YESAYA 44:26 - WUKE SUSI WATTI'U AL᷊AL᷊USASSA

²⁶ Ete i Ya'u apan nanohassa wisaran allang-Ku, wuṛṛu napaamattu hol᷊aga apan niapal᷊iatta'u daroloṛṛang-Ku, i Ya'u nabbisara manungku Yerusalem sarun atanaanna apia, wuṛṛu manga soan Yehuda sarun Ta'u iapararisikka apia; manga winalal᷊anne sarun isul᷊e apia.

YESAYA 44:26 Referans Kwoze

ZAKARIA 1:6

Ringannu nappaattu manga nabi manga allang-Ku udde, i Ya'u namasingkattu manga parenta wuṛṛu manga tataggu su iupungngu al᷊amonanu. Arawe i mangitou tawe maddaringikka na'oman sara i mangitou ṛinone mamasanna pangillul᷊eanne. Wua'udde i mangitou sinumassilla wuṛṛu nanga'u manungku i Ya'u, Mawu Apan Lembontaṛṛino, buatte nakkuumanni mangitou uasul᷊ungngu pasasal᷊a mangitou, wuṛṛu uasul᷊ungngu apa apan buatte nitantung-Ku.”

YESAYA 60:10

Mawu nabbisara su Yerusalem, “Taumata raho sarun dumanta mamangunna apia darandungngu, wuṛṛu manga ratu sarun mangimbe si'o. Dorone i Ya'u nakkuumannu sulal᷊ummu asasa'u-U, arawe orassa indi Ya'u mappulute umakkannu.

YEREMIA 33:7

Yehuda wuṛṛu Israel sarun Ta'u olaanna tumelengnga ere dorone wuṛṛu i mangitou sarun dumarisikka apia maola'a uma-U.

YEREMIA 30:18

Mawu nabbisara apia: “I yamiu, uma-U sarun Ta'u iakkanna wuṛṛu Ta'u isul᷊e olangnge su wanuanu sassane. Yerusalem sarun iapararisikka apia, wuṛṛu wal᷊en araratuanne apianna.

YESAYA 42:9

Orassa indi apan Ta'u ilaṛṛangngo nilumiatta'e; i Ya'u mappulu mamasingkattu manga hatto apan bakku; tantal᷊anna udde taambe nariaddi, buatte Ta'u niwal᷊o si yamiu.”

NEHEMIA 1:3

I mangitou nabbatti'a manungku manga taumata wua niwuangnga apan buatte nabbelengnga watukku wanuane udde, orassa indi mabbiakka susa wuṛṛu lallobbosannu manga walahanna raho apan uatana'a maranine. See lai, manga darandungngu soa Yerusalem ta'e naṛṛimunsa'a uatal᷊eṛṛongnga wuṛṛu manga ngaran passallanganne taambe niola'a apia ro'en nisoṛṛobba sutempo nal᷊iu.

EZRA 2:70

Manga imam, manga taumatan Lewi wuṛṛu sambageanganna wuassu tumanangnge namanua su Yerusalem wuṛṛu su manga soa maranine. Manga mangangantari, manga mandariagga ngaran Wal᷊en Mawu wuṛṛu manga mamanara su Wal᷊en Mawu see mang taumatan Israel lambene namanua su manga soa tampa tatanaannu al᷊amonan mangitou dorone.

MATIUS 26:56

Arawe atonna naṛṛinote aroddi tadea'u matipusse apa apan niwoṛṛettu manga nabi sulal᷊ummu Wuke Susi.” Wua'udde, manga mallal᷊aṛṛenggen-Ne tinumal᷊angke nanantangngu Mawu Yesus.

MATIUS 5:18

Naunge! Tantal᷊anna langitta wuṛṛu runia ta'e indi, sambau woṛṛetta ara'e titi'a apan addio'anne lai sulal᷊ummu al᷊aṛṛa'a udde, tawe pappasanna amungkangngu sarangkanambone udde taambe natipussa!

ZAKARIA 12:6

Su allo udde manga amonannu Yehuda sarun Ta'u olaanna ere putungnga sulal᷊ummu anambon anutungnga ara'e sasol᷊oanna lukkenggamma su al᷊ungngu wal᷊a'an ganduma; i mangitou sarun mamate manga walahanna su al᷊indonganne. Arawe tumana'u Yerusalem sarun sidutu uatana'a sulal᷊ummu soa ringannu matammudda.

ZAKARIA 2:4

Mala'ekatta paarorone nabbisara su mala'ekatta aruane, “Roote paal᷊ihakka ringannu umbasanna udde, wuṛṛu wal᷊oa'a si tou manungku Yerusalem sarun masaddattu taumata wuṛṛu winatangnga papadul᷊iananna na'oman sara tawe mariaddi olaanna darandungnga ipamaliwutta.

