YESAYA 41:11 - WUKE SUSI WATTI'U AL᷊AL᷊USASSA

¹¹ Pa'ellege, anambon taumata apan massa'u si'o, sarun iwaddo wuṛṛu iapaasili. Manga taumata apan mando'appa si'o, sarun mate wuṛṛu masue masahangginna.

YESAYA 41:11 Referans Kwoze

SASABANGNGA 23:22

Amungkangngu i yamiu matuṛṛutta si tou wuṛṛu ma'ola'a sarangkanambone apan Ta'u nirolokka, I Ya'u sarun mapapangalo mandoappa anambon seennu.

YESAYA 45:24

Manga taumata sarun mabbisara, ‘Atatul᷊idda wuṛṛu atatohassa tumba'u wuassu Mawu!’ Anambon taumata apan maddanting-Ku sarun rumanta ringang-Ku wuṛṛu pansilianna.

SONDAPPA 3:9

Naungete indi: Manga taumata apan naola'a walahannu Setanna udde, manga taṛṛa awusu apan mangnga'u watanganne Yahudi wutte'e wal᷊ine, sarun Ta'u olaanna ma'oman sara i mangitou rumanta umal᷊intudda su saruannu. Wuṛṛu i mangitou sarun maasingkata manungku i Ya'u marangngu si yamiu.

WATTI'U MANGA RASUL 16:39

See i mangitou inaite nadorongnga ampungnga si Paulus wuṛṛu si Silas, wua'udde nanguntudi tarua sinumabangnga wuassu tuttupanna, lapiddu nadorongnga tadea'u i mangitou mangingkatta wuassu soa udde.

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

SASABANGNGA 11:8

Panginsuenne i Musa nabbisara, “Anambon mammamanaran araratuanni Tuangku sarun dumanta wuṛṛu sarun umal᷊intudda su saruangku wuṛṛu madorongnga tadea'u i ya'u wuṛṛu balatiangku manantangngu wanua indi. Wua'udde i ya'u inaite mapul᷊e.” Ana see ringannu nasa'u atonna i Musa nanantangngu ratu.

ZAKARIA 12:3

Arawe amungkangngu allo udde nia'omante, i Ya'u sarun ma'ola'a Yerusalem ere watu apan mawakkatta; al᷊awo'u walahanna apan maannamma mamengketta sarun maasomba silaka. Anambon balahanna su runia sarun maamulla mamangalo Yerusalem.

YESAYA 49:26

Ya'u sarun ma'ola'a seennu iwu'annu daṛṛa, na'oman sara i mangitou uapapatete. Ne anambon taumata sarun maasingkatta, manungku i Ya'u, Mawu, Mananal᷊amannu; Apan Lembonmatohassa, Ruatan Yakub, Mananubbussa si'o.”

YESAYA 41:29

Atonna-tonna, manga monganna udde tawe gunane, i mangitou tumba'u paal᷊uanna niwoso apan tawe maal᷊ore, wuṛṛu atwe mappa'ola'a manga apa.”

YESAYA 29:8

Manga walahanna apan uaammulla mamangalote Yerusalem sarun maola'a ere taumata niamal᷊unusanna apan mabbal᷊iawa i tou tantal᷊anna u'anna, ana see napu'o ringannu tianna tawe loṛṛone, ara'e ere taumata marou apan mabbal᷊iawa i tou tantal᷊anna ma'inumma, wua'udde napu'o ringannu tonggol᷊amme mamara.

YESAYA 41:24

Mangke atonna-tonna, i yamiu wuṛṛu inolaannu tawe baddi'a, wuṛṛu manga maddaralonu tumba'u ma'arantinna.

YESAYA 40:17

Anambon pabbaawalaga tawe gunane si Tou, ere ola'u tawe baddi'a su saruan-Ne.

YESAYA 17:13

I mangitou inaite naal᷊ihidda manawangnga apan bahewalla. Arawe Ruata namansaggi mangitou, ana see i mangitou tinumal᷊angngu watanganne sara marau. I mangitou nienggenanna naal᷊ihidda wal᷊a'a su welen buidda itattalla'u anginna, ara'e awu nitiuppu al᷊isusu.

YESAYA 29:5

Arawe anambon taumata raho apan maṛṛagissa udde sarun mawul᷊i naal᷊ihidda awu wuṛṛu wal᷊a'a nitiuppu anginna. Ringannu sangkaṛṛondappa wuṛṛu tawe niaṛṛangngo.

YESAYA 29:7

Wua'udde anambon tantara waine apan mamangalo Yerusalem, soa mezbah Duata, sarangkanambone apan ual᷊iwunna wuṛṛu mammangalo soa udde, sarun mawul᷊i ere wal᷊iawa sutempo ṛabbi.

YESAYA 34:12

Tawe ratu apan uaparenta wanua udde, wuṛṛu anambon piaṛṛangnge nawul᷊ite.

YESAYA 40:2

Paatammudde naungngu taumatan Yerusalem, pasingkata'e manungku patataṛṛualange nasuete. Pasasal᷊a mangitou buatte Ta'u niampunganna, manga rosa mangitou buatte Ta'u niṛṛuumanna paarua.”

YESAYA 54:15

Napawe i'o pangaloanna, wal᷊inewe i Ya'u apan nandolokka, salaiwe isai mamangalo si'o sarun manawo.

YEREMIA 2:3

Israel, i'o pussa'a-U sassane, tatuno naung-Ku apan arangnguang-Ku. I Ya'u nangema'u asasilaka su al᷊awo'a apan na'ola'a si'o uatataṛṛangnga susa, i Ya'u, Mawu, buatte nabbisara.”

SASABANGNGA 12:29

Ṛabbi mattangnga udde Mawu namate anambon ana'a esakka pahul᷊un balahannu Mesir, manattakka wuassu ana'u ratu, maddatingngu ana'u manga taumata sulal᷊ummu tutupanna. Anambon binatangnga apan paarorone niasungkangnga lai nipate.

YESAYA 49:25

Mawu sinumimbakka, “Eteudde apan sarun mariaddi. Atawannu manga taumata waṛṛani sarun anuanna apia. Saranapan taumata maṛṛagissa sarun aṛṛoanna apia. Ana waugu ete i Ya'u sassane mando'appa seennu; i Ya'u sarun manal᷊amatta manga anangngu.

YEREMIA 12:17

Arawe walahanna apan maddiri tumuṛṛutta si Ya'u, sarun Ta'u abbutanna ere sasuanna wuṛṛu Ta'u punanna. I Ya'u, Mawu, buatte nabbisara.”