Biblia Todo Logo
Bib sou entènèt

- Piblisite -




YESAYA 45:1 - WUKE SUSI WATTI'U AL᷊AL᷊USASSA

1 Mawu buatte namile si Kores maola'a ratu; i tou nitebbo'a iapawaddo manga walahanna wuṛṛu ipamaddi taṛṛinon manga ratu. Mawu sarun mamu'a manga ngaran soa si tou, tawe saran sambau apan nallambe uaṛṛuudda. Ete si tou Mawu nabbisara,

Gade chapit la Kopi




YESAYA 45:1
31 Referans Kwoze  

Ete i Ya'u apan nabbisara si Kores, ‘Ete i'o apan mamarenta uma-U, wuṛṛu mapaamattu anambon apulu-Ku. Parentaite tadea'u Yerusalem olaanna apia, wuṛṛu Wal᷊en Mawu isarite rapappake.’ ”


“I Ya'u, Mawu, namaggo wuṛṛu mapamanaranu mapaamattu atatul᷊idda. I'o i Ya'u ehetanna wuṛṛu paddul᷊ianang-Ku tadea'u maola'a pa'aire su umattu taumata, wuṛṛu semakka su anambon walahanna.


Arawe i ya'u sidutu su saruan-Nu, I'o uaagassa lima'u aikkatanna.


Ana waugu i Ya'u Mawu, Ruatanu, uapitaddu limanu aikkatanna; wisara-Nu, ‘Arie pa'ata'utta, i Ya'u sarun mantul᷊ungngu.’ ”


Mawu buatte nanondo manga ratu Media, ana waugu i Tou mappulu makkimunsa'a Babel. Eteudde lal᷊an-Ne i Tou mabbal᷊issa inolaannu manga taumata apan nakkimunsa'a wal᷊e-Ne. Manga tembonannu wuntuannu tantaran pangalo namarenta, “Takko'e anaanna! Riahite allungnga!


Mawu nabbisara, “Matete Babel suadio'a ringannu tumanangnge wuṛṛu tembonannu araratuanna see lai manga mapapande mangitou!


Ete i Ya'u Mawu, tawe baine, i Ya'u Ruata apan tinggassa. I'o buatte Ta'u nionggol᷊annu ahidda, salaiwe i'o tawe maaillal᷊a si Ya'u.


Su tonna paarorone sutempo i Kores uaparenta, ratun Persia, Mawu napaamattu apa apan buatte niwisara-Ne si Nabi Yeremia. Mawu nangal᷊oren naungngi Kores tadea'u mapasabbangngu sambau parenta apan iwasa su ahewallu araratuanne. Tingikke arendi:


Ngaran ua'e anambon sal᷊ukka buatte niwaassa, ne niṛṛumindu'e ahewallu wal᷊en araratuanna!


Winatangnga aruane lihidde ere beruangnga. I tou uarisikka su ledda ne su liudde, wuṛṛu uaapiddu tallun paddi duṛṛin rusu'a suwallattu manga isine. I ya'u naaringikka tingikka nabbisara si tou, “Otte, inasse ṛemessa anambone suapawe ipaapulunu!”


Mawu buatte namaggo manga atumannaṛṛanne apan nipile-Ne. I mangitou matohassa, mangngimanna watanganne wuṛṛu wotongnge pangantiman-Ne. Mawu nandolokki mangitou makkuumannu manga taumata apan niaṛṛinoannu asasa'u-Ne.


Nipansilian-Ne taumata apan aaddatanna; niul᷊ean-Ne taṛṛinon mangitou apan uaparenta.


I tou nabal᷊i namillossa wuṛṛu arodi ata'unne na'oman sara wuune mangngiladda.


Ete i Ya'u apan buatte nanantillu al᷊awo'u walahanna indi sulal᷊ummu taṛṛinon allang-Ku, Nebukadnezar ratun Babel. Ewe'e winatangnga lai buatte Ta'u nitantilla si tou iapapiara.