AMOS 9:14

I Ya'u sarun ma'ola'a uma-U Israel mal᷊angnganna apia. I mangitou sarun mapararisikka apia manga soan mangitou apan nassongkakka, ana see i mangitou matana'a poiaroddi. I mangitou sarun massuanna manga wawail᷊annu anggore, wuṛṛu ma'inumma anggorene. I mangitou sarun mabbailla, wuṛṛu umanna pabbawuan inasaharanne.

DANIEL 9:25

Woṛṛeta'e wuṛṛu sunnaite indi: Pitu ikalin pitun pulo su tonnane sarun masue, manattakka wuassu tempone niapasabbangnga parenta ipabbangunna apia Yerusalem, maddatingngu darantan sangkatou piaṛṛa'a nipilen Duata. Su al᷊annunne pitu ikali annummu pulo dua su tonnanne manga lal᷊anna wuṛṛu manga tanda'a watun Yerusalem sarun iaparisikka apia, arawe tempo udde napenen asasusa.

YEHEZKIEL 38:17

Wal᷊inewe su olangngu i Ya'u dorone nabbisara sulal᷊ummu manga allang-Ku manga nabin Israel? I mangitou buatte nani'atta manungku sutempo apan addantane i Ya'u sarun mandolokku sangkatou iapapangalo Israel. I Ya'u Mawu Apan Atanggaṛṛanne buatte nabbisara.”

YEHEZKIEL 36:10

I Ya'u sarun manamba reengannu uma-U Israel. I mangitou sarun matana'a su manga soa wuṛṛu mapararisikku apia al᷊awo'u winalal᷊anne.

NEHEMIA 2:3

ana see, sinumimbakka, “Nabbiakke Tuangnga saran mal᷊annu-l᷊annu! Ereapa allangnga tawe masusa, amungkangngu soa tampa pallabbingannu iupungngu al᷊amonan allangnga orassa indi ete nallambe winal᷊alanna wuṛṛu manga ngarane wahewalla nepodde nisoṛṛobbu putungnga.”

LUKAS 24:44

Wua'udde i Tou nabbisara si mangitou, “Ete indi manga inolaanna apan suete Ta'u niwal᷊o si yamiu su tempo i Ya'u ta'e su sambau ringanni yamiu manungku manga inolaanna apan uawoṛṛetta matataṛṛino si Ya'u sulal᷊ummu manga wuke Musa, Manga Nabi, wuṛṛu Mazmur, ṛinone matipussa.”

YEREMIA 32:44

surattu pamamalline sarun teengannu, pia segelle, wuṛṛu tohasannu manga matatialane. Udde sarun mariaddi su wageangngu leta'i Benyamin, su manga ampungnga maranin Yerusalem, wuṛṛu su manga soan Yehuda, su manga soa su panenteanna, wuṛṛu su Yehuda samba'a timukka. Walahanna indi sarun Ta'u isul᷊e apia olangnge su wanua indi. I Ya'u, Mawu, buatte nabbisara.”

YEREMIA 32:15

Mawu Apan Lembontaṛṛino, Ruatan Israel, nabbisara manungku wal᷊en, leta'a, wuṛṛu waillu anggore sal᷊immurine sarun ipabbawalli apia su wanua indi.”

YEREMIA 31:4

Walahannu sarun ta'u olaanna tumelengnga ere dorone. Paassa lai i yamiu sarun manganu rebana, wuṛṛu massal᷊aingnga ringannu lulluassa.

YESAYA 58:12

Soa apan mal᷊annute naola'a winalal᷊anna sarun iapararisikki yamiu apia su rapappake tabbe. I yamiu sarun isaggo ‘Walahanna apan napararisikku apia manga tanda'a batu wuṛṛu nanaṛṛupia manga wal᷊en apan nangkahohakka.’ ”

YESAYA 54:3

I'o sarun aatambanna ahewalle watukku aikkatanna ara'e lai aiṛṛi, tumanangngu sarun mangintaṛṛe su leta'u manga walahanna wuṛṛu matana'a su manga soa apan orassa indi mal᷊annabba.

DARALO 147:2

Mawu sarun manul᷊en Yerusalem; taumata apa buatte niramme sarun iapiddu Mawu mapul᷊e.

YESAYA 61:4

I mangitou sarun mapararisikku manga soa apan mal᷊annute nahohakka wuṛṛu manul᷊e manga tampa apan mal᷊annute mal᷊annabba.

