YESAYA 41:2 - WUKE SUSI WATTI'U AL᷊AL᷊USASSA

² Isai apan nangal᷊oren tembonanne wuassu ra'i, wuṛṛu sidutu nangonggollu auntunganna? Isai apan na'ola'a si tou namaddon manga walahanna, wuṛṛu napasuṛṛubbawan manga ratu si tou? Hal᷊elene naasal᷊iawukka si mangitou ere awu, anaanne napaaṛṛaen mangitou ere laṛṛami nitiuppu anginna.

YESAYA 41:2 Referans Kwoze

YESAYA 45:1

Mawu buatte namile si Kores maola'a ratu; i tou nitebbo'a iapawaddo manga walahanna wuṛṛu ipamaddi taṛṛinon manga ratu. Mawu sarun mamu'a manga ngaran soa si tou, tawe saran sambau apan nallambe uaṛṛuudda. Ete si tou Mawu nabbisara,

2 SAMUEL 22:43

I mangitou ta'u niṛṛimunsa'a naal᷊ihidda awu apan nassal᷊iawukka, wuṛṛu ta'u nialassa naal᷊ihidda labbo su lal᷊anna.

YESAYA 46:11

I Ya'u namaggo sangkatou tembonanne wuassu ra'i i tou nirumanta ere sambau manu'u winalanganna apan mal᷊aṛṛaga su mapaamattu putusang-Ku. Apa apan Ta'u niwisara udde sarun Ta'u manaranna, wuṛṛu apa apan Ta'u ilakkiinna sarun Ta'u olaanna.

YESAYA 41:25

I Ya'u buatte nangal᷊oren sangkatou wuassu ra'i: i Ya'u niwaggoanna i tou iapapangalo wuassu sawannakka. Manga tembonanne sarun ṛindanna ere labbo, ere mandarunna urinna maṛṛinda leta'a maddeetta.

YESAYA 40:24

I mangitou udde naal᷊ihidda sinuananna wakku apan wakkute tuttuwo ṛamunne. Napawe Mawu maniuppu anginna, i mangitou maṛṛangu wuṛṛu nitallange ere laṛṛami.

EZRA 1:2

“Eteindi parentan Kores, ratun Persia. Mawu, Ruata tembonanne su surga buatte na'ola'a si ya'u ratu su ahewallu runia, wuṛṛu nangonggollu manara si ya'u tadea'u mapararisikku Wal᷊en-Ne su Yerusalem su leta'u Yehuda.

YESAYA 45:13

Ete i Ya'u apan nangal᷊oren Kores iapaamattu pandumang-Ku wuṛṛu mamasi'u atatul᷊idda. I Ya'u apan sarun maparatakku anambon dal᷊anna apan amatanne. I tou sarun mapararisikku api soa-U Yerusalem wuṛṛu mamallossu uma-U apan niatawanna, ringannu tawe doitta nionggolla wuṛṛu tawe bawaekke.” Mawu Apan Lembontaṛṛino buatte nabbisara.

2 TAWARIKH 36:23

“Eteindi parentan Kores, ratun Persia! I ya'u buatte nitenegu Ruata uataṛṛino su surga mabbal᷊i ratu su ahewallu runia, wuṛṛu nandolo'u niapaola'a wal᷊e-Ne su Yerusalem su leta'u Yehuda. Nariaddi, i yamiu sarangkanambone apan nabbal᷊i al᷊aṛṛana'u Ruata ṛinone mabelengnga poiaroddi! Antimanna Mawu Ruatanu mallu'adda si yamiu.”

IBRANI 7:1

I Melkisedek indi eteudde sangkatou ratu wuassu Salem wuṛṛu imam wuassu Ruata Lembon Atanggaṛṛanne. Su tempo i Abraham nawelengnga wuassu pangalo nalluṛṛugu manga ratu, i Melkisedek nirumanta nanal᷊oho si tou wuṛṛu nangal᷊amatta.

2 MARARATU 13:7

Wuntuannu pangalon Israel buatte niṛṛamunsa'u ratun Siria na'oman sara i Ratu Yoahas tumba'u pia 50 tantaran awal᷊o, 10 keretan pangalo, wuṛṛu 10.000 su atoune tantara.

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

PANDARIADDI 11:31

I Terah nanantangngu soan Ur su Babilonia suadio'a ringanni Abram anangnge, i Lot pulunne, wuṛṛu i Sarai mananambone, eteudde awingngi Abram. I tou pia pandumma inai watukku wanua Kanaan. Arawe napawe na'omate su Haran, i mangitou namanua poiaroddi.

SONDAPPA 7:2

See i ya'u naasilo sangkatou mala'ekatta waine nilumapputa wuassu samba'an ra'i. I tou uaapiddu segele wuassu Ruata apan biakka. Ringannu tingikka ma'ikkatta mala'ekatta udde namaggo sire appata mala'ekatta apan suete naasomba taṛṛino Ruata ipanggohakku ammaranne wuṛṛu tahal᷊oangnga.

SONDAPPA 16:12

Napawe wua'udde mala'ekatta aiannume nallal᷊innu lal᷊oṛṛon cawanne watukku Sal᷊ukku Efrat apan wahewalla udde. Ne sal᷊ukka udde namara na'oman sara manga ratu wuassu samba'an ra'i wotongnge sumabbi umamatta.

YESAYA 41:3

I tou sidutu mangngenggena wuṛṛu u'amatta tawe gal᷊ahene; leddane mal᷊ihakka, ere tawe mangeṛṛetta leta'a.

YESAYA 42:6

“I Ya'u, Mawu, namaggo wuṛṛu mapamanaranu mapaamattu atatul᷊idda. I'o i Ya'u ehetanna wuṛṛu paddul᷊ianang-Ku tadea'u maola'a pa'aire su umattu taumata, wuṛṛu semakka su anambon walahanna.

YESAYA 48:15

Ete i Ya'u apan nabbisara wuṛṛu namaggo si tou, apan nangehetta si tou na'oman sara i tou naasomba ul᷊ene.

LAL᷊ALLU 1:15

Mawu ma'ellega mawawo anambon tumannaṛṛangku apan waṛṛani. I Tou nangeṛṛon tantara tadea'u taumata'u saṛṛen tumuwo nate. I Tou mangke maṛṛinda walahangku na'oman sara naṛṛimunsa'a, naal᷊ihidda taumata mammakkan wuan anggore.