YESAYA 43:24 - WUKE SUSI WATTI'U AL᷊AL᷊USASSA

²⁴ I'o tawe namalli dupa mawangngi huna-Ku, tawe napaal᷊ai-U ringannu tawa sasamba nipotonnu. Ewe'e i'o mawal᷊i'a nangonggollu winabbawa si Ya'u ringannu manga rosanu, napaasusa-U ringannu manga pasasal᷊anu.

YESAYA 43:24 Referans Kwoze

YESAYA 7:13

Ana see i Nabi Yesaya nabbisara, “Amungkangngu aroddi, paddaringikke ei papapulunni Ratu Daud! Tawe natimu i yamiu mannal᷊u'atta asasabbaren taumata, ma'oman sara i yamiu mannal᷊u'atta lai asasabbaren Duata'u?

YEREMIA 6:20

Ipa'ura amania apan iapiddi mangitou si Ya'u wuassu Syeba, ara'e manga rampa-rampa wuassu wanua marau? Tawe maola'a i Ya'u manengkamma sasamba mangitou. I Ya'u maddiri manga sasamba itattambunna wuassi mangitou.

YEHEZKIEL 6:9

poiaroddi i mangitou mabbiakka sulal᷊ummu pamamuanganna. See i mangitou sarun maanaungnga si Ya'u wuṛṛu maasunna manungku i Ya'u makkuumanna wuṛṛu mallobossa si mangitou ana waugu naungngi mangitou tawe satia si Ya'u. I mangitou buatte nanantang-Ku wuṛṛu namile paal᷊uanna maola'a hahanti-U. Wua'udde i mangitou sarun umuallu watanganni mangitou sassane ana waugu al᷊awo'u al᷊al᷊eo wuṛṛu ararantinna apan buatte niola'i mangitou.

YESAYA 63:10

Arawe i mangitou nilumawangnga wuṛṛu napaasusan naungngu Mawu. Ne i Tou nawal᷊elongnga naola'a seetti mangitou i Tou sassane napapangalo nando'appa si mangitou.

DARALO 95:10

Appatu pul᷊o su tonnane al᷊annune i Ya'u nuallen mangitou; wisara-U: Atonna, walahanna udde mal᷊awangnga! I mangitou tawe maddaringikka manga parenta-U.

MALEAKHI 1:14

Niawontohante iapa taṛṛa wahia apan mangngonggollu sasamba si Ya'u winatangnga apan tawe aregane, amungkangngu suwallattu winatangnga papadul᷊iananna pia binatangnga apan mapia apan buatte nipa'irene si Ya'u! Ana waugu ete i Ya'u Ratu Mawantuga, wuṛṛu aaddatannu anambon balahanna.”

AMOS 2:13

Orassa indi i yamiu sarun Ta'u itaddilla sara leta'a, na'oman sara i yamiu sumal᷊iomanna ere kereta apan nabbowon luranna gandumma.

YEHEZKIEL 16:43

I Ya'u nakkuumannu ana waugu i'o tawe mannaungnga ereapa i Ya'u namaddul᷊i si'o sutempo i'o ta'e addio'a. I'o na'ola'a si Ya'u nasa'u ringannu al᷊awo'u inolaanna apan dal᷊eo udde. Anio al᷊awo'u inolaannu apan maarantinna udde ta'e lai tattambannu ringannu sussandaga? I Ya'u Mawu Apan Atanggaṛṛanne buatte nabbisara.”

YESAYA 1:24

Ana waugu udde Mawu Apan Lembontaṛṛino, Ruatan Israel nabbisara: “Ei, manga se'e-Ku, i Ya'u sarun mabbal᷊issa si yamiu, ma'oman sara i yamiu tate mapaasusa-U apia.

IMAMATTA 4:31

Anambon tawan binatangnga udde ṛinone anuanna naal᷊ihidda su sasamban paddarame. Tawane udde ṛinone itambunnu manga imam su wowon mezbah, tadea'u hal᷊urune ma'al᷊uassa naungngu Mawu. Etearoddi olangnge imam mangngonggolu sasamba ipangampunganga rosan tumana'u soa, ne taumata udde sarun ampungannu Mawu.

IMAMATTA 3:16

Imam apan mammanara ṛinone manambunnu sarangkanambone udde su wowon mezbah. Hal᷊urun sasamba anna udde ma'al᷊uassa naungngu Mawu. Anambon tawan binatangnga udde ionggola su Mawu.

SASABANGNGA 30:34

Mawu nabbisara si Musa, “Panganute mangapira hatin rampa-rampa anambone uasul᷊ungnga, eteudde pul᷊uttu damar, pisin lokan, pul᷊uttu rasamab wuṛṛu amania tutune.

SASABANGNGA 30:7

Suapan marua allo su tempo i Harun dumanta manaddia sol᷊o, i tou ṛinone manutungnga amania mawangngi su wowon mezbah udde.

YEREMIA 44:22

Mawu tate maataṛṛangnga lai ma'ellega si yamiu mangngonggollu sasamba su manga mawu waine. Pallal᷊agunu udde lal᷊eo maarantinna. I yamiu narosa su lantakku hati Mawu wuṛṛu tawe tumuṛṛutta manga parenta-Ne. Ana waugu udde orassa indi lai wanuanu naṛṛimunsa'e na'oman sara tate atanaanna apia, wuṛṛu aranne iapaatta maola'a wawontoga. Taumata apan naasilo naapendamma atata'utta.”