DARALO 69:35

Paddalote Ruata, ei langitta wuṛṛu runia, tahal᷊oangnga wuṛṛu anambon riadianna sulal᷊umme.

YESAYA 40:9

Saate su wowone apan matanggakka, wuṛṛu al᷊iata'e watti'u al᷊al᷊uassa su Yerusalem! Pangintul᷊ite ringannu tingikka matelengnga, wuṛṛu al᷊iata'e watti'u al᷊al᷊uassa su Sion! Wal᷊oa'e su manga soan Yehuda manungku Ruata mangitou sarun dumanta!

YESAYA 42:19

Isaite apan mabbutanna wuassu Israel allang-Ku? Isaite apan mabbengel᷊anna wuassu daroloṛṛang-Ku?

YESAYA 49:8

Mawu nabbisara uman-Ne, “Sutempo i Ya'u mal᷊uassa, i Ya'u sarun sumimbakka; su allo i Ya'u manal᷊amatta, i Ya'u mantul᷊ungngi yamiu. I yamiu Ta'u lu'aranna wuṛṛu riagang-Ku, wuṛṛu Ta'u olaanna paaire su manga walahanna. Ta'u isul᷊e apia wanua apan mal᷊annabba maola'a leta'a pussa'a apan wawanuanna.

YESAYA 52:9

Paggiote, ei manga winalal᷊annu Yerusalem, ana waugu Mawu nalluassa uman-Ne wuṛṛu namallossu Yerusalem.

YESAYA 55:11

Aroddi lai wisara apan niwisara-U tawe mabbelengnga ringang-Ku ringannu tawe gunane, arawe mahessi maola'a apa apan ipa'apulu-U, wuṛṛu manuungngu al᷊awo'u pandumang-Ku.

YEREMIA 1:10

Allo indi i Ya'u mangonggolla si'o taṛṛino su manga walahanna wuṛṛu manga araratuanna – taṛṛino ipanuwangnga wuṛṛu ipangema'a, tadea'u ipamaddo wuṛṛu ipamate, iapararisikka wuṛṛu ipassuanna.”

DANIEL 9:12

I'o mammanara ringannu naṛṛino ere buatte nipa'ire-Nu si yami wuṛṛu su manga tembonanni yami. Yerusalem buatte niṛṛuman-Nu lembon wahewalla wuassu al᷊awo'u soa su runia indi.

HAGAI 1:13

Wua'udde Hagai namasingkatta su tumanangnge tanatan Mawu manungku Mawu buatte naddiandi sarun mallu'adda si mangitou.

ZAKARIA 1:17

Mala'ekatta udde nandolo'u mamasingkattu tanata indi lai, “Mawu Apan Lembontaṛṛino naddiandi manungku manga soa-Ne sarun mabbal᷊i su lal᷊umanna'a apia wuṛṛu manungku paasa lai i Tou sarun mantul᷊ungngu Yerusalem wuṛṛu manga'u maola'a pussa'a-Ne sassane.”

2 MARARATU 7:16

Ne tumana'u Samaria tinumal᷊angke watukku liuddu soa wuṛṛu nangaṛṛo paddasanannu taumatan Siria. Ereapa buatte niapasingkatu Mawu, manungku tatallu su kilone ganduma apan apianne ara'e annumma su kilone ganduma lihidde waine aregane tumba'u sambau roitta sal᷊a'a.

2 MARARATU 7:18

I Elisa buatte namasingkatta manungku iraṛṛangngo su orassa ereindi lai tiṛṛabbine, tatallu su kilone ganduma apan apianne ara'e annumma su kilone ganduma lihidde waine sarun iwal᷊u'a su Samaria ringannu aregane sambau roitta sal᷊a'a.

2 MARARATU 7:20

Etearoddi nariaddite su taumata udde – i tou nate laṛṛindannu tumana'u soa su ngara pasallangannu soa!

DARALO 69:36

I Tou sarun manal᷊amatta Yerusalem wuṛṛu maparisikku apia manga soan Yehuda. Al᷊aṛṛana'u Mawu sarun mamanua poiaroddi; leta'a udde mabbal᷊i pussa'an mangitou.

DARALO 102:17

napawe Mawu mapararisikku Sion apia, wuṛṛu rumanta sulal᷊ummu awawantu-Ge.

MANNANASE 3:3

tempo ipamate wuṛṛu tempo ipangapia, tempo ipanggohakka wuṛṛu tempo ipa'ola'a.

YEREMIA 28:9

Arawe nabi apan mammani'attu ola'u paddarame, tumba'u wotongnge a'uanna sangkatou nabi apan atonna-tonna nirolokku Mawu, amungkangngu manga pani'anne udde atonna.”