YESAYA 43:21 - WUKE SUSI WATTI'U AL᷊AL᷊USASSA

²¹ Ete i mangitou walahanna apan Ta'u niola'a wuassu watangang-Ku, tadea'u wotongnge magion daralo si Ya'u.”

YESAYA 43:21 Referans Kwoze

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

IBRANI 13:15

Ana waugu udde, ringannu tatangngannu Mawu Yesus, ṛinone i ite sidutu maddalo Ruata; udde maola'a sambau aonggolu a'adiangkamanni ite si Tou, apan nionggoli ite ringannu wisaram wiwikka ipaddalo aran-Ne.

DARALO 102:18

I Tou sarun maddaringikka aal᷊iomannu al᷊aṛṛanang-Nge apan uatataṛṛanga, wuṛṛu tawe mapawelengngu darorongngi mangitou.

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

KOLOSE 1:16

Ana waugu ete sulal᷊ummi Tou Ruata nandiaddi al᷊awo'u manga apa su surga wuṛṛu su wowon dunia, al᷊awo'u apa apan aasiloanna wuṛṛu apa apan tawe asiloanna, nasutta lai alawo'u ghaṛṛaho apan uataṛṛino wuṛṛu uaparenta. Ahewallu runia indi niola'a sulal᷊ummi Kristus wuṛṛu hunane si Kristus.

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

EFESUS 3:21

Ṛinone Ruata wantuhanna sara maṛṛawa mappulunna sulal᷊ummu jamaatta, wuassi Kristus Yesus. Daralo su Ruata saran mal᷊annu-l᷊annu! Amin.

YESAYA 50:7

Ana waugu Mawu Ruata nantul᷊ungku, ne i ya'u tawe nipansilianna. I ya'u mannohassa naungku tadea'u masabbare; i ya'u masingkatta manungku i ya'u tawe pansilianna.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

DARALO 4:3

Ei manga taumata, ta'e pira allo lai al᷊annune i yamiu mallobbosa Ruata'u? ma'oman sara tingera i yamiu mandangngu apa tawe gunane wuṛṛu mangenggenna apa apan nassal᷊a?

AMSAL 16:4

Al᷊awo'a apan niola'u Mawu pia pandumanne; wuṛṛu pandumannu taumata lal᷊eo eteudde papate.

DARALO 79:13

Ne i yami al᷊aṛṛanang-Ngu, domba papadul᷊ianan-Nu, sarun maadiangkamanna Si'o saran mal᷊annu-l᷊annu, wuṛṛu maddalo Si'o sara maṛṛawa mappulunna.

YESAYA 42:12

Mappianne i mangitou mamantuga Mawu, wuṛṛu mamasingkatti Tou su manga wanua marau.

YESAYA 43:1

Israel, eteindi wisara Mawu, “Ete i Ya'u apan nandiaddi wuṛṛu na'ola'a si'o, arie pa'atautta, i'o sarun Ta'u iapasal᷊amatta! Ya'u buatte namaggo si'o ringannu arannu, i'o uddewe pussa'a-U.

YEREMIA 13:11

Ere nasa maautta uawa'issa masaggadda su lawassu tatahuanne, aroddi lai pandumang-Ku tadea'u umattu Israel wuṛṛu Yehuda wawa'isanna masagadda ringang-Ku. Ringannu aroddi i mangitou mabbal᷊i uma-U apan ma'ola'a arang-Ku raddaloanna wuṛṛu a'addatanna. Arawe, i mangitou maddiri tumuṛṛutta si Ya'u.”

MALEAKHI 3:17

Mawu Apan Lembontaṛṛino nabbisara, “I mangitou sarun mabbal᷊i uma-U. Su allo udde i Ya'u mammanara, i mangitou sarun maola'a pussa'a arangnguang-Ku. I Ya'u sarun umakkanni mangitou, ere sangkatou iamangnga u'akkannu anangnge apan matuṛṛutta si tou.

DARALO 102:19

Woṛṛeta'e anambon inolaannu Mawu su pallal᷊awanna apan addantane, tadea'u walahanna apan taambe niasungkangnga wotongnge maddalo si Tou.

YEREMIA 33:9

Yerusalem sarun maola'a al᷊al᷊uassa wuṛṛu ilallala-U. Al᷊awo'u walahanna su runia sarun mata'utta wuṛṛu matal᷊o see mangaddatta si Ya'u, napawe maaringikka ola'u apapia apan Ta'u niola'a su tumana'u Yerusalem, wuṛṛu su ola'u lal᷊umanna'a apan Ta'u nionggolla su soa udde.”