YESAYA 42:6 - WUKE SUSI WATTI'U AL᷊AL᷊USASSA

⁶ “I Ya'u, Mawu, namaggo wuṛṛu mapamanaranu mapaamattu atatul᷊idda. I'o i Ya'u ehetanna wuṛṛu paddul᷊ianang-Ku tadea'u maola'a pa'aire su umattu taumata, wuṛṛu semakka su anambon walahanna.

YESAYA 42:6 Referans Kwoze

LUKAS 2:32

naal᷊ihida semakka apan mannemakka lal᷊annu manga walahanna waine, ana see rumanta ringan-Nu; eteudde asasemakka apan mandantan awawantuga su al᷊aṛṛanang-Ngu Israel.”

WATTI'U MANGA RASUL 13:47

Ana waugu indi parenta Mawu si yami: Mawu nabbisara, ‘I Ya'u suete namile si yamiu maola'a semakka su manga taumata waine apan wal᷊ine Yahudi, tadea'u i yamiu mangapiddu asasal᷊amatta su ahewallu runia.’ ”

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

YESAYA 49:8

Mawu nabbisara uman-Ne, “Sutempo i Ya'u mal᷊uassa, i Ya'u sarun sumimbakka; su allo i Ya'u manal᷊amatta, i Ya'u mantul᷊ungngi yamiu. I yamiu Ta'u lu'aranna wuṛṛu riagang-Ku, wuṛṛu Ta'u olaanna paaire su manga walahanna. Ta'u isul᷊e apia wanua apan mal᷊annabba maola'a leta'a pussa'a apan wawanuanna.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

YESAYA 26:3

Mawu, I'o nangonggollu paddarame wuṛṛu lal᷊umanna'a su taumata apan naungnge matammudda, ana waugu i tou mangngimanna Si'o.

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

IBRANI 9:15

Ana waugu udde i Kristus naola'a Pal᷊alawenne su sambau paaire apan wakku, tadea'u taumata apan suete niwagoannu Ruata wotongnge manengkamma manga al᷊amatta awasa apan suete pina'iren Ruata. Sarangkanambone udde wotongnge mariaddi ana waugu piateddu nate, eteudde i Kristus; wuṛṛu papate-Ne udde namallosu manga taumata wuassu manga pasasal᷊a apan niola'i mangitou su tempo pa'aire paarorone ta'e ipappa'atta.

WATTI'U MANGA RASUL 26:23

eteudde manungku Ratum Punnu Sal᷊amatta apan pina'iren Ruata udde ṛinone matataṛṛangnga, wuṛṛu maola'a taumata paarorone apan mabbiakka apia wuassu papate, tadea'u ringannu udde i Tou wotongnge mamasingkattu asasemakka – eteudde asasal᷊amatta – mapia su manga taumatan Yahudi aroddi lai su manga taumata apan bal᷊ine Yahudi.”

2 KORINTUS 1:20

Ana waugu sulal᷊ummi Tou Ruata suete nabbisara “Ore” su al᷊awo'u paaire-Ne. Ana waugu udde i ite mabbisara “Amin” su Ruata ana waugu Yesus Kristus. I yami na'ola'a aroddi tadea'u Ruata wantuhanna.

YESAYA 43:1

Israel, eteindi wisara Mawu, “Ete i Ya'u apan nandiaddi wuṛṛu na'ola'a si'o, arie pa'atautta, i'o sarun Ta'u iapasal᷊amatta! Ya'u buatte namaggo si'o ringannu arannu, i'o uddewe pussa'a-U.

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

YESAYA 41:13

Ana waugu i Ya'u Mawu, Ruatanu, uapitaddu limanu aikkatanna; wisara-Nu, ‘Arie pa'ata'utta, i Ya'u sarun mantul᷊ungngu.’ ”

IBRANI 8:6

Arawe orassa indi Mawu Yesus naasomba manaran imam apan lembon awantuhanne wuassu apan nimmanara manga imam udde. Ana waugu paaire apan niola'a su wallatu Ruata wuṛṛu taumata, eteudde pa'aire apan lembon apianne ana waugu pinangianannu paaire hunane su manga inolaanna apan lembon apianne.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

YESAYA 45:13

Ete i Ya'u apan nangal᷊oren Kores iapaamattu pandumang-Ku wuṛṛu mamasi'u atatul᷊idda. I Ya'u apan sarun maparatakku anambon dal᷊anna apan amatanne. I tou sarun mapararisikku api soa-U Yerusalem wuṛṛu mamallossu uma-U apan niatawanna, ringannu tawe doitta nionggolla wuṛṛu tawe bawaekke.” Mawu Apan Lembontaṛṛino buatte nabbisara.

IBRANI 12:24

I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

YESAYA 32:1

Pa'ellege, sarun a'omanna tempone sangkatou ratu mamarenta ringannu atatul᷊idda wuṛṛu manga mamamiaṛṛa'u walahanna mappaamattu atatul᷊idda.

IBRANI 7:2

Ne i Abraham nangonggola si Melkisedek sambau wuassu mapul᷊o apan niaaṛṛon tou. (Aranna Melkisedek atappasanne, paarorone, “Ratun Atatul᷊idda”; pia atappasanne lai “Ratum Paddarame”.)

YESAYA 27:3

Ya'u, Mawu, mandariagane; suapan tempo i Ya'u mamamokkane, allo ṛabbi i Ya'u mallu'adda tadea'u tawe piaddu manal᷊awa'a.

YESAYA 41:2

Isai apan nangal᷊oren tembonanne wuassu ra'i, wuṛṛu sidutu nangonggollu auntunganna? Isai apan na'ola'a si tou namaddon manga walahanna, wuṛṛu napasuṛṛubbawan manga ratu si tou? Hal᷊elene naasal᷊iawukka si mangitou ere awu, anaanne napaaṛṛaen mangitou ere laṛṛami nitiuppu anginna.

YESAYA 45:1

Mawu buatte namile si Kores maola'a ratu; i tou nitebbo'a iapawaddo manga walahanna wuṛṛu ipamaddi taṛṛinon manga ratu. Mawu sarun mamu'a manga ngaran soa si tou, tawe saran sambau apan nallambe uaṛṛuudda. Ete si tou Mawu nabbisara,

YEREMIA 12:16

Amungkangngu i mangitou ringannu ahewallu naungnga mappulu manengkamma agaman uma-U wuṛṛu mappulu massalu ringannu mabbisara, ‘Riangannu arannu Mawu apan biakka,’ – ere lai dorone i mangitou mangngaṛṛa'a uma-U massalu ringannu aranni Baal – ne i mangitou lai sarun mareengnga uma-Ku wuṛṛu maola'a ala.