YESAYA 42:10 - WUKE SUSI WATTI'U AL᷊AL᷊USASSA

¹⁰ Pangantariten antari wakku su Mawu, paddalote si Tou, ei ahewallu runia! Paddallu'e, ei tahal᷊oangnga wuṛṛu anambon lal᷊oṛṛone, manga wanua apan marau wuṛṛu anambon tumanangnge!

YESAYA 42:10 Referans Kwoze

DARALO 33:3

Pangantariten aantari wakku su Mawu, pannalangke kecapi mapia-pia paggiote ringannu al᷊al᷊uassa!

YESAYA 42:4

ringannu tawe singgawange ara'e awul᷊iannu antimma, ma'oman sara atatul᷊idda ipasi'a su runia. Manga wanua apan marau lukkintul᷊un al᷊aṛṛangne.”

DARALO 40:3

I Tou namatunna si ya'u wuassu loṛṛangnga apan maasilaka, wuassu labbon lota. I Tou nangaddo'u su wowon wuiddu watu, na'oman sara lempangku naatokka.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

YESAYA 49:13

Pangantarite ei langitta, paggiote ei runia, ei manga wowone, paggioten al᷊al᷊uassa! Ana waugu Mawu nirumanta mallimbatta uman-Ne, I Tou mandangngu uman-Ne apan niallangnga.

SONDAPPA 14:3

Su saruannu adderan araratuanna wuṛṛu sire appata riadianna wuṛṛu manga piaṛṛange uapal᷊iwutta adderan araratuanna udde, 144.000 su atoune udde mangngantari sambau antari wakku. Antari udde tawe aurumannu saran sangkatou, tumba'u sire 144.000 su atoune udde apan suete nipallosa wuassu runia.

ZEFANYA 2:11

Mawu sarun ma'ola'a si mangitou matta'utta. I tou sarun makkimunsa'a manga monganna su runia. Wua'udde anambon walahanna mattaṛṛamawu su Mawu, sambau-sambau su wanuane sassane.

YESAYA 65:14

Mangke atonna, i mangitou sarun lumala'u al᷊al᷊uassa, arawe i yamiu lumuai ringannu sussangitta.

YESAYA 60:9

Eteudde manga apalla apan rumanta mabbal᷊ango mangngapiddu umattu Ruata mapul᷊e wuassu wanua marau. Sal᷊a'a wuṛṛu wul᷊awanna niapidda lai tadea'u ipaddalo Mawu Ruatanu; su Ruatan Israel Apan Lembonsusi, apan na'ola'a uman-Ne a'addatanna.

YESAYA 51:5

Asasal᷊amatta apan Ta'u ionggolla maranite; tempon auntungang-Ku maranite ma'oma. I Ya'u sassane sarun mamarenta manga walahanna. Manga wanua apan marau mangke uaraṛṛaddo si Ya'u wuṛṛu uaantimma inolaang-Ku apan matohassa.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

YESAYA 44:23

Paggiote ringannu al᷊al᷊uassa, ei langitta, paggiote, ei wantan dunia! Paggioten lal᷊uassa, ei manga wowone! see lai mahurangnge wuṛṛu suapan punnu alu sulal᷊umme! Ana waugu Mawu buatte napal᷊iatta'u awawantu-Ge ringannu nanubbussa Israel uman-Ne.

DARALO 150:6

Ṛinone anambon riaddianna wiakka maddalo Mawu. Paddalote Mawu!

DARALO 97:1

Mawu uddewe Ratu! Ṛinone runia udde lumala'a, wuṛṛu manga taṛṛanusa lumuassa.

DARALO 96:11

Lallala'e, ei langitta wuṛṛu runia! Paddallu'e ei tahal᷊oangnga ringannu anambon lal᷊oṛṛone!

1 TAWARIKH 16:32

Raddalu'e ei tahal᷊oangnga wuṛṛu anambon lal᷊oṛṛone! Lallala'e ei wadda'a wuṛṛu al᷊awo'u sasuanne!

SASABANGNGA 15:1

Ana see i Musa wuṛṛu manga taumatan Israel nangantarin aantari indi ipaddalo Mawu, “I Ya'u maapulu mangantari su Mawu, ana waugu i Tou naauntungke ringannu wahewalla. Anambon awal᷊o wuṛṛu sumasa'ene nituntungi Tou sulal᷊ummu tahal᷊oangnga.

SASABANGNGA 20:11

Sulal᷊ummu tempo annummu allo, i Ya'u, Mawu, na'ola'a runia, langitta, tahal᷊oangnga, wuṛṛu al᷊awo'a sulal᷊umme, arawe su allo appitune i Ya'u nangillol᷊o. Ana waugu udde i Ya'u, Mawu, nangal᷊amatta allon Sabat wuṛṛu niṛṛae passubanna si Ya'u.

DARALO 65:5

Lal᷊umanna'a su taumata apan nipile-Nu, wuṛṛu I'o nangahe matana'a su Wal᷊en-Nu. I yami sarun lairannu al᷊awo'a apan mapia su Wal᷊en-Nu, tatanaan-Nu apan susi.

DARALO 72:10

Manga ratun Tarsis wuṛṛu manga taṛṛanusa sarun mangapiddu sasamba si tou. Manga ratun Arab wuṛṛu Etiopia nirumanta uaapiddu aonggolla.

YESAYA 11:11

Su allo udde Mawu sarun paassa lai mappaattu taṛṛino-Ne mangapidda mapul᷊e uman-Ne lambene su Asyur wuṛṛu su Mesir, su manga wanua Patros, Sudan wuṛṛu Elam, su Babel, Hamat wuṛṛu manga taṛṛanusa apan marau.

YESAYA 12:5

Pangantarite paddalo Mawu, ana waugu i Tou na'ola'a manambo al᷊aṛṛindu'a. Wala'e ahewallu runia maddaringikka ola'u inolaan-Ne.

YESAYA 48:20

Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

YESAYA 60:6

Wanuanu niṛṛulunannu manambo unta, i mangitou nirumanta wuassu Midian wuṛṛu Efa. Wuassu Syeba taumata nangapiddu wul᷊awanna wuṛṛu amania, lapiddu maddal᷊o inolaannu Mawu.

YESAYA 62:11

Mawu nangonggollu tanata indi su al᷊awo'u pentakku wanua, “Wal᷊oa'a su tumana'u Sion, ‘Pa'ellegge, Mawu Mananal᷊amannu nirumanta! I tou aopasannu manga taumata apan buatte nipallon-Ne’ ”