YESAYA 42:7 - WUKE SUSI WATTI'U AL᷊AL᷊USASSA

⁷ Tadea'u ipamu'a matan taumata wuta, wuṛṛu ipamallossu taumata wuassu ararandummu tuttupanna.

YESAYA 42:7 Referans Kwoze

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

YESAYA 49:9

Taumata apan nitaṛṛo su tattupanna Ta'u iapasabbanga; apan su tampa marandumma Ta'u iapidda su asasemakka. Ewe'e lai wuidda apan lol᷊okka i mangitou tawe atalanne, su al᷊o'engngu lal᷊anna nasaddiate anna.

YESAYA 35:5

Sutempo udde taumata wuta sarun maasilo, wuṛṛu taumata wengella sarun maaringikka.

2 TIMOTIUS 2:26

Ringannu aroddi i mangitou maatutukke apia, wuṛṛu napallose wuassu seddan Setanna apan suete nangiitta si mangitou wuṛṛu mammata'i mangitou tumantalongnga apulune.

MATIUS 11:5

Taumata wuta naasilo, taumata lome naa'amatta, taumata raddangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapasingkatta su manga taumata asiangnga.

LUKAS 24:45

Wua'udde Mawu Yesus nanualaga ṛingiṛṛanni mangitou ana see maasunna pandumannu Wuke Susi.

SONDAPPA 3:18

Ana waugu udde i Ya'u manantiro si yamiu tadea'u mamalli wul᷊awanna wuassia-U, eteudde wul᷊awanna apan apianne, tadea'u i yamiu maola'a ala. Pamallite lai laubba mawira wuassia-U tadea'u i yamiu pia peddeta wuṛṛu ipami'unte wadangi yamiu apan tantol᷊e wuṛṛu ma'asili. Wuṛṛu pamallite lai undama ipamuṛṛa matanu tadea'u i yamiu wotongnge maasilo.

YOHANES 9:39

Mawu Yesus nabbisara, “I Ya'u nirumanta su runia indi, makkuungngu taumata; tadea'u taumata wuta wotongnge maasilo, wuṛṛu taumata ma'asilo, maola'a wuta.”

YESAYA 29:18

Sutempo udde taumata wengella sarun maaringikka manga wisara wuassu sambau buke apan iabbasa, wuṛṛu taumata wuta apan tanginna mabbiakka marandumma sarun maasilo.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

YESAYA 9:2

Mawu, I'o nangonggolla si mangitou al᷊al᷊uassa apan bahewalla, I'o na'ola'a si mangitou huggio. I mangitou lullala'a ana waugu apapia-Nu, naal᷊ihidda taumata apan lulluassa sutempo mangitingnga, ara'e mattahia ul᷊e niaaṛṛo.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

YESAYA 42:22

Arawe walahanna udde nasuete pinangaṛṛoanna; i mangitou tinaṛṛanganna su manga wabbo'a sulal᷊ummu leta'a, wuṛṛu nitaṛṛo sulal᷊ummu manga tuttupanna. I mangitou naola'a sol᷊ene wuassu pangangaṛṛo udde, wuṛṛu taweddu nirumanta mangontolla.

YESAYA 42:16

Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

YOHANES 9:7

see nabbisara si tou, “Roote pamaresi hatinu su Li'un Siloam.” (Siloam atapasanne ‘Nirolokka’.) Ne taumata udde inaite namaresi hatine. Su tempo i tou nabelengnga, i tou wotongngete maasilo.

MIKHA 7:9

I ite narosate su Mawu, ana waugu udde orassa indi i ite ṛinone mamendamma asasa'u-Ne. Arawe tate mal᷊annu lai i Tou sarun manamba'a si ite wuṛṛu mangonggollu atatul᷊idda si ite. i Tou sarun mangapiddi ite sumabbangnga watukku asasemakka; i ite sarun maapendamma sassane manungku i Tou nanal᷊amatta si ite.

DARALO 97:7

Anambon taumata apan massubba paal᷊uanna sarun pansilianna, apan mammungan darotongnga apan tawe gunane; anambon monganna sarun massubba su saruannu Mawu.