YESAYA 45:7 - WUKE SUSI WATTI'U AL᷊AL᷊USASSA

⁷ Ete i Ya'u apan nandiaddi asasemakka wuṛṛu ararandumma, i Ya'u mandatan al᷊amatta wuṛṛu asasilaka. Ete i Ya'u Mawu apan na'ola'a sarangkanambone udde.

YESAYA 45:7 Referans Kwoze

AMOS 3:6

Apa taumata su soa tawe mangiladda amungkangngu maaringikka tingikku trompetta tatialan pangalo? Wotongngewe sambau soa aṛṛiaannu asasilaka, amungkangngu Mawu tawe mandantan asasilaka udde?

DARALO 75:7

Ana pallaṛṛuungnga tawe rumanta wuassu samba'a ra'i ara'e waṛṛata tawe lai wuassu samba'a sawannakka ara'e timukka.

AYUB 2:10

Sasimbakki Ayub, “I'o mabbisara naal᷊ihidda taumata longonna! Ṛatadde i ite tumba'u mappulu manengkamma apa apan apianne wuassu Ruata, wuṛṛu al᷊eoanne i ite maddiri?” Nariaddi, salaiwe i Ayub uapasanna anambon asasilaka udde, i tou tawe mapasabbangngu wisara apan lullawangnga Ruata.

AMOS 4:13

Wowone wuṛṛu anginna, ete Mawu apan mandariaddine; ṛiin-Ne niapasingkan-Ne su taumata. I Tou na'ola'a aallo wuṛṛu ṛabbi su wowon manga puiddu runia i Tou u'amatta. Mawu Ruata Apan Lembontaṛṛino, uddewe aran-Ne.

YESAYA 31:2

Mawu pande wuṛṛu masingkattu inolaan-Ne. I Tou mandatan asasilaka wuṛṛu mammansaga makkuumannu taumata lal᷊eo wuṛṛu manga taumata apan mantul᷊ungngi mangitou.

YEREMIA 31:35

Matannallo nisaddia Mawu ipanemakka allo; wul᷊anna wuṛṛu manga anumpitanna ipannemakka ṛabbi. Tahal᷊oangnga niongkene na'oman sara nallua'a, Mawu Apan Lembontaṛṛino, uddewe aranne.

YEREMIA 13:16

Mawu Ruatanu ṛinone wantuhannu tantal᷊anna i Tou taambe nandantan ararandumma, wuṛṛu leddanu matara su panenteanna, su taambe asasemakka apan aantimannu waluan-Ne mabbal᷊i wasatuudda.

NAHUM 1:8

Naal᷊ihidda manawangnga wahewalla apan nangelekka, niṛṛimunsang-Nge manga seen-Ne. I mangitou apan waṛṛani lumawangnga si Tou nipuullu Mawu ringannu papate na'oman sara nate.

YEREMIA 51:20

Mawu nabbisara, “Babel, i'o naal᷊ihidda darupa, ahi-U ipaatta mapapangalo. I'o Ta'u nipaatta ipandupa manga walahanna wuṛṛu manga araratuanna.

WATTI'U MANGA RASUL 4:28

I mangitou naaukka ma'ola'a al᷊awo'u manara, apan suete tinantunna ro'en paarorone manungku udde sarun matippussa. Wuṛṛu I'o sarun manantunnu udde wuassu taṛṛino wuṛṛu apulu-Nu sassane.

AMOS 5:6

Pabbelengke ringannu Mawu, ne i yamiu sarun mabbiakka. Amungkangngu i yamiu tawe mabbelengnga ringanni Tou, i Tou sarun dumanta ere putungnga apan lullewa wuṛṛu manoṛṛobba taumatan Israel ma'oman sara masue. Su Betel tawe saran sangkatou apan wotongnge mamaddumma putungnga udde.

YEHEZKIEL 32:8

Atonna, al᷊awo'u semakka su langitta sarun Ta'u paddumanna, wuṛṛu runia Ta'u olaanna wasa tuudda. I Ya'u, Mawu Apan Atanggaṛṛanne buatte nabbisara.

DARALO 29:11

Antimanna Mawu mangonggolu atatohassa su walahan-Ne, wuṛṛu ma'ola'a si mangitou su lal᷊umanna'a.

