YESAYA 45:25 - WUKE SUSI WATTI'U AL᷊AL᷊USASSA

²⁵ Arawe papapulunni Yakub sarun iapaasal᷊amatta, wuṛṛu i mangitou sarun maddalo si Ya'u, Mawu.

YESAYA 45:25 Referans Kwoze

YESAYA 41:16

I'o sarun mattappa si mangitou, wua'udde i mangitou italla'u anginna wuṛṛu isal᷊iawukku anginna wahewalla. I'o sarun lumuassa ana waugu i Ya'u, Mawu, wuṛṛu lumala'a ana waugu i Ya'u, Ruatan Israel.

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

1 KORINTUS 1:31

Nariaddi ere uawoṛṛetta sulal᷊ummu Wuke Susi, “Taumata apan maapulu mamarabunga, ṛinone mammunga su inolaannu Mawu.”

ROMA 8:30

Ete aroddi Ruata namaggo si mangitou apan buatte nipile paarorone; wuṛṛu i mangitou apan niwagoanne udde, niwala maaukka apia ringanni Tou. Wuṛṛu i mangitou apan niwala apia maaukka ringannu Ruata, nanganu wageangnge sulal᷊ummu awawantugu Ruata sassane.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

ROMA 5:1

Orassa indi i ite naaukka apia ringannu Ruata, ana waugu i ite mangngimanna. Wuṛṛu ana waugu udde i ite mabbiakka sulal᷊ummu paddarame ringannu Ruata sulal᷊ummu Mawun kite Yesus Kristus.

ROMA 4:16

Nariaddi paairen Duata udde pinangaiananne wuassu pangangimannu taumata su Ruata. Udde maola'a sambau paaire su anambon walahanni Abraham manungku paaire udde nionggola si mangitou maola'a sambau aonggola apan tawe bawal᷊inne wuassu Ruata; wal᷊ine tumba'u si mangitou apan matuṛṛutta titan agama Yahudi, arawe si mangitou lai apan mangngimanna Ruata ere Abraham mangngimanna si tou. Ana waugu ete Abraham udde iamangngi ite sarangkanambone, su ola'u pangangimanna.

YESAYA 65:23

Sarangkanambone apan a'olaanni mangitou sarun mahessi, wuṛṛu al᷊aṛṛana'i mangitou tawe aṛṛombanganne mate. I mangitou wuṛṛu papapulunni mangitou sarun Ta'u al᷊amatanna saran mal᷊annu-l᷊annu.

YESAYA 65:9

Sambageanganna taumatan Israel wuassu ṛuanganni Yehuda sarun Ta'u al᷊amatanna, wuṛṛu papapulunni mangitou sarun maapussa'a leta'u panenteang-Ku. Manga taumata nipile-U apan mattaṛṛamawu si Ya'u sarun matana'a poiaroddi.

YESAYA 61:9

Pallaṛṛitenu tumelengnga su anambon tampa, maddingikka suwallattu al᷊awo'u walahanna. Ne anambon taumata apan naasilo sarun manga'u, manungku walahanna indi Ta'u nial᷊amatanna.”

YESAYA 45:24

Manga taumata sarun mabbisara, ‘Atatul᷊idda wuṛṛu atatohassa tumba'u wuassu Mawu!’ Anambon taumata apan maddanting-Ku sarun rumanta ringang-Ku wuṛṛu pansilianna.

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

DARALO 64:10

Ana see anambon taumata ringanna nata'utta; i mangitou maṛṛingiddu inolaannu Ruata wuṛṛu mammasingkatu sarangkamabone apan buatte niolang-Nge.

DARALO 22:23

Inolaan-Nu sarun ta'u iwatti'a su manga tuṛṛangku; sulal᷊ummu pangalon al᷊aṛṛang-Ngu i ya'u sidutu maddalo Si'o.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

GALATIA 6:14

Arawe i ya'u atonna-tonna maddiri lumuassu al᷊awo'u apa, tumba'u su Mawun kite Yesus Kristus apan nate niarussa. Wuṛṛu ana waugu i Tou suete nate niarussa, ne runia tate mangal᷊ene lai si ya'u, wuṛṛu ana waugu runia indi, pendamangku i ya'u lai ere natete.

2 KORINTUS 10:17

Sulal᷊ummu Wuke Susi uawoṛṛetta, “Taumata apan sidutu lulluassu sambau sarannapa, ṛinone lai lumuassu apa apan buatte niola'u Mawu.”

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

1 MARARATU 8:32

oh Mawu, antimanna I'o maddaringikka wuassu surga wuṛṛu mamutussa hatto manga allang-Ngu indi. Ṛuumana'e iapa nassal᷊a uasul᷊ungngu inolaanne wuṛṛu pallosa'e iapa tawe sal᷊ane.

YESAYA 26:2

Wu'ate manga ngaran soa, tadea'u sumutta walahanna apan satia, walahanna apan tuttuṛṛutta apulun Duatane.

YESAYA 28:5

Mawu Apan Lembontaṛṛino sarun maola'a wunga apan maṛṛamaga su uman-Ne apan nallambe.

YESAYA 50:8

Ana waugu Ruata marani, i Tou namasingkatta i ya'u tawe sal᷊ane. Isaite apan maapulu matatiakka ringangku? Wette i ite rumante suadio'a. Isaite apan lumawangnga si ya'u? Doloṛṛa'e i tou mangundani'u.

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

YESAYA 60:19

I'o salaiwe lasa'e semaṛṛannu matannallo sutempo allo, wuṛṛu lasa'e lai semaṛṛannu wul᷊anna sutempo ṛabbi. Ana waugu i Ya'u Mawu naola'a asasemakka tutune si'o, i Ya'u mannemakka ringannu awawantu-U.

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YEREMIA 4:2

Amungkangngu i yamiu massalu ringannu arang-Ku wuṛṛu i yamiu mabbiakka su atatul᷊idda su apapia wuṛṛu atonna, ne anambon balahanna sarun sumal᷊ande si Ya'u tadea'u i Ya'u mangal᷊amatta si mangitou, wuṛṛu i mangitou sarun maddalo si Ya'u.”

YEREMIA 33:16

Taumatan Yehuda wuṛṛu tumana'u Yerusalem sarun iapaasal᷊amatta wuṛṛu mabbiakka ringannu mal᷊angnganna. Soan Yerusalem sarun isaggo ‘Mawu Mananal᷊amatti Ite’.