YESAYA 43:5 - WUKE SUSI WATTI'U AL᷊AL᷊USASSA

⁵ Imbaṛṛangnga mata'utta, ana waugu i Ya'u ual᷊u'adda si'o. Wuassu waṛṛatta wuṛṛu wuassu ra'i Ta'u irolokka ana'a pulunnu iaparanta ma'ammulla.

YESAYA 43:5 Referans Kwoze

TAHIUL᷊E 30:3

ne Mawu Ruatanu sarun umakkanni yamiu. I yamiu sarun iapiddi Tou mabelengnga wuassu manga walahanna suapa i yamiu nisal᷊iawukka wuṛṛu iapawiakka su lal᷊umanna'a apia.

LUKAS 13:29

Manga taumata sarun rumanta wuassu ra'i wuṛṛu waṛṛatta, wuassu sawannakka wuṛṛu timukka, wuṛṛu sarun lumuassa sulal᷊ummu Runia Wakku Ruata.

YESAYA 49:12

Wuassu marau uma-U pasi rantate, wuassu sawannakka, waṛṛatta wuṛṛu Sinim su timukka.”

YESAYA 44:2

Ete i Ya'u Mawu apan nandiaddi si'o, apan na'ola'a si'o ro'en ta'e su illoṛṛo, wuṛṛu apan nangontolla si'o. Arie pa'ata'utta, ete i'o allang-Ku, umatta nipile-U apan arangnguang-Ku.

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

ZAKARIA 8:7

I Ya'u sarun manal᷊amatta uma-Ku wuassu manga wanua sutampa i mangitou niṛṛootta,

YESAYA 41:14

Wisaran Mawu, “Arie paata'utta Israel, salaiwe i'o addio'a wuṛṛu lome. Ete i Ya'u Mawu apan mantul᷊ungngu, Apan Lembon Na'ukkassa, Ruatan Israel uddewe Mananal᷊amannu.

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YESAYA 41:8

Arawe i'o, Israel, allang-Ku, umatta nipile-U, i'o pallaṛṛiten Abraham, hawe-U.

DARALO 106:47

Sal᷊amatewe i yami, oh Mawu Ruatan kami, ammul᷊aawe i yami wuassu wallattu manga walahanna, tadea'u i yami wotongnge maadiangkamanna wuṛṛu maddalo aran-Nu apan susi.

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

MIKHA 2:12

Mawu nabbisara apia, “Ei umattu Israel apan ta'e nallambe! I yamiu sarun Ta'u iammulla wuṛṛu Ta'u iaukka ere domba apan nabbelangnga su tandangnge. Naal᷊ihidda wadda'u nannal᷊o apan napenen domba, aroddi lai wanuanu sarun mapene apia ringannu taumata marasai.

DARALO 107:3

I yamiu buatte nihemon-Ne wuassu manga wanua awagananna, wuassu ra'i wuṛṛu waṛṛatta, sawannakka wuṛṛu timukka.

YESAYA 8:10

Panngol᷊age, arawe sarangkanambone tawe maola'a. Pakkawesse, arawe tawe gunane, ana waugu Ruata uaṛundinganna si yami.

YESAYA 41:9

I'o buatte Ta'u nial᷊appa wuassu manga pentakku runia, Ta'u niwaggoanna wuassu manga tampa apan arauanne. Wisara-Nu, ‘I'o allang-Ku; i Ya'u tawe manol᷊a'u taumata nipile-U.’

YESAYA 43:1

Israel, eteindi wisara Mawu, “Ete i Ya'u apan nandiaddi wuṛṛu na'ola'a si'o, arie pa'atautta, i'o sarun Ta'u iapasal᷊amatta! Ya'u buatte namaggo si'o ringannu arannu, i'o uddewe pussa'a-U.

YESAYA 49:18

Pa'ellege wuṛṛu panutudde apan uaoal᷊iwutta si'o, tumana'u soanu naammulle wuṛṛu rumantate ringannu. Ana waugu i Ya'u, Ruata apan biakka, i Ya'u mabbisara, atonna i'o sarun lumuassa ana waugu tumana'u soanu, naal᷊ihidda maawingnga wawine lulluassa ana waugu alaṛṛansangnge.

YESAYA 54:3

I'o sarun aatambanna ahewalle watukku aikkatanna ara'e lai aiṛṛi, tumanangngu sarun mangintaṛṛe su leta'u manga walahanna wuṛṛu matana'a su manga soa apan orassa indi mal᷊annabba.

YESAYA 54:7

“Tumba'u tal᷊angkadio'a i Ya'u manantangngu ringannu napenen darangngu i'o Ta'u al᷊apanna apia.

YESAYA 61:9

Pallaṛṛitenu tumelengnga su anambon tampa, maddingikka suwallattu al᷊awo'u walahanna. Ne anambon taumata apan naasilo sarun manga'u, manungku walahanna indi Ta'u nial᷊amatanna.”

YEREMIA 23:8

ewe'e ringannu arang-Ku, Ruata apan biakka, apan nangapiddu umattu Israel sinumabbangnga wuassu banua su sawannakka, wuṛṛu wuassu anambon wanua waine suapa i mangitou buatte Ta'u nisal᷊iawukka. I mangitou sarun matana'a su leta'a niariaddianne sassane.”

YEREMIA 29:14

Atonna, i yamiu sarun maasomba si Ya'u. I yamiu sarun Ta'u ihemonna wuassu pattangngannu al᷊awo'u walahanna wuṛṛu wuassu tiappu wanua su tampang kamiu nisal᷊iawukka wuṛṛu niwuanga. I yamiu sarun Ta'u iapidda watukku wanua inariaddiannu indi see mamelengngu ola'u pabbiaṛṛanni yamiu. I Ya'u, Mawu, buatte nabbisara.’

YEREMIA 42:11

I ya'u tumaniten massusa ana waugu buatte nandantan asasilaka si yamiu. Ariete mata'uttu ratun Babel udde. I Ya'u supattangngannu tadea'u mantul᷊ungnga wuṛṛu mamallossi yamiu wuassu kuasane.

YEREMIA 51:46

Ariete mata'utta ara'e suminggawanga ana waugu watti'a apan aaringiṛṛanni yamiu. Suapan tonna massal᷊iawukka watti'a apan uapapaṛṛala – watti'a su ola'u araṛṛagissa sulal᷊ummu wanua wuṛṛu su ola'u manga ratu apan uapapangalo sangkatou ringannu waine.

YOEL 3:7

Orassa indi i Ya'u mangapiddi mangitou sumabbangnga wuassu manga tampa i yamiu nabbal᷊ungnge, wuṛṛu i Ya'u sarun mabbal᷊issa al᷊al᷊eonusimangitou.

YEREMIA 3:18

Israel sarun ma'aukku Yehuda, wuṛṛu su sampunna rumanta wuassu wanua pinamuanganna su samba'an sawannakka. I mangitou sarun mabbelengnga su wanua apan buatte Ta'u nionggolla maola'a leta'a pussa'an al᷊amonanu.”

YEREMIA 23:7

Sarun a'omanna tempone, taumata tate lai massalu ringannu arang-Ku, Ruata apan biakka, apan nangapiddu umattu Israel sinumabbangnga wuassu Mesir,