al᷊awo'u pandumang-Ku.

YEREMIA 44:28

Tumaba'u manga pira taumata apan sarun masal᷊amatta wuṛṛu mabbelengnga su Yehuda wuassu Mesir. Ne anambon taumatan Yehuda apan su Mesir sarun maasilo tanne wisara mangitou ara'e wisara-U apan matualaga.

HOSEA 5:9

Israel sarun mate, ana waugu nia'omante allone ipakkuumanni tou. Paddaringikke, ei tumanana'u Israel, olangnge udde sarun mariaddi.

AYUB 23:13

Ruata udde tawe mawal᷊u, taweddu maal᷊awangnga si Tou. I Tou ma'ola'a sarangkanambone apan ipaapulu-Ne.

YESAYA 10:12

Arawe Mawu nabbisara, “Amungkangngu apa apan Ta'u olaanna su Wuiddu Sion wuṛṛu Yerusalem udde nuddusse, i Ya'u sarun makkuumannu ratun Asyur ana waugu awawungane wuṛṛu atatanggakke.”

YESAYA 41:21

Mawu, ratun Israel, nabbisara su manga monganna, “Alaea'e hattonu, pasabbanga'e manga wisara tatahekke!

YEHEZKIEL 39:8

Mawu Apan Atanggaṛṛanne nabbisara, “Atonna, allo apan Ta'u nisaggo udde sarun dumanta.