YESAYA 42:22 - WUKE SUSI WATTI'U AL᷊AL᷊USASSA

²² Arawe walahanna udde nasuete pinangaṛṛoanna; i mangitou tinaṛṛanganna su manga wabbo'a sulal᷊ummu leta'a, wuṛṛu nitaṛṛo sulal᷊ummu manga tuttupanna. I mangitou naola'a sol᷊ene wuassu pangangaṛṛo udde, wuṛṛu taweddu nirumanta mangontolla.

YESAYA 42:22 Referans Kwoze

DARALO 102:20

Mawu ual᷊ellega wuassu tampa-Ne apan matanggakka, wuassu surga i Tou nangintanno runia

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

YESAYA 51:23

Asasusa udde Ta'u nionggolla su mangangallangu, apan buatte nandolokku niapaatiilla su leta'a, wua'udde nakkinda si yamiu, ere ola'u i yamiu lal᷊anna apan a'amatannu taumata.”

DARALO 50:22

Panutukke, i yamiu apan naabul᷊iten Duata; paatehampe arie ma'oman sara i yamiu Ta'u pateanna, wuṛṛu taweddu manal᷊amatta.

YESAYA 42:7

Tadea'u ipamu'a matan taumata wuta, wuṛṛu ipamallossu taumata wuassu ararandummu tuttupanna.

YESAYA 24:22

I mangitou sarun iammulla suadio'a naal᷊ihidda taumata tataṛṛanganna sulal᷊ummu liangnga, wuṛṛu nitaṛṛo sulal᷊ummu tutupanna maddatingngu tempone i tou iṛṛuumanna.

YESAYA 24:18

Taumata apan tumal᷊angngu watanganne wuassu pagahahio udde sarun umul᷊ussa sulal᷊ummu sedda, wuṛṛu taumata apan mal᷊iu wuassu sedda sarun asongnganna. Uranna masaddatta sarun mawambinna wuassu langitta, wuṛṛu rapappakku runia sarun umio'a.

YESAYA 18:2

Wuassu wanua udde nirumantate manga daroloṛṛanna massaalannu pandanna tinumumbe Sal᷊ukku Nil. Ei, manga daroloṛṛanna apan matikko'a, paal᷊ihakka apul᷊ete su wanuanu apan aeleṛṛannu manga sal᷊ukka udde. Apira'e indi sambau tanata hunan walahannu apan matohassa wuṛṛu waṛṛani, manga taumatanu apan matanggakka wuṛṛu pisine al᷊ussa wuṛṛu iaata'utta su ahewallu runia.

YESAYA 14:17

Ete i tou apan nakkimunsa'a manga soa wuṛṛu namal᷊u runia naola'a wadda'u anne? Ete i tou indi apan taambe saran paassa tawe nawallossu manga taumata niatawanne ara'e namala mangitou mapul᷊e?’

YESAYA 1:7

Wanuanu buatte nihohakka; manga soanu nitutungnga na'oman sara nepodda. Su saruannu matanu taumata raho mangnganu letangngu wuṛṛu mandomba al᷊awo'a.

YEREMIA 52:31

Su allo aruan pul᷊o limane wul᷊anna mapul᷊o dua tonna atallum pul᷊o pitu napawe i Yoyakhin buatte niapidda su pamuanganna, i Ewil-Merodakh naola'a ratun Babel. Su tonna udde lai i tou napal᷊iatta'u darangngune si Yoyakhin, wuṛṛu napasabbangngi tou wuassu tuttupanna,

YESAYA 56:9

Mawu nandolokku manga walahanna waine nirumanta ere winatangnga mal᷊aṛṛaga iapatambo uman-Ne.

YESAYA 45:13

Ete i Ya'u apan nangal᷊oren Kores iapaamattu pandumang-Ku wuṛṛu mamasi'u atatul᷊idda. I Ya'u apan sarun maparatakku anambon dal᷊anna apan amatanne. I tou sarun mapararisikku api soa-U Yerusalem wuṛṛu mamallossu uma-U apan niatawanna, ringannu tawe doitta nionggolla wuṛṛu tawe bawaekke.” Mawu Apan Lembontaṛṛino buatte nabbisara.

YESAYA 36:1

Su tonna mapul᷊o appatta su pamamarentan Hizkia ratun Yehuda, manga soan Yehuda apan pia tandange watu nipangaloanna wuṛṛu niwaddon Sanherib, ratun Asyur.

YESAYA 5:29

Manga tantarane mammaṛṛo ere singa apan wakkute nanametta sinangngone, see tinal᷊angnge, wuṛṛu taweddu maapallossa.

YESAYA 42:23

Isai suwallatti yamiu apan mappulu maddaringikka olangnge indi, wuṛṛu manutukka ma'oman sara maasunna?

YESAYA 24:3

Runia sarun mattal᷊eṛṛonga wuṛṛu ṛimunsaanna. Mawu buatte nabbisara, wuṛṛu olangnge udde sarun matipussa.