YESAYA 41:8 - WUKE SUSI WATTI'U AL᷊AL᷊USASSA

⁸ Arawe i'o, Israel, allang-Ku, umatta nipile-U, i'o pallaṛṛiten Abraham, hawe-U.

YESAYA 41:8 Referans Kwoze

YAKOBUS 2:23

Udde nassul᷊ungu wageangngu Wuke Susi indi, “Abraham mangngimanna Ruata, wuṛṛu ana waugu pangangimanne udde Ruata nanengkamma si tou naola'a sangkatou apan tinumuṛṛuta apulun Duata.” Ana waugu udde Abraham nisago “Hawen Duata.”

2 TAWARIKH 20:7

Tumba'u I'o Ruatan kami. Sutempo al᷊aṛanang-Ngu, walahannu Israel, nirumanta su wanua indi, I'o nallimbuakka manga taumata apan sutempo udde uatana'a isindi. Ana see I'o nangonggolu wanua indi su papapulunni Abraham, hawe-Nu, maola'a leta'a pussa'an mangitou saran mal᷊annu-l᷊annu.

TAHIUL᷊E 14:2

I yamiu uddewe pussa'an Mawu Ruatanu; wuassu al᷊awo'u walahanna su wowon dunia, ete i yamiu apan nipilen Mawu Ruata mabbal᷊i al᷊aṛṛanang-Nge.”

YESAYA 51:2

Naungete iupungngu al᷊amonanu i Abraham wuṛṛu i Sara apan nanungkangngi yamiu; sutempo i Ya'u namaggo si Abraham, i tou tawe ana'a; wua'udde i Ya'u nangal᷊amatta si tou wuṛṛu Ta'u nionggol᷊annu pallaṛṛite apan manambo.

YESAYA 44:21

Mawu nabbisara, “Naungete sarangkanambone indi, ei Israel, ana waugu ete i'o allang-Ku. I Ya'u nandiaddi si'o, wuṛṛu i'o allang-Ku, Israel, i Ya'u sarun tawe maabbul᷊inu!

YESAYA 29:22

Ana waugu udde Mawu, Ruatan Israel apan namallossi Abraham, orassa indi nabbisara, “Pabbawala-U, i yamiu tate lobbosanna lai wuṛṛu hatinu tate mamillossa lai ana waugu massili.

DARALO 33:12

Lal᷊umanna'a walahanna apan mangnga'u Mawu udde Ruatane, lal᷊umanna'a su taumata apan nipile-Ne maola'a pussaa-Ne!

YESAYA 43:1

Israel, eteindi wisara Mawu, “Ete i Ya'u apan nandiaddi wuṛṛu na'ola'a si'o, arie pa'atautta, i'o sarun Ta'u iapasal᷊amatta! Ya'u buatte namaggo si'o ringannu arannu, i'o uddewe pussa'a-U.

DARALO 135:4

I Tou namile si Yakub su watangan-Ne, wawosoannu Israel naola'a pussa'a-Ne.

YEREMIA 33:24

“Buattewe i'o nanutukka wisaran taumata ipabbisara Israel wuṛṛu Yehuda? I mangitou mabbisara manungku i Ya'u buatte nandammen walahanna darua indi apan buatte Ta'u nipile udde. Ana waugu udde i mangitou mangngaddio'a uma-U, wuṛṛu tate lai ma'ellega si mangitou udde sambau walahanna.

YESAYA 48:12

Mawu nabbisara, “Paddaringikke Israel, umatta apan niwagoang-Ku, i Ya'u sidutu Ruatanu. Ete i Ya'u paarorone, wuṛṛu i Ya'u lai panguddusanne.

MATIUS 3:9

Arie massunna manungku i yamiu mal᷊iu wuassu ṛuumanna ringannu mabbisara manungku i Abraham uddewe iupungngu al᷊amonang kamiu. Naunge, wuassu manga watu indi lai, Ruata wotongnge ma'ola'a papapulunni Abraham!

YESAYA 63:16

Wal᷊inewe I'o Iamangngi yami? Abraham wuṛṛu i Yakub waggan kami. Arawe I'o Mawu, uddewe Iamangngi yami, Mananal᷊amatta si yami ro'en al᷊amonane.

YESAYA 49:3

Wisara-Ne si ya'u, “Ete i'o allang-Ku; i Ya'u sarun wantuhanna ana waugu i'o.”

TAHIUL᷊E 10:15

Arawe darangngun Mawu su al᷊amonanu aroddi ahewalle, na'oman sara wuassu al᷊awo'u walahanne, ete i yamiu apan nipile-Ne, wuṛṛu na'oman sara orassa indi lai yamiu ta'e al᷊aṛṛanang-Nge apan nipile-Ne.

IMAMATTA 25:42

Taumatan Israel uddewe manga allangngu Mawu; ete i Tou apan nangapiddi mangitou sinumabbangnga wuassu Mesir, wuṛṛu ana waugu udde i mangitou tawe wotongnge iwal᷊u'a maola'a allangnga.

GALATIA 3:19

Amungkangu aroddi, ipa'ura titan agama nionggolla? Sasimbakke eteudde manungku tita udde nipanamba tadea'u mapaal᷊iatta'u lal᷊awangngu taumata. Titan agama udde tumba'u ipappaatta ma'oman sara darantan sangkatou papapulunni Abraham, apan nisaggo sulal᷊ummu paairen Duata si Abraham. Titan agama udde niwal᷊o manga mala'ekatta ringannu pal᷊elene sangkatou taumata.

DARALO 136:22

maola'a pussa'an Israel allang-Nge; darangngu-Ne tawepanguddusanne.

YESAYA 14:1

Mawu sarun umakkannu Israel uman-Ne, wuṛṛu mamile si mangitou apia maola'a pussa'a-Ne. I Tou sarun mapaatana'i mangitou apia su wanua mangitou sassane. Taumata raho sarun dumanta wuṛṛu ma'ammulli mangitou.

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

YESAYA 42:19

Isaite apan mabbutanna wuassu Israel allang-Ku? Isaite apan mabbengel᷊anna wuassu daroloṛṛang-Ku?

YESAYA 43:5

Imbaṛṛangnga mata'utta, ana waugu i Ya'u ual᷊u'adda si'o. Wuassu waṛṛatta wuṛṛu wuassu ra'i Ta'u irolokka ana'a pulunnu iaparanta ma'ammulla.

YESAYA 43:10

Ei uma-U, ete i yamiu manga tiala-U, i yamiu Ta'u nipile maola'a manga allang-Ku, tadea'u masingka-U wuṛṛu mangngimanna si Ya'u, wuṛṛu maasunna manungku ete i Ya'u Ruata. I Ya'u Ruata Apan Tinggassa taweddu wal᷊ine ro'en al᷊amonane wuṛṛu piate i Ya'u.

YESAYA 45:4

I'o Ta'u niwaggoanna wuṛṛu Ta'u nionggol᷊annu aranna, salaiwe i'o tawe maaillal᷊a si Ya'u. I'o Ta'u iapamanara mantul᷊ungngu Israel allang-Ku, ana waugu i mangitou walahanna nipile-U.

MALEAKHI 1:2

Mawu nabbisara su uman-Ne, “I Ya'u marangngu si yamiu.” Arawe i mangitou sinumimbakka, “Ereapa Mawu mandangngu si yami?” Mawu sinumimbakka, “Wal᷊inewe Esau iaangngi Yakub? Arawe i Yakub Ta'u arangnguanna,

DARALO 136:21

Wanuan mangitou tinantillu Mawu su al᷊aṛṛanang-Nge; darangngu-Ne tawe panguddusanne;