YESAYA 43:10 - WUKE SUSI WATTI'U AL᷊AL᷊USASSA

¹⁰ Ei uma-U, ete i yamiu manga tiala-U, i yamiu Ta'u nipile maola'a manga allang-Ku, tadea'u masingka-U wuṛṛu mangngimanna si Ya'u, wuṛṛu maasunna manungku ete i Ya'u Ruata. I Ya'u Ruata Apan Tinggassa taweddu wal᷊ine ro'en al᷊amonane wuṛṛu piate i Ya'u.

YESAYA 43:10 Referans Kwoze

YESAYA 41:4

Isaite apan na'ola'a sarangkanambone udde? Isaite apan nanantunnu amamattu runia? Ya'u, Mawu, ete i Ya'u apan paarorone, wuṛṛu sidutu pia maddatingngu panginsueanne.

YESAYA 45:6

Sarangkanambone udde Ta'u olaanna tadea'u wuassu ra'i maddatingngu waṛṛatta anambon taumata masingkatta manungku ete i Ya'u Mawu, tawe mawu waine tumba'u i Ya'u.

YESAYA 43:12

I Ya'u buatte namasingkatta si'o, Ete i Ya'u apan nanal᷊amatta si yamiu, wuṛṛu wal᷊ine mawu awagananna suwallatti yamiu; ete i yamiu apan maola'a manga tiala-U. Wuṛṛu i Ya'u, i Ya'u indi Ruata,

WATTI'U MANGA RASUL 1:8

Arawe i yamiu sarun maasomba taṛṛino, amungkangngu Ghaṛṛahon Ruata nirumantate ringanni yamiu. Wuṛṛu yamiu sarun ma'ola'a manga tatiala-U su Yerusalem, su ahewallu Yudea, su Samaria, wuṛṛu sara pentakku runia.”

FILIPI 2:7

Arawe, i Tou namallosu sarangkanambone see naola'a ere sangkatou allangnga. I Tou naola'a ere taumata, wuṛṛu aasiloanna mabbiakka ere taumata.

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

YESAYA 41:20

Ne anambon taumata sarun maasilo wuṛṛu maasingkatta manungku i Ya'u, Mawu, apan na'ola'a udde. I mangitou sarun manutukka wuṛṛu maasunna, Ruata na'ukkassu Israel na'ola'a udde nariaddi.”

SONDAPPA 1:2

Ne i Yohanes nabbati'en sarangkanambone apan niasiloanne udde; wuṛṛu ete indi watti'i tou su ola'u tanatan Ruata apan tinohassu Mawu Yesus Kristus wuassu tatiala-Ne.

YOHANES 20:31

Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YOHANES 15:27

Wuṛṛu i yamiu lai ṛinone mangonggolu tatiala su ola'u riri-U ana waugu i yamiu uaaukke ringang-Ku ro'en paarorone.

YESAYA 41:8

Arawe i'o, Israel, allang-Ku, umatta nipile-U, i'o pallaṛṛiten Abraham, hawe-U.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

1 KORINTUS 15:15

Nangillembo wua isudde, nasemakke manungku i yamiu mangngawusu su ola'u Ruata, ana waugu i yami mabbatti'a manungku Ruata buatte napaawiakki Kristus wuassu papate, wutte'e Ruata tawe napaawiakki tou apia – amungkangngu atonna taumata nate tawe iapaawiakka apia!

SONDAPPA 3:14

“Su mala'ekattu jamaatta su Laodikia, woṛṛetta'a arendi: Ete indi tanata wuassu Awantuhanne Amin, Mattatiala apan matammuda wuṛṛu naṛṛino, punnu al᷊awo'u sarannapa apan niola'u Ruata.

KOLOSE 1:7

Olangnge udde niapaasingkati Epafras si yamiu, hawe apan arangnguanni yami. I tou udde allangngi Kristus apan matuṛṛuta mammanara hunan kite.

YESAYA 55:4

Mangke atonna, i tou Ta'u itenega piaṛṛa'a wuṛṛu panglima, tialan taṛṛino-U su manga walahanna.

TAHIUL᷊E 4:35

Sarangkanambone udde niapal᷊iatta'u Mawu si'o ipattiala manungku tumba'u Mawu udde Ruata, wuṛṛu taweddu waine.

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

DARALO 102:27

Sarangkanambone udde sarun mawul᷊i, arawe I'o sidutu uatatana'a aroddi; sarangkanambone udde sarun mawulle ere peddetta. Niramme-Nu ere laubba tabbe, ana see sarangkanambone sarun maṛṛenessa.

YESAYA 45:5

Ete i Ya'u Mawu, tawe baine, i Ya'u Ruata apan tinggassa. I'o buatte Ta'u nionggol᷊annu ahidda, salaiwe i'o tawe maaillal᷊a si Ya'u.

YESAYA 48:12

Mawu nabbisara, “Paddaringikke Israel, umatta apan niwagoang-Ku, i Ya'u sidutu Ruatanu. Ete i Ya'u paarorone, wuṛṛu i Ya'u lai panguddusanne.

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

HAGAI 2:23

Su allo udde i'o Zerubabel, allang-Ku, sarun Ta'u itenega mamarenta ringannu arang-Ku. Ana waugu ete i'o apan buatte Ta'u nipile.” Mawu Apan Lembontaṛṛino buatte nabbisara.

SASABANGNGA 8:6

Ne i Harun namal᷊aattu ta'inne su anambon sal᷊ukka, ana see nilumapputte manga aakka namene ahewallu wanua.

TAHIUL᷊E 4:39

Ana waugu udde atimpu'ote su allo indi wuṛṛu arie abbul᷊iananna; Tumba'u Mawu uddewe Ruata su langitta wuṛṛu su runia; taweddu wal᷊ine.