YESAYA 45:22 - WUKE SUSI WATTI'U AL᷊AL᷊USASSA

²² Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

YESAYA 45:22 Referans Kwoze

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

MIKHA 7:7

Arawe i ite mangngantimma Mawu; ringannu napenen pangangimanna i ite tuttuṛṛutta Ruatan kite. I Tou sarun maddaringikka aal᷊iomanni ite wuṛṛu manal᷊amatta si ite.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

2 TAWARIKH 20:12

Ete I'o Ruatan kami! Ṛuumana'e i mangitou, ana waugu yami indi inasueanten ikkatta sumaruanna tantara anambone ereudde, apan mammangalote si yami. Yami waggate tanne yami maola'e apa, ana waugu udde yami rumanta ringannu Mawu maiontolla.”

YESAYA 45:21

Alaea'e hattonu, apira'e manga tatialane, ore, wala'e i mangitou ma'ire su sambau. Isaite apan nabbal᷊on olangnge udde wuṛṛu namasingkatta ro'en paarorone? Wal᷊inewe i Ya'u, Mawu? Tawe mawu wal᷊ine tumba'u i Ya'u. Ya'u Ruata apan matul᷊idda wuṛṛu Mananal᷊amatta, tawe baine tumba'u i Ya'u!

TITUS 2:13

Orassa indi i ite tantal᷊anna uaraṛṛaddo Allo apan aantimanni ite udde; su Allo udde runia sarun maasilo awawantugi Yesus Kristus, eteudde Mawu Ahewal᷊anne wuṛṛu Ratun Punnu Sal᷊amatti ite.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

DARALO 65:5

Lal᷊umanna'a su taumata apan nipile-Nu, wuṛṛu I'o nangahe matana'a su Wal᷊en-Nu. I yami sarun lairannu al᷊awo'a apan mapia su Wal᷊en-Nu, tatanaan-Nu apan susi.

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

DARALO 22:17

I ya'u nipangaloannu ammul᷊annu taumata lal᷊eo; naal᷊ihidda ammul᷊annu asu i mangitou nakkulunna si ya'u, nangusu'a lima wuṛṛu ledda'u.

YESAYA 49:12

Wuassu marau uma-U pasi rantate, wuassu sawannakka, waṛṛatta wuṛṛu Sinim su timukka.”

YESAYA 30:15

Mawu Apan Atanggaṛṛanne, Ruata susin Israel, nabbisara uman-Ne, “Awal᷊ute wuṛṛu paatammudda, ne i yamiu sarun iapasal᷊amatta. Pangimante si Ya'u ringannu naungnga apan matana'a, ne i yamiu sarun tohasang-Ku.” Arawe i yamiu maddiri!

YESAYA 43:6

I Ya'u namarenta sawannakka wuṛṛu timukka, tadea'u i mangitou mal᷊ihakka ipallossa. Wala'e manga anangngu esakka mawelengnga wuassu tampa marau, wuṛṛu manga anangngu wawine mapul᷊e wuassu manga pentakku runia.

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

YESAYA 55:5

I yamiu sarun mamaggo manga walahanna waine, wuṛṛu i mangitou sarun dumanta ringanni yamiu, ana waugu i Ya'u, Mawu Ruatanu, Ruata na'ukkassu Israel, ana waugu i Ya'u buatte namantuga si yamiu.”

YESAYA 55:6

Pabbelengke ringannu Mawu tantal᷊anna ta'e wotongnge; pailelarete si Tou tantal᷊anna i Tou ta'e marani.

YESAYA 60:3

Manga walahanna nirumanta mangngelekka watukku asasemakku, manga ratu ninumemman asasemakka apan nirumanta si'o.

YESAYA 66:18

I Ya'u masingkattu ṛingiranna wuṛṛu inolaanni mangitou. I Ya'u nirumanta tadea'u mangammullu manga taumata wuassu al᷊awo'u walahanna. Sutempo i mangitou uaammulle, i mangitou sarun maasilo taṛṛino-U.

YEREMIA 33:16

Taumatan Yehuda wuṛṛu tumana'u Yerusalem sarun iapaasal᷊amatta wuṛṛu mabbiakka ringannu mal᷊angnganna. Soan Yerusalem sarun isaggo ‘Mawu Mananal᷊amatti Ite’.

HOSEA 13:4

Mawu nabbisara, “Ete i Ya'u Mawu Ruatanu, apan nagapiddi yamiu sinumabbangnga wuassu Mesir. I yamiu tawe uatahuanna Ruata waine tumba'u i Ya'u. Ete i Ya'u sassane apan nanal᷊amatta si yamiu.

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

DARALO 22:28

Anambon walahanna sarun mannaunga Si'o Mawu wuṛṛu mabelenga ringan-Nu, al᷊awo'u ṛuangannu walahanna sarun umal᷊intudda massubba si Tou.

DARALO 65:6

I'o sinumimbakka si yami ringannu nangonggolu auntunganna si yami, I'o na'ola'a inolaanna apan maatiangnga ipanal᷊amatta si yami! Ete I'o antimannu anambon walahanna maddatingngu tahal᷊oangnga apan marau.

YESAYA 41:22

Rantate, wuṛṛu si'ata'e apa apan sarun mariaddi, tadea'u i yami masingkattu panginsueanne sal᷊immurine. Wattia'e manga arariadianna dorone, tal᷊aa'e atappassane tadea'u i yami masingkatta.

YESAYA 45:5

Ete i Ya'u Mawu, tawe baine, i Ya'u Ruata apan tinggassa. I'o buatte Ta'u nionggol᷊annu ahidda, salaiwe i'o tawe maaillal᷊a si Ya'u.