YESAYA 40:5 - WUKE SUSI WATTI'U AL᷊AL᷊USASSA

⁵ Ne awawantugu Mawu sarun iapal᷊iatta'a; anambon umattu taumata sarun maasilo. Atonna, Mawu sassane buatte naddiandi!”

YESAYA 40:5 Referans Kwoze

HABAKUK 2:14

Arawe naal᷊ihidda tahal᷊oangnga napenen ua'e, aroddi runia lai sarun peneannu asingkatta su ola'u Mawu wuṛṛu taṛṛino-Ne.

YOEL 2:28

“Wua'udde sal᷊immurine anambon taumata sarun Ta'u onggol᷊annu ghaṛṛaho-U. Ne manga anangngu umbasanna maṛṛuala sarun mamasingkattu manga tanata-U; manga matatimmade suwallannu sarun maasomba wal᷊iawa sodappa sarun ionggolla su manga umbasanna maṛṛuala.

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

LUKAS 3:6

Manga taumata su ahewallu runia sarun ma'ellega Ruata manal᷊amatta taumata!’ ”

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

YESAYA 60:1

Pabbuatte wuṛṛu ariaddite asasemakka ei Yerusalem, ana waugu semakku asasal᷊amannu nirumantate; Ruata mannemakka si'o ringannu awawantu-Ge.

YESAYA 11:9

Su Sion, Wuiddu Ruata Na'ukkassa, tawe al᷊al᷊eo apan manggohakka. Wanua sarun mapenen asingkatta su ola'u Ruata, naal᷊ihidda ua'e namene tahal᷊oangnga.

YESAYA 58:14

Ne i yamiu sarun lumuassa ana waugu tuttuṛṛutta si Ya'u. Ya'u sarun ma'ola'a si yamiu aaddatanna su ahewallu runia. I yamiu sarun mabbiakka mal᷊uassa ringannu hessin leta'a puassa'an Yakub, iupungngu al᷊amonanu, i Ya'u, Mawu buatte nabbisara.”

YESAYA 6:3

I mangitou mangngintul᷊i sambau ringannu waine: “Susi, susi, susi. Susi Mawu Apan Lembontaṛṛino. Runia napenen daranta-Ne apan mawantuga.”

DARALO 72:19

Daralo su aran-Ne apan mawantuga saran mal᷊annu-l᷊annu; antimanna ahewallu runia mapenen awawantu-Ge! Ariaddite aroddi. Amin!

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.

WATTI'U MANGA RASUL 2:17

Ruata nabbisara, ‘Su panginsueannu runia I Ya'u sarun mangonggolu Ghaṛṛaho-U su anambon taumata. Al᷊aṛṛanangngu esakka wuṛṛu al᷊aṛṛanangngu wawine sarun mamasingkatta si yamiu manga inolaanna apan Ta'u ipaasingkatta si mangitou. Manga dario'a sarun maasilo inolaanna apan Ta'u iapasilo si mangitou. Manga taumata timmaddenu sarun mabal᷊iawa su ola'u wal᷊iawa apan Ta'u ionggolla si mangitou.

YESAYA 66:23

Suapan Bul᷊anna wakku wuṛṛu suapan allon Sabat anambon umattu taumata sarun dumanta massubba si Ya'u su Yerusalem.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.

YOHANES 12:41

Yesaya nabbisara aroddi ana waugu i tou suete naasilo awawantugu Mawu Yesus wuṛṛu nabbatti'a su ola'i Tou.

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

ZAKARIA 2:13

Paal᷊annabbe i yamiu sarangkanambone su saruannu Mawu! Ana waugu i Tou buatte nanantangngu tampa wawanuan-Ne su surga.

YESAYA 1:20

Arawe amungkangngu i yamiu lullawangnga si Ya'u, i yamiu sarun mate sulal᷊ummu pangalo. I Ya'u, Mawu, buatte nabbisara.”

YOHANES 17:2

Iamangnga suete nangonggolu taṛṛino su Ana'a ipamarenta anambon taumata, tadea'u i Tou mangonggolu wiakka tutune wuṛṛu saran mal᷊annu-l᷊annu su anambon taumata apan nionggolu Iamangnga si Tou.