Isai apan nangal᷊oren tembonanne wuassu ra'i, wuṛṛu sidutu nangonggollu auntunganna? Isai apan na'ola'a si tou namaddon manga walahanna, wuṛṛu napasuṛṛubbawan manga ratu si tou? Hal᷊elene naasal᷊iawukka si mangitou ere awu, anaanne napaaṛṛaen mangitou ere laṛṛami nitiuppu anginna.


Mawu nabbisara, “Pabbelengke su wadda'a lol᷊okka maranin Damsyik! Ana see roote watukku soa wuṛṛu lal᷊ina'e lana su puan Hazael maola'a tatiala patatenege mabbal᷊i ratun Siria.


wuṛṛu su winggin sal᷊ukka udde niasiloanna sambau domba esakka apan pia tandungnge mal᷊o'engnga, sambau mallo'enganna wuṛṛu mabbakkuanna wuassu waine.


Sambau walahanna wuassu sawannakka sarun dumanta mamangalo Babel wuṛṛu ma'ola'a wanua udde mabbal᷊i wadda'a apan maṛṛasa. Taumata wuṛṛu winatangnga sarun tumal᷊angnga, wuṛṛu tate lai apan maapulu matana'a poiaroddi.”


I Ya'u buatte nangal᷊oren sangkatou wuassu ra'i: i Ya'u niwaggoanna i tou iapapangalo wuassu sawannakka. Manga tembonanne sarun ṛindanna ere labbo, ere mandarunna urinna maṛṛinda leta'a maddeetta.


“Eteindi parentan Kores, ratun Persia. Mawu, Ruata tembonanne su surga buatte na'ola'a si ya'u ratu su ahewallu runia, wuṛṛu nangonggollu manara si ya'u tadea'u mapararisikku Wal᷊en-Ne su Yerusalem su leta'u Yehuda.


Elea'e manga waneṛṛan pangalo su puiddu wuidda lunggukka! Pamaggote manga tantara, wuṛṛu wattea'e pulal᷊annu tadea'u i mangitou mamangalo manga ngaran soa apan mawunga udde.


Ete i Ya'u apan nabbisara wuṛṛu namaggo si tou, apan nangehetta si tou na'oman sara i tou naasomba ul᷊ene.


Ana see wal᷊oa'a si mangitou manungku i Ya'u, Mawu Apan Lembontaṛṛino, Ruatan Israel sarun maparantan allang-Ku Nebukadnezar ratun Babel, watukku tampa udde. Wuṛṛu su wowo manga watu apan nial᷊inu sulal᷊ummu leta'a udde, i tou sarun mapararisikku wal᷊en araratuanne see mani'akka rasannu araratuanne.


Taumatan Babel naddote mapapangalo wuṛṛu uatana'e su manga tanda batu. I mangitou niawul᷊iannu awawaṛṛani wuṛṛu tate maa'al᷊iore. Manga ngara pasallangannu soa buatte nihohakka, wuṛṛu manga wal᷊en nisoṛṛobba.


Darandungngu Babel apan mangkatohassa sarun Ta'u hohaṛṛanna ma'oman sara maddatakku leta'a. Ngarane apan mangkatanggakka sarun Ta'u soṛṛowanna sara masue. Tawe gunane inasaharannu manga walahanna, ana waugu anambon hessin manaran mangitou sarun ametannu ara'e masorobbu putungnga. I Ya'u, Mawu Apan Lembontaṛṛino, buatte nabbisara.”


Leta'u Mesir Ta'u ionggolla si tou maola'a lal᷊antakku manga inasaharanne, ana waugu tantarane buatte nammanara huna-U. I Ya'u, Mawu Apan Atanggaṛṛanne buatte nabbisara.


I ya'u naasilo domba esakka udde mannandu'a watukku waṛṛatta, sawanakka wuṛṛu timukka. Tawe saran sambau winatangnga lai apan wotongnge maaro'appa ara'e maatal᷊angnga wuassu taṛṛionne. I tou ma'ola'a walate apulun naungnge wuṛṛu nabbal᷊i mawunga.


Manga tantaranu lome ere wawine wuṛṛu wanuanu mangke tawe maal᷊ore sumaruanna seetta. Putungnga sarun manoṛṛobba manga sal᷊aba'un ngaranu.


Swiv nou:

Piblisite


Piblisite