YESAYA 44:19 - WUKE SUSI WATTI'U AL᷊AL᷊USASSA

¹⁹ Ma'aola'a paal᷊uanna udde tawe na'oma maṛṛingidda, “Alu udde sambageanganna tutungangku, wuṛṛu waṛṛane ta'u ipaatta ipallol᷊o roti wuṛṛu ipattapan ṛemessa maola'a wia'u. Ana see lamben kalu udde ta'u niola'a paal᷊uanna. Nariaddi orassa indi i ya'u massubba alu sangkabbuwu!”

YESAYA 44:19 Referans Kwoze

TAHIUL᷊E 27:15

Manga taumatan Lewi: ‘Niawontohante taumata apan ma'ola'a paal᷊uanna wuassu watu, alu ara'e atta'a, wuṛṛu massubba si tou ringannu ma'imbuni; Mawu maddantinnu pasasubba paal᷊uanna!’ Anambon tumana'u soa: ‘Amin!’

1 MARARATU 11:7

Roso su wowone su samba'a ra'in Yerusalem, i tou napararisikku tampa passubbanna si Kamos, mongannu taumatan Moab, wuṛṛu si Molokh, mongannu taumatan Amon – itarua udde monganna apan ma'arantinna.

1 MARARATU 11:5

I Salomo massuba si Asytoret, mongannu walahannu Sidon, wuṛṛu lai si Molokh monganna apan ma'arantinna apan sassubannu walahannu Amon.

HOSEA 7:2

Tawe saran paasa sinumambbi sulal᷊ummu ṛingiranni mangitou manungku i Ya'u sarun mannaungnga al᷊awo'u al᷊al᷊eo udde. Arawe manga rosan mangitou uapal᷊iwutta si mangitou na'oman sara i Ya'u naasilo ringannu matualaga.”

YEHEZKIEL 40:4

Esakka udde nabbisara si ya'u, “Ei taumata apan mattate, paddaringikke paapia-pia wuṛṛu panutukke al᷊awo'u inolaanna apan ta'u iapasilo si'o, ana waugu eteudde i'o niapidda inawarendi. Pasingkata'e su walahannu Israel sarangkanambone apan ellehannu.”

YESAYA 45:20

Mawu nabbisara, “Paasemodde wuṛṛu rantate suadio'a, i yamiu sarangkanambone apan nal᷊iu wuassu manga walahanna! Woddowe eteapa manga taumata apan mangngopassa paal᷊uanna alu, ara'e u'al᷊iomanna su manga monganna apan tawe maapanal᷊amatta.

YESAYA 5:13

Ana waugu udde uma-U apan waggan napa sarun ehetanna inai maola'a taumata niatawanna. Manga mamamiaṛṛa'a wuṛṛu tumana'u soa sarun mate amal᷊unusanna wuṛṛu amarouanna.

2 MARARATU 23:13

See lai manga mezbah su Yerusalem samba'an ra'i, su samba'a timukku Wuiddu Al᷊al᷊eo nisaparanna. Manga mezbah udde niaparisikki Ratu Salomo ipassubba manga monganna apan ma'arantinna – eteudde Asytoret mongannu walahannu Sidon, Kamos mongannu walahannu Moab, wuṛṛu Milkom mongannu walahannu Amon.

TAHIUL᷊E 32:46

i Musa nabbisara, “Panutukke anambon parenta apan Ta'u nionggola si yamiu allo indi. Tantiroa'a su al᷊aṛṛanangngu, tadea'u i mangitou ringannu matammuda mappaamattu anambon titan Mawu.

SASABANGNGA 7:23

Ewe'e lai i tou napul᷊e watukku wal᷊en araratuanna ringannu tawe apendamma su arariadianna udde saran addio'a.

HAGAI 1:5

Annama'e, panutukka olangngu!

YESAYA 46:8

Naungete wuṛṛu ṛingira'e, ei manga taumata mapontol᷊osanna!

2 MARARATU 23:14

Manga pale monganna wuṛṛu paal᷊uannu monganni Asyera niapaaṛṛa'a, ana see leta'a pina'olaanna manga pale wuṛṛu manga paal᷊uanna udde niomboanni Yosia ringannu manga duṛṛin taumata.

YESAYA 44:18

Tumaniten boddo manga taumata ereudde! I mangitou mannutubbu mata wuṛṛu naungngi mangitou na'oman sara tawe maasunna manga apa.

YESAYA 66:3

Arawe walahanna udde ma'ola'a walate apulu mangitou; i mangitou mal᷊uassa mattaṛṛamawu ringannu atokke apan ma'arantinna. Si mangitou tawe paddaṛṛalanne: mangngonggollu sapi esakka wuṛṛu mangngonggollu taumata, mangngonggollu ana'u domba wuṛṛu mammaddi ullekkan asu; mangngonggollu gandumma wuṛṛu mangngonggollu daṛṛan bawi, mannambunnu amania wuṛṛu massubba pa'al᷊uanna.

HOSEA 4:12

I yamiu maddorongnga tatantiro wuassu alu sampaddi! Ta'inna sambua mammasingkatta si yamiu apa apan apulu singkatanni yamiu! I yamiu naal᷊ihidda sangkatou awingnga apan sussandaga; i yamiu nanantang-Ku wuṛṛu nanantillu watangannu su manga mawu waine.