YESAYA 44:28 - WUKE SUSI WATTI'U AL᷊AL᷊USASSA

²⁸ Ete i Ya'u apan nabbisara si Kores, ‘Ete i'o apan mamarenta uma-U, wuṛṛu mapaamattu anambon apulu-Ku. Parentaite tadea'u Yerusalem olaanna apia, wuṛṛu Wal᷊en Mawu isarite rapappake.’ ”

YESAYA 44:28 Referans Kwoze

2 TAWARIKH 36:22

Su tonna paarorone sutempo i Kores uaparenta, ratun Persia, Mawu nanipussu sarangkanambone apan buatte niapasingkan-Ne si Nabi Yeremia. Mawu nangal᷊oren naungngi Kores tadea'u mapasabbangngu sambau parenta apan iwasa su ahewallu araratuanne. Tingikke arendi:

YESAYA 45:1

Mawu buatte namile si Kores maola'a ratu; i tou nitebbo'a iapawaddo manga walahanna wuṛṛu ipamaddi taṛṛinon manga ratu. Mawu sarun mamu'a manga ngaran soa si tou, tawe saran sambau apan nallambe uaṛṛuudda. Ete si tou Mawu nabbisara,

DANIEL 10:1

Su tonna atallune pammarentan Ratu Koresh su Persia, sambau tanata niapasingkatta si Daniel ara'e Beltsazar. Tanata udde atonna, arawe tumaniten masahadda passuṛṛanne. Sutempo mattinsahadda madde'a massunna Daniel nanengkamma tal᷊aane su ola'u atappasannu tanata udde sulal᷊ummu sambau sondappa.

YESAYA 45:13

Ete i Ya'u apan nangal᷊oren Kores iapaamattu pandumang-Ku wuṛṛu mamasi'u atatul᷊idda. I Ya'u apan sarun maparatakku anambon dal᷊anna apan amatanne. I tou sarun mapararisikku api soa-U Yerusalem wuṛṛu mamallossu uma-U apan niatawanna, ringannu tawe doitta nionggolla wuṛṛu tawe bawaekke.” Mawu Apan Lembontaṛṛino buatte nabbisara.

YESAYA 63:11

Wua'udde i mangitou nanaungke tempon al᷊amona, tempo Musa, allangngu Mawu. I mangitou naiwal᷊o, “Suapate Mawu apan nangehetta manga piaṛṛa'u uman-Ne niumamatta su tahal᷊oangnga? Suapate Mawu apan nangonggollu taṛṛino-Ne si mangitou?

YESAYA 46:11

I Ya'u namaggo sangkatou tembonanne wuassu ra'i i tou nirumanta ere sambau manu'u winalanganna apan mal᷊aṛṛaga su mapaamattu putusang-Ku. Apa apan Ta'u niwisara udde sarun Ta'u manaranna, wuṛṛu apa apan Ta'u ilakkiinna sarun Ta'u olaanna.

YESAYA 45:3

Ne i'o sarun Ta'u onggol᷊annu darotongnga pa'aala apan uawuni, tadea'u i'o maasingkatta ete i Ya'u Mawu, Ruatan Israel, apan buatte namaggo si'o su arannu.

YESAYA 42:15

Wowone wuṛṛu wuidda sarun Ta'u olaanna lol᷊okka, anambon sasuanne Ta'u iapatolangnga. Manga wawal᷊annu sal᷊ukka Ta'u wal᷊uanna mabbal᷊i wadda'u anne, anambon dano Ta'u olaanna mamara.

YESAYA 14:32

Sasimbakka apa apan sarun isimbakki ite su manga daroloṛṛanna apan rumanta wuassu walahannu Filistin? I ite sarun sumimbakka si mangitou manungku Mawu buatte namangunna Sion, wuṛṛu uman-Ne apan uatataṛṛangnga sarun maasomba aontolla isudde.

2 TAWARIKH 36:23

“Eteindi parentan Kores, ratun Persia! I ya'u buatte nitenegu Ruata uataṛṛino su surga mabbal᷊i ratu su ahewallu runia, wuṛṛu nandolo'u niapaola'a wal᷊e-Ne su Yerusalem su leta'u Yehuda. Nariaddi, i yamiu sarangkanambone apan nabbal᷊i al᷊aṛṛana'u Ruata ṛinone mabelengnga poiaroddi! Antimanna Mawu Ruatanu mallu'adda si yamiu.”

EZRA 1:1

Su tonna paarorone sutempo i Kores uaparenta, ratun Persia, Mawu napaamattu apa apan buatte niwisara-Ne si Nabi Yeremia. Mawu nangal᷊oren naungngi Kores tadea'u mapasabbangngu sambau parenta apan iwasa su ahewallu araratuanne. Tingikke arendi:

EZRA 1:2

“Eteindi parentan Kores, ratun Persia. Mawu, Ruata tembonanne su surga buatte na'ola'a si ya'u ratu su ahewallu runia, wuṛṛu nangonggollu manara si ya'u tadea'u mapararisikku Wal᷊en-Ne su Yerusalem su leta'u Yehuda.

YESAYA 41:27

Ya'u, Mawu, apan paarorone namasingkatta su Sion; i Ya'u napaapiddu mangangapiddu watti'u al᷊al᷊uassa su Yerusalem.

YESAYA 54:11

Mawu nabbisara, “Ei Yerusalem, soa apan nial᷊al᷊eoanne, i'o tawe maail᷊ore wuṛṛu tawe mallal᷊imbanne. Manga mal᷊itangngu indete iaddo-U apia, ringannu manga watu apan maarega.

YESAYA 58:12

Soa apan mal᷊annute naola'a winalal᷊anna sarun iapararisikki yamiu apia su rapappake tabbe. I yamiu sarun isaggo ‘Walahanna apan napararisikku apia manga tanda'a batu wuṛṛu nanaṛṛupia manga wal᷊en apan nangkahohakka.’ ”

YEREMIA 27:6

Ete i Ya'u apan buatte nanantillu al᷊awo'u walahanna indi sulal᷊ummu taṛṛinon allang-Ku, Nebukadnezar ratun Babel. Ewe'e winatangnga lai buatte Ta'u nitantilla si tou iapapiara.

YEREMIA 43:10

Ana see wal᷊oa'a si mangitou manungku i Ya'u, Mawu Apan Lembontaṛṛino, Ruatan Israel sarun maparantan allang-Ku Nebukadnezar ratun Babel, watukku tampa udde. Wuṛṛu su wowo manga watu apan nial᷊inu sulal᷊ummu leta'a udde, i tou sarun mapararisikku wal᷊en araratuanne see mani'akka rasannu araratuanne.

EZRA 1:3

Antimanna Ruata mallu'adda si yamiu sarangkanambone apan naola'a uman-Ne. I yamiu ṛinone mapul᷊e watukku Yerusalem wuṛṛu mapararisikku apia Wal᷊en Mawu, Ruatan Israel, Ruata apan uatana'a su Yerusalem.

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.