YESAYA 41:5 - WUKE SUSI WATTI'U AL᷊AL᷊USASSA

⁵ Tumana'u manga wanua marau ma'asilo sarangkanambone apan buatte niola-U. I mangitou niṛṛumindu'a wuṛṛu mangngindon atata'utta, see na'ammulla su sambau wuṛṛu nirumanta.

YESAYA 41:5 Referans Kwoze

DARALO 67:7

Leta'a buatte nangonggolu hessine, Ruata, Ruatan kite buatte nangal᷊amatta si ite.

DARALO 66:3

Wal᷊oa'e su Ruata, “Atonna mangke maatiangnga inolaan-Nu! Seetta uasuṛṛubbawa Si'o ringannu atata'utta, ana waugu tumaniten wahewalla taṛṛino-Nu.

DARALO 65:8

I'o napal᷊enakku tandi'u tahal᷊oangnga wuṛṛu daṛṛan lua'a, wuṛṛu I'o napal᷊annabu al᷊iba'ukku manga walahanna.

YOSUA 5:1

Anambon ratun Amori su samba'an baṛṛatu Sal᷊ukku Yordan, wuṛṛu anambon ratun Kanaan su winggin Tahal᷊oangngu Tangngane naaringikka manungku Sal᷊ukku Yordan niapaamara Mawu al᷊annune ṛuangannu Israel tuttumbe sal᷊ukka udde. Ne i mangitou nata'utta wuṛṛu nangilladda waugu taumatan Israel.

YOSUA 2:10

Yami buatte naaringkka watti'a su ola'u ereapa Mawu napaamaran Tahal᷊oangngu Gelagah su saruanni yamiu, su tempo i yamiu nanantangngu Mesir. Yami lai naaringikke ereapa i yamiu namate si Sihon wuṛṛu si Og, ratun balahannu Amori udde su samba'an da'in Sal᷊ukku Yordan.

SASABANGNGA 15:14

Manga walahanna naaringikka wuṛṛu mangngindo; taumatan Filistin wuṛṛu manga piaṛṛa'u Edom nata'utta. Taumatan Moab apan matohassa mangngiladda, taumatan Kanaan naungnge naadio'a.

PANDARIADDI 10:5

I mangitou yupungngu manga walahanna apan uatana'a su al᷊o'engngu apanne wuṛṛu su manga taṛṛanusa. Eteudde anambon papapulunni Yafet. Suapan walahanna wuṛṛu ṛuanganna apan uatana'a su wanuane sambau-sambau, wuṛṛu uatahuanna manga sasinaukke sassane.

YESAYA 41:1

Wisaran Duata, “Paal᷊annabe wuṛṛu paddaringikke si Ya'u, ei tumana'u manga wanua apan marau. Panaddiate rumanta ringannu mallaṛṛuunga, inaite wuṛṛu apira'e hattonu. Wette i ite makkuungnga su sambau, ipakkawessu tanne isai naṛṛino wuṛṛu isai nassal᷊a.

YESAYA 41:6

Anambon taumata uatatul᷊ungnga, wuṛṛu uatatohassa naungnga.

YEHEZKIEL 26:18

Orassa indi, sutempo i'o niawaddo, tumana'u manga taṛṛanusa mangngindo. Niṛṛumindu'e i mangitou sarangkanambone naasilo araṛṛimunsa'a apan tawe iaṛṛangngo.”

DARALO 65:9

Anambon tumana'u runia matta'utta wuṛṛu mangngaddata naasilo manga inolaan-Nu apan wahewalla. Ahewallu runia wuassu pentakke maddatingngu pondolle niolang-Ngu lulluassa lullala'a.