YESAYA 45:14 - WUKE SUSI WATTI'U AL᷊AL᷊USASSA

¹⁴ Mawu nabbisara su Israel, “Tahuanete hessin leta'u Mesir wuṛṛu auntungannu Sudan. Manga taumatan Syeba apan waṛṛani mabbal᷊i pussa'anu; i mangitou u'amatta su liuddi yamiu ringannu laṛṛapusanna. I mangitou sarun massubba wuṛṛu manga'u, ‘Ruata atonna-tonna su pattangngannu; tawe mawu wal᷊ine tumba'u i Tou!

YESAYA 45:14 Referans Kwoze

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

1 KORINTUS 14:25

Manga inolaanna apan uawuni sulal᷊ummu naungnge sarun iapaal᷊iatta'a, na'oman sara i tou sumallungu watanganne see massubba Ruata. I tou sarun manga'u, manungku Ruata atonna tonna su pattangnganni yamiu.

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

SONDAPPA 3:9

Naungete indi: Manga taumata apan naola'a walahannu Setanna udde, manga taṛṛa awusu apan mangnga'u watanganne Yahudi wutte'e wal᷊ine, sarun Ta'u olaanna ma'oman sara i mangitou rumanta umal᷊intudda su saruannu. Wuṛṛu i mangitou sarun maasingkata manungku i Ya'u marangngu si yamiu.

YOEL 3:8

Manga umbasanna maṛṛualanu sarun Ta'u iwal᷊u'a su tumana'u Yehuda, apan sarun mabbal᷊ungnge apia su Syeba, wanua apan marau. I Ya'u Mawu, buatte nabbisara.

YEHEZKIEL 23:42

Wuassu liudde aaringiṛṛanna taumata manambo apan lulluassa. Manga taumata udde buatte niwagoanna nirumanta wuassu wadda'u anne. I mangitou nalluṛṛen hal᷊angnga si tarua taṛṛa tuari udde, wuṛṛu nalluṛṛe manga mahkota apan maṛṛansanga su puane.

YESAYA 43:3

Ana waugu ete i Ya'u Mawu, Ruatanu, Ruata na'ukkassu Israel, Mananal᷊amannu. Mesir Ta'u nionggolla maola'a tatubbussa si'o, Sudan wuṛṛu Syeba maola'a hahantinu.

YESAYA 23:18

Auntunganna wuṛṛu sewa apan aompaanne sarun tawe iaddo, arawe sarun ionggolli tou su Mawu. Manga taumata apan massubba Mawu sarun mappaattu roitta udde ipamalli anna wuṛṛu laubba apan haggausanni mangitou.

YESAYA 18:7

Sarun a'omanna tempone manga sasamba iapasingkatta su Mawu Apan Lembontaṛṛino wuassu wanua udde apan sasabbiannu manga sal᷊ukka, wuassu pabbawalage apan matohassa waṛṛani, wuassu manga taumatane apan mal᷊angkassa wuṛṛu pisine al᷊ussa wuṛṛu ia'ata'utta su ahewallu runia. I mangitou sarun dumanta su Wuiddu Sion, watukku tampa Mawu Apan Lembontaṛṛino sassubbanna.

YESAYA 10:33

Mawu Apan Lembontaṛṛino sarun mapaaṛṛaa mangitou naal᷊ihidda rannu nitonto wuassu alune. Apan aṛṛamahanne wuṛṛu atanggaṛṛanne suwallatti mangitou sarun pototanna wuṛṛu iṛṛa'a.

DARALO 149:8

ipamantungu manga ratu, wuṛṛu ipakkapussa manga tembonanni mangitou;

SASABANGNGA 11:8

Panginsuenne i Musa nabbisara, “Anambon mammamanaran araratuanni Tuangku sarun dumanta wuṛṛu sarun umal᷊intudda su saruangku wuṛṛu madorongnga tadea'u i ya'u wuṛṛu balatiangku manantangngu wanua indi. Wua'udde i ya'u inaite mapul᷊e.” Ana see ringannu nasa'u atonna i Musa nanantangngu ratu.

1 TESALONIKA 1:9

Anambon taumata udde uahahatto su ola'u ereapa i yamiu nanal᷊oho si yami su tempo i yami dorone nirumanta ringanni yamiu. I mangitou uahahatto su ola'u ereapa i yamiu nanantangu pasasubba paal᷊uanna wuṛṛu nirumanta ringannu Ruata tinggassa apan wiakka wuṛṛu mattaṛṛamawu si Tou.

