YESAYA 42:16 - WUKE SUSI WATTI'U AL᷊AL᷊USASSA

¹⁶ Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

YESAYA 42:16 Referans Kwoze

YESAYA 30:21

Amungkangngu i yamiu sumewadda wuassu lal᷊anna, su liuddu sarun aringiṛṛanna tingik-Ke apan mabbisara, “Eteindi lal᷊anne; amatte su lal᷊anna indi.”

LUKAS 3:5

Al᷊awo'u liobongnge sarun soopanna, al᷊awo'u wowone wuṛṛu wuidda iapaaratakka. Lal᷊anna apan uawengkolla sarun tul᷊iṛṛanna, wuṛṛu lal᷊anna apan ual᷊iobbo'a sarun iratakka.

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

YESAYA 40:4

Suapan wawal᷊anne ṛinone soopanna wowone wuṛṛu wuidda iratakka. Leta'a pia buidde sarun maola'a ratakke, wuṛṛu apan natatal᷊attadda sarun lauṛṛanna.

EFESUS 5:8

I yamiu sassane dorone sulal᷊ummu ararandumma. Orassa indi yamiu naola'e al᷊aṛṛana'u Mawu, nariaddi yamiu orassa indi sulal᷊ummu asasemakka. Ana waugu udde i yamiu ṛinone mabbiakka sulal᷊ummu asasemakka.

YESAYA 32:3

Taumata apan maasilo sarun tawe manutubbu matane, wuṛṛu apan maaringikka sarun maddaringikka.

IBRANI 13:5

Imbaṛṛanga wiakku paparentannu awawal᷊iun roitta, arawe ṛinone i yamiu mal᷊uassa ringannu saranapa apan tatahuananni yamiu. Ana waugu Ruata suete nabbisara, “I Ya'u tawe mapaawalanu ara'e manantangi yamiu.”

YESAYA 29:18

Sutempo udde taumata wengella sarun maaringikka manga wisara wuassu sambau buke apan iabbasa, wuṛṛu taumata wuta apan tanginna mabbiakka marandumma sarun maasilo.

DARALO 94:14

Ana waugu Mawu sarun tawe manantangngu al᷊aṛṛanang-Nge; i Tou tawe ma'ellega aroddi pussa'a-Ne.

YESAYA 48:17

Wisaran Duata susi Israel, Mananal᷊amannu, “Ete i Ya'u Mawu Ruatanu, apan mangngaṛṛa'u apa apan mahuna si'o, wuṛṛu nangehetta si'o su lal᷊anna apan amatannu.

YESAYA 45:2

“i Ya'u sarun manaddia lal᷊annu; wowone wuṛṛu wuidda sarun Ta'u iratakka, manga ngara witu'a sarun Ta'u pesanganna, wuṛṛu manga papal᷊e atta'a sarun Ta'u paddianna.

YESAYA 35:5

Sutempo udde taumata wuta sarun maasilo, wuṛṛu taumata wengella sarun maaringikka.

HOSEA 2:14

Mawu nabbisara, “Ana waugu udde i Ya'u sarun mangapiddi tou watukku wadda'a; poiaroddi i tou sarun Ta'u isalo'a ringannu manga wisaran paapulu.

HOSEA 2:6

Ana waugu udde, i Ya'u sarun maṛṛimputta si tou ringannu aputta ṛoaanna, wuṛṛu maṛṛapingnga lal᷊anne ringannu tanda'a meselle.

YESAYA 29:24

Taumata woddo sarun mangurumma tadea'u maasunna wuṛṛu taumata apan sidutu sussawutulla sarun mal᷊uassa aṛṛaanna.”

YOSUA 3:4

arawe imbaṛṛangnga umamatta tumaniten maranin Wantala udde; tantalongke wuassu liudde ringannu wallanne sangkilo araune. Ringannu aroddi yamiu sarun maasingkata lal᷊anna apan ṛinone amatanni yamiu, ana waugu i yamiu taambe wuasu wanua indi.”

YEHEZKIEL 14:23

See lai i yamiu sarun maasunna manungku al᷊awo'u inolaang-Ku udde pia pangiananne. I Ya'u Mawu Apan Atanggaṛṛanne buatte nabbisara.”

YESAYA 54:13

Anambon tumanangngu nabbal᷊i mallal᷊aṛṛenggeng-Ku, i mangitou sarun tawe su awussa ewe'e su lal᷊umanna'a.

YESAYA 41:3

I tou sidutu mangngenggena wuṛṛu u'amatta tawe gal᷊ahene; leddane mal᷊ihakka, ere tawe mangeṛṛetta leta'a.

MANNANASE 7:13

Panutukke manaran Duata. Isai apan wotongnge manul᷊idda apa apan niwengkollu Ruata?

MANNANASE 1:15

Iapa wengkolla tawe iatul᷊idda, wuṛṛu apan tawe baddi'a tawe iareengnga.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

YESAYA 26:7

Taumata mapia su lal᷊anna matul᷊idda, ana waugu I'o, Mawu, namu'a lal᷊anni mangitou.

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

YESAYA 41:17

Napawe pabbawala-U apan susa udde maddea'a ua'e, wuṛṛu tonggol᷊anni mangitou namara ana waugu marou, ne i Ya'u, Mawu, sarun sumimbakka aal᷊iomanni mangitou; Ruatan Israel sarun tawe manantangngu uman-Ne.

YESAYA 45:7

Ete i Ya'u apan nandiaddi asasemakka wuṛṛu ararandumma, i Ya'u mandatan al᷊amatta wuṛṛu asasilaka. Ete i Ya'u Mawu apan na'ola'a sarangkanambone udde.

YESAYA 52:12

I yamiu sarun tawe masasaṛṛawutta inai, wuṛṛu tawe ere taumata tumal᷊angngu watanganne. Ana waugu Mawu sarun mangehetta si yamiu; Ruatan Israel mallu'adda si yamiu wuassu anambon pappi'uanne.

YESAYA 58:10

Onggol᷊eten kanna su taumata apan mal᷊unussa, wuṛṛu ontol᷊ete manga taumata apan aallanganna. Amungkangngu inolaanni yamiu aroddi, ne ararandumma apan uapal᷊iwutta si'o, sarun mabbal᷊i masemakka ere allo.

YESAYA 62:12

I mangitou sarun isaggo: ‘Umatta susi’; ‘Umatta apan nisal᷊amattu Mawu’. Yerusalem sarun isaggo ‘Soa apan nisal᷊o'u Mawu’, ‘Soa apan tate lai itantangngu Mawu’.

AMOS 5:8

Ete Mawu apan na'ola'a manga anumpitanna su winalanganna – anumpitanna Belantik wuṛṛu anumpitanna Kartika. I Tou namal᷊u ararandumma nabbal᷊i asasemakka wuṛṛu allo nabbal᷊i ṛabbi; ua'e wuassu tahal᷊oangnga nilal᷊in-Ne su ammaranne. Apan na'ola'a sarangkanambone udde aran-Ne eteudde Mawu.