YESAYA 41:1 - WUKE SUSI WATTI'U AL᷊AL᷊USASSA

¹ Wisaran Duata, “Paal᷊annabe wuṛṛu paddaringikke si Ya'u, ei tumana'u manga wanua apan marau. Panaddiate rumanta ringannu mallaṛṛuunga, inaite wuṛṛu apira'e hattonu. Wette i ite makkuungnga su sambau, ipakkawessu tanne isai naṛṛino wuṛṛu isai nassal᷊a.

YESAYA 41:1 Referans Kwoze

YESAYA 1:18

Mawu nabbisara, “Wette i ite manginsue hatto indi. Salaiwe i yamiu maṛṛamu ungu ana waugu manga rosanu, i yamiu sarun Ta'u raddasanna mabbal᷊i mawira waresi naal᷊ihidda sangarenna ara'e wungkassa. Salaiwe manga rosanu manambo wuṛṛu mawakkatta, i yamiu sarun Ta'u ampunganna atonna-tonna.

HABAKUK 2:20

Mawu udde sulal᷊ummu Wal᷊en-Ne apan susi; ṛinone anambon taumata su runia uma'ukku'u watanganne su saruan-Ne.

ZAKARIA 2:13

Paal᷊annabbe i yamiu sarangkanambone su saruannu Mawu! Ana waugu i Tou buatte nanantangngu tampa wawanuan-Ne su surga.

DARALO 46:10

I Tou napaaddon pangalo su ahewallu runia, al᷊ati'anna wuṛṛu tambakka niṛṛimunsang-Nge, manga allunga mal᷊imbulunna nitutung-Nge.

YESAYA 34:1

Wette pa'ammulle, ei manga walahanna, wuṛṛu paddaringikke. Wala'e ahewallu runia wuṛṛu sarangkanambone apan biakka sulal᷊umme rumanta wuṛṛu maddaringikka.

YESAYA 11:11

Su allo udde Mawu sarun paassa lai mappaattu taṛṛino-Ne mangapidda mapul᷊e uman-Ne lambene su Asyur wuṛṛu su Mesir, su manga wanua Patros, Sudan wuṛṛu Elam, su Babel, Hamat wuṛṛu manga taṛṛanusa apan marau.

AYUB 38:3

Orassa indi, saruante si Ya'u ere sangkatou esakka, wuṛṛu simbaṛṛete manga aiwal᷊o indi.

YESAYA 50:8

Ana waugu Ruata marani, i Tou namasingkatta i ya'u tawe sal᷊ane. Isaite apan maapulu matatiakka ringangku? Wette i ite rumante suadio'a. Isaite apan lumawangnga si ya'u? Doloṛṛa'e i tou mangundani'u.

YESAYA 49:1

Paddaringikke si ya'u, ei manga wanua apan marau panutukke manga wisara'u. Mawu namaggo si ya'u tantal᷊anna i ya'u taambe niasungkanga, i Tou namile si ya'u ro'en ta'e sulal᷊ummu illoṛṛo.

YESAYA 48:16

Rantate marani-U wuṛṛu paddaringikke, ro'en dorone i Ya'u mabbisara ringannu masemakka; wuṛṛu wisara-U sidutu Ta'u a'olaanna lumiatta'a.” Orassa indi Mawu Ruata nandolo'u wuṛṛu nangonggolla si ya'u taṛṛino-Ne sassane.

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

YESAYA 41:5

Tumana'u manga wanua marau ma'asilo sarangkanambone apan buatte niola-U. I mangitou niṛṛumindu'a wuṛṛu mangngindon atata'utta, see na'ammulla su sambau wuṛṛu nirumanta.

YESAYA 43:9

Doloṛṛa'e anambon walahanna ma'ammulla wuṛṛu anambon ṛuanganna masemodda. Isaite suwallattu manga monganni mangitou buatte namasingkatta apa apan mariaddi orassa indi? Isaite suwallatti mangitou wotongnge maasi'attu tempo addantane? Wala'e manga tiala mangitou dumarisikka, wuṛṛu mapal᷊iatta'a manungku i mangitou naṛṛino, tadea'u sarangkanambone apan naaringikka si mangitou mabbisara, manungku atonna aroddi!

YESAYA 43:26

Paanaungete i Ya'u, wette i ite inaite su mallaṛṛuunga, alaea'e hattonu tadea'u lumiatta'a manungku i'o ṛinone.