MIKHA 4:4

Suapan taumata sarun mabbiakka matammudda wuṛṛu mal᷊angnganna su tangngan wawail᷊annu anggore wuṛṛu wawail᷊annu alu ara; tateddu lai apan mamata'utta si tou, eteudde paairen Mawu Apan Lembontaṛṛino.

YEREMIA 9:12

I ya'u naiwal᷊o, “Mawu, anio wanua indi niwala maṛṛagassa wuṛṛu mamara ere wadda'u anne na'oman sara tateddu ummatta isudde? Apa piaddu lembon pande huna massunna sarangkanambone indi? Ete si sai I'o nangonggollu tal᷊aane tadea'u i tou wotongnge mamasingkatta su taumata waine?”

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

DARALO 102:16

Taṛṛinon Mawu iaata'uttu manga walahanna; wuṛṛu awawantu-Ge aaddatannu anambon datu,

DARALO 96:6

I Tou aoosannu awawantuga wuṛṛu lansiangnga, Wal᷊en-Ne napenen taṛṛino wuṛṛu araṛamaga.

LUKAS 2:32

naal᷊ihida semakka apan mannemakka lal᷊annu manga walahanna waine, ana see rumanta ringan-Nu; eteudde asasemakka apan mandantan awawantuga su al᷊aṛṛanang-Ngu Israel.”

YEREMIA 32:27

“Tumba'u i Ya'u Mawu, Ruatan anambon taumata. Taweddu masahadda si Ya'u.

YESAYA 66:16

Ana waugu anambon taumata apan niasangkal᷊anna nassal᷊a sarun iṛṛuuman-Ne ringannu putungnga wuṛṛu hal᷊ele, wuṛṛu manambote apan niṛṛuumanna pateanna.

SASABANGNGA 16:7

Tiṛṛabbi marua allo i yamiu sarun maasilo semakku darantan Mawu. Mawu ma'aringikka si yamiu mangke massa'u si Tou; ore, su Mawu, ana waugu yami indi tumba'u tuttuṛṛutta apa apan buatte nirolokku Mawu.

DARALO 97:6

Langitta mammasingkattu atatul᷊iddu Mawu, wuṛṛu anambon walahanna naasilo awawantu-Ge.

YESAYA 34:16

Paddea'e wuṛṛu pabbasate sulal᷊ummu Buken Mawu: Tawe saran sambau wuassu anambon riaddianna udde mawul᷊i ara'e tawe parene. Ana waugu etearoddi parentan Mawu, wuṛṛu ete i Tou sassane apan buatte nangammulli mangitou.

YESAYA 40:4

Suapan wawal᷊anne ṛinone soopanna wowone wuṛṛu wuidda iratakka. Leta'a pia buidde sarun maola'a ratakke, wuṛṛu apan natatal᷊attadda sarun lauṛṛanna.

YESAYA 41:20

Ne anambon taumata sarun maasilo wuṛṛu maasingkatta manungku i Ya'u, Mawu, apan na'ola'a udde. I mangitou sarun manutukka wuṛṛu maasunna, Ruata na'ukkassu Israel na'ola'a udde nariaddi.”

1 MARARATU 14:11

Lal᷊oṛṛon amonannu apan mate su soa sarun inasannu asu, wuṛṛu apan nate su liuddu soa sarun inasannu manu'u winalanganna. Paanaunge, ete i Ya'u Mawu apan nabbisara!’ ”

DARALO 102:17

napawe Mawu mapararisikku Sion apia, wuṛṛu rumanta sulal᷊ummu awawantu-Ge.

YESAYA 26:15

I'o buatte napaanambon kami uman-Nu, oh Mawu, wuṛṛu nanggewalla wageangngu leta'i yami, ana waugu udde I'o wantuhanna.

YESAYA 66:18

I Ya'u masingkattu ṛingiranna wuṛṛu inolaanni mangitou. I Ya'u nirumanta tadea'u mangammullu manga taumata wuassu al᷊awo'u walahanna. Sutempo i mangitou uaammulle, i mangitou sarun maasilo taṛṛino-U.