YESAYA 43:22 - WUKE SUSI WATTI'U AL᷊AL᷊USASSA

²² Mawu nabbisara, “Arawe i'o Israel, tawe nassubba si Ya'u, wuṛṛu tate lai mattaṛṛamawu si Ya'u.

YESAYA 43:22 Referans Kwoze

MIKHA 6:3

Mawu nabbisara, “Ei uma-U, apa apan buatte Ta'u niola'a su saruanni yamiu? Sulal᷊ummu olangnge apa i Ya'u napasusan kamiu? Simbakke aiwal᷊o-U!

MALEAKHI 3:14

I yamiu mabbisara, ‘Tawe gunane i ya'u mattaṛṛamawu Ruata. Apa hunane mappaamattu manaran kite su Mawu Apan Lembontaṛṛino, ara'e mamasilo si tou manungku i ite sinumassillu pasasal᷊an kite?

MALEAKHI 1:13

Wisarannu, ‘I ite nawusate ringannu sarangkanambone udde’, wuṛṛu i yamiu mangngaddio'a si Ya'u. I yamiu mangngapiddu winatangnga apan nita'o, winatangnga apan lome ara'e maradda'a tadea'u ionggolla si Ya'u. Su ṛingiddi yamiu i Ya'u manengkamma sasamba udde?

YEREMIA 10:25

Sabbanga'e asasa'u-Nu su manga walahanna apan tawe manga'u Si'o wuṛṛu apan tawe mattaṛṛamawu Si'o. Ana waugu i mangitou buatte namate uman-Nu sara nasue wuṛṛu nanggohakku wanuang kami.

DANIEL 9:13

Al᷊awo'u asasilaka apan uaweoṛṛetta sulal᷊ummu Titan Musa buatte niapaṛṛia'u Mawu si yami. Arawe salaiwe aroddi, oh Mawu Ruatan kami, i yami ta'e lai mannol᷊a'a malluassa naung-Nu. I yami sidutu maddiri manantangngu manga rosan kami wuṛṛu maddiri lai maddaringikka manga al᷊aṛṛang-Ngu.

YEREMIA 2:5

Mawu nabbisara, “Pasasal᷊a apate apan niasombangannu al᷊amonanu si Ya'u, na'oman sara i mangitou nandal᷊eo si Ya'u? I mangitou sidutu massubba paal᷊uanna apan tawe gunane wuṛṛu panginsueanne i mangitou sassane nabbal᷊i nahelo.

YESAYA 64:7

Taweddu niumal᷊iomanna Si'o, ara'e maddorongnga a'ontolla Si'o, ana waugu I'o mammunin hati-Nu si yami, wuṛṛu namalang kami pappateannu rosang kami.

DARALO 79:6

Sabbanga'e asasa'u-Nu su manga walahanna apan tawe maaillal᷊a Si'o wuṛṛu su manga araratuanna apan tawe mattaṛṛamawu Si'o.

DARALO 14:4

Unnu Mawu, “Apa manga taumata lal᷊eo udde tawe maatutukka? I mangitou mabbiakka ringannu manna'o al᷊aṛṛana-U wuṛṛu tawe saran paassa niumal᷊iomanna si Ya'u.”

MALEAKHI 2:17

I yamiu na'ola'a Ruata nawusa ringannu tal᷊umamanu. Arawe i yamiu ma'iwal᷊o, “Ereapa i yamiu maawusa Mawu?” Ringannu mabbisara, “Anambon taumata apan ma'ola'a al᷊al᷊eo sassunnannu Mawu mapia, wuṛṛu i Tou mappulun mangitou.” Ara'e ringannu ma'iwal᷊o, “Suapa Ruata apan naudde matul᷊idda udde?”

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.