YESAYA 41:24 - WUKE SUSI WATTI'U AL᷊AL᷊USASSA

²⁴ Mangke atonna-tonna, i yamiu wuṛṛu inolaannu tawe baddi'a, wuṛṛu manga maddaralonu tumba'u ma'arantinna.

YESAYA 41:24 Referans Kwoze

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

DARALO 115:8

Antimanna etearoddi pal᷊addu manga taumata apan nallanginna, wuṛṛu anambon taumata apan mangngimanna si tou.

YESAYA 41:29

Atonna-tonna, manga monganna udde tawe gunane, i mangitou tumba'u paal᷊uanna niwoso apan tawe maal᷊ore, wuṛṛu atwe mappa'ola'a manga apa.”

YEREMIA 10:8

Longonna wuṛṛu woddo mangitou sarangkanambone ana waugu mongannu tumba'u alu sangkabuwu, tawe maapangaṛṛa'a apa apan pia gunane.

SONDAPPA 17:5

Su pakkane uawoṛṛetta sambau aranna apan ia'addappinga. Aranna udde eteudde, “Babel Apan Wahewalla, inangngu manga sumasandaga wuṛṛu taumata lal᷊eo su runia.”

YEREMIA 10:14

Naasilo sarangkanambone udde taumata naatutukke, manungku i tou woddo wuṛṛu tawe pasasunna. Manga basen wul᷊awanna niawul᷊iannu hatine, ana waugu paal᷊uanna sassubbanna lanna'u limane udde awusu wuṛṛu tawe sasangngone.

YESAYA 66:24

Sutempo umamatte, i mangitou sarun maasilo winal᷊unannu manga taumata apan buatte nilumawangnga si Ya'u. Ul᷊idda apan u'inassa winal᷊unanni mangitou sarun tawe mate, wuṛṛu putungnga apan mannoṛṛobba si mangitou tawe mappadumma; sambau inolaanna aellehanna apan maata'utta su anambon taumata.”

YESAYA 37:19

Manga monganni mangitou lai nitutungnga wuṛṛu niṛṛimunsa'a, ana waugu atonna manga monganna udde tawe taṛṛinone. I mangitou tumba'u paal᷊uanna wuassu alu wuṛṛu manga watu apan nilanginnu taumata.

TAHIUL᷊E 27:15

Manga taumatan Lewi: ‘Niawontohante taumata apan ma'ola'a paal᷊uanna wuassu watu, alu ara'e atta'a, wuṛṛu massubba si tou ringannu ma'imbuni; Mawu maddantinnu pasasubba paal᷊uanna!’ Anambon tumana'u soa: ‘Amin!’

TAHIUL᷊E 7:26

Imbaṛṛangnga mangaddon sambau paal᷊uanna sulal᷊ummu wal᷊enu, tadea'u wontoga apan maṛṛia'a si tou tawe maṛṛia'a lai si yamiu. Olangnge udde ṛinone ia'atantinni yamiu wuṛṛu a'adio'a, ana waugu buatte niwontohannu Mawu Ruata.”

AMSAL 3:32

Waugu, Mawu maddantinnu taumata apan ma'ola'a al᷊al᷊eo, arawe i Tou uaaukku taumata apan biakke matul᷊idda.

AMSAL 28:9

Amungkangngu i'o tawe tumuṛṛutta titan Duata, Ruata lai sarun masamballu aal᷊iomannu.

YEREMIA 10:5

Manga paal᷊uanna sassubbanna udde naal᷊ihidda saṛṛen taumata su waillu katimu. I mangitou tawe maawisara, wuṛṛu tawe maal᷊empangnga, wuṛṛu ṛinone a'bengketanna. Arie mata'utti mangitou, ana waugu i mangitou tawe ma'ola'a al᷊al᷊eo si yamiu; ma'ola'a apapia lai i mangitou tawe maaola'a.”

YEREMIA 10:15

Manga paal᷊uanna udde tawe aregane, ṛinone a'al᷊uandahanna wuṛṛu lobbosanna. Napawe nia'omante tempone i mangitou sarun mate.

TAHIUL᷊E 7:25

Tambuna'e manga paal᷊uanna apan sassubbanni mangitou. Arie umanggangu sal᷊a'a ara'e wul᷊awanna apan ua'ele si tou wuṛṛu imbaṛṛangnga manganu hunanu sassane. Amungkangngu i yamiu lumawangnga parenta udde i yamiu sarun mate, ana waugu Mawu Ruatanu udde maddantinnu pasasubba paal᷊uanna.