DARALO 8:3

niantarin manga al᷊aṛṛana'a wuṛṛu ana'a wakku niasungkanga. Araratuan-Nu matohassa tawe iaholle mapal᷊annabbu seetta wuṛṛu ro'appa.

AYUB 34:29

Napawe Ruata makkawessa mangke mal᷊annabba, taweddu saran sangkatou apan waṛṛani mapasal᷊a-Ne. Amungkangngu i Tou namunin hati-Ne, tawe saran sangkatou apan maasangkalla si Tou.

SASABANGNGA 14:20

su wallatu tantara Mesir wuṛṛu tantaran Israel. Winabbawa udde naarandummam runia, na'oman sara al᷊o'engngu ṛabbi wuntuannu tantara darua udde tawe mapangundani sambau ringannu waine.

YUDAS 1:13

Ere lai lua'a mal᷊aragga su tahal᷊oangnga lullupa, aroddi lai i mangitou lullupa manga inolaanna apan maasili. I mangitou ere lai manga anumpitanna apan lullallele apan suete nisaddian Duata tampane sulal᷊ummu araranduma apan masaddatta ma'oman sara mal᷊annu-l᷊annu.

YUDAS 1:6

Paanaunge lai manga mala'ekatta apan nalliu passarannu taṛṛino mangitou, naoman sara nanantangu tampa atatanaanni mangitou. Ruata namantungu manga mala'ekatta udde ringannu ṛate apan tawe mawu'a, sulal᷊ummu tampa apan marandumma su al᷊ungngu runia. Poiaroddi i mangitou siddutu tataṛṛanganna ma'oman sara i mangitou iṛṛu'umanna su Allo apan wahewalla udde.

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

YOEL 2:2

Allo udde marandumma wuṛṛu wasa, napenen ṛawu'a apan mal᷊abbukka. Tantaran saṛṛappalanna mangke pasi ranta naal᷊ihidda winabbawa apan namare su puiddu panenteanna. Araradiana ereudde taambe saran paassa pia, wuṛṛu tawe masul᷊e apia saran mal᷊annu-l᷊annu.

2 MARARATU 19:25

Apa i'o taambe naaringikka manungku sarangkanambone udde buatte Ta'u nihol᷊aga ro'en paarorone? Wuṛṛu orassa indi Ya'u buatte na'ola'a. Ete i Ya'u apan nagonggolu taṛṛino si'o ipakkimunsa'a manga soa pia tatandange watu ete nallambe manga tuidde.

DARALO 105:28

wuṛṛu itarua mararingikka parenta-Ne. Ana see Mawu na'ola'a wanua udde wasa tuudda.

YESAYA 42:16

Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

YESAYA 47:11

Arawe i'o sarun aṛṛiaannu silaka, pani'annu tawe maal᷊inda'u silaka udde. I'o sarun dantannu asasilaka, wuṛṛu tawe maaro'appa. Apapate sarun dumanta ringannu mamaṛṛoro, wuṛṛu tawe iaṛṛangngonu dorone.

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

LAL᷊ALLU 3:38

Apapia wuṛṛu al᷊al᷊eo niapaamatta tumba'u su parentan Mawu.

DANIEL 2:22

Ete i Tou apan manni'attu addapingnga apan tumaniten mal᷊al᷊unna I Tou masingkattu al᷊awo'a apan mariaddi sulal᷊ummu ararandumma.

AYUB 10:13

Arawe orassa indi i ya'u masingkatta manungku su al᷊annune udde, mal᷊anna-l᷊annabba I'o buatte nakkiinnu silaka'u.

DARALO 74:16

I'o apan nandiadi allo wuṛṛu ṛabbi, wuṛṛu nangatokku tampan matannallo wuṛṛu wul᷊anna.

YESAYA 44:24

Etearendi wisara Mawu Mananal᷊amannu apan nandiaddi si'o ro'en ta'e sulal᷊ummu illoṛṛo, “Ete i Ya'u Mawu apan nandiaddi al᷊awo'a, apan sassane namilattu langitta, wuṛṛu taweddu nassumbala nandiaddi runia.