YEHEZKIEL 31:3

I'o naal᷊ihidda cemaran Libanon apan maṛṛansangnga napenen rannane apan uasaṛṛihalo maṛṛamaga. Alune matul᷊idda wuṛṛu matolengnga otongnge naddatingngu winabbawa.

YESAYA 61:9

Pallaṛṛitenu tumelengnga su anambon tampa, maddingikka suwallattu al᷊awo'u walahanna. Ne anambon taumata apan naasilo sarun manga'u, manungku walahanna indi Ta'u nial᷊amatanna.”

YESAYA 45:24

Manga taumata sarun mabbisara, ‘Atatul᷊idda wuṛṛu atatohassa tumba'u wuassu Mawu!’ Anambon taumata apan maddanting-Ku sarun rumanta ringang-Ku wuṛṛu pansilianna.

YESAYA 44:8

Pabbawala-U, arie mata'utta ara'e ṛumindu'a; wal᷊inewe ro'en dorone naddatingngu orassa indi i Ya'u buatte nani'attu apa apan mariaddi? Ete i yamiu manga tiala-U. Mallal᷊u'adda waine tawe baddi'a wuṛṛu i Ya'u tawe maaillal᷊a.”

DARALO 149:6

Wala'e i mangitou maddalo Ruata ringannu tingikka matelenga, lapiddu uaagassa hal᷊ele buatte niddampassa

ESTER 8:17

Wuṛṛu lai suapan soa see propinsi, su al᷊awo'u tampa suratta parentan datu niwasa, manga taumatan Yahudi lullala'a, mallal᷊umanna'a wuṛṛu naandeangnga. Ewe'e lai manambo wuassu tumana'a apan naola'a walahannu Yahudi, ana waugu i mangitou matta'uttu walahanna udde.

2 SAMUEL 21:20

Nariaddi lai pangalo nando'appa taumatan Filistin su Gat. Isudde pia sangkatou wawalla apan apulune uapapangalo. Tal᷊imaddone annummu wua suapan limane wuṛṛu suapan leddane.

REENGANNA 13:32

Ana see i mangitou nanal᷊iawukken batti'a awusu su ammul᷊annu taumatan Israel su ola'u wanua apan buatte niellehanni mangitou. Unni mangitou, “Wanua udde tumaniten ma'ata'utta, ewe'e lai su tumanangnge sassane. Manga taumata apan niasiloanni yami poiaroddi wahahewalla awangnge.

PANDARIADDI 27:29

Antimanna manga walahanna maola'a allangngu wuṛṛu manga ṛuangannu walahanna uasuṛṛubawa si'o. Antimanna i'o uataṛṛino manga tuṛṛangngu, wuṛṛu pallaṛṛiten inangngu massubba su saruannu. Antimanna awontohana anambon taumata apan mammontoga si'o wuṛṛu al᷊amatan anambon taumata apan mangngal᷊amatta si'o.”

AYUB 11:19

I'o sarun tawe mata'uttu seetta; manambo taumata sarun maiontolla si'o.

YESAYA 18:1

Wuassu sambau wanua, su samba'a manga sal᷊ukku Sudan niaringikka tingikku serangga.

YESAYA 19:21

Mawu sarun mapal᷊iatta'u watangan-Ne su walahannu Mesir, wuṛṛu i mangitou sarun maaillal᷊a wuṛṛu massubba si Tou, lapiddu mangapiddu aonggolla wuṛṛu sasamba si Tou. I mangitou sarun maddiandin Tou ringannu sasalu wuṛṛu mappaamattu riandi udde.

YESAYA 19:22

Mawu sarun manggesekka walahannu Mesir, arawe wua'udde i Tou sarun mangundamma si mangitou. I mangitou sarun mabbal᷊i'a mabelengnga ringannu Mawu, wuṛṛu i Tou sarun maddaringikka aal᷊iomanni mangitou lapiddu mangonggollu aul᷊en baddangnga.

YESAYA 54:3

I'o sarun aatambanna ahewalle watukku aikkatanna ara'e lai aiṛṛi, tumanangngu sarun mangintaṛṛe su leta'u manga walahanna wuṛṛu matana'a su manga soa apan orassa indi mal᷊annabba.

YESAYA 55:5

I yamiu sarun mamaggo manga walahanna waine, wuṛṛu i mangitou sarun dumanta ringanni yamiu, ana waugu i Ya'u, Mawu Ruatanu, Ruata na'ukkassu Israel, ana waugu i Ya'u buatte namantuga si yamiu.”

YESAYA 60:3

Manga walahanna nirumanta mangngelekka watukku asasemakku, manga ratu ninumemman asasemakka apan nirumanta si'o.