YESAYA 40:31 - WUKE SUSI WATTI'U AL᷊AL᷊USASSA

³¹ Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

YESAYA 40:31 Referans Kwoze

2 KORINTUS 4:16

Ana waugu udde i yami tawe mangillol᷊o. Salaiwe sulal᷊ummu wadangngi yami al᷊al᷊eo aatambanna, arawe su pangangimanna i yami a'olaanna wakku su miallo-miallo.

DARALO 103:5

I Tou apan namene pabbiaṛṛannu ringannu apapia, na'oman sara i'o ellehanna ta'e dario'a ere rajawali.

IBRANI 12:1

Ne, su ola'i ite sassane, uapaal᷊iwutta si ite manambo atonna mattatiala! Ana waugu udde wette i ite mandammen anambon apa apan mammakkata si ite wuṛṛu rosa apan sidutu uareeta si ite. Wuṛṛu wette i ite ringannu ma'udduppa sumutta su pattalumanna apan sasaruannani ite.

GALATIA 6:9

Ana waugu udde arie i ite mawusa ma'ola'a manga inolaanna mapia; ana waugu amungkangu i ite tawe illol᷊one mammanara manara udde su paassa i ite sarun mangitingnga wuane.

ROMA 8:25

Arawe amungkangngu i ite mangngantimma apa apan taambe niasiloanni ite, ne i ite ṛinone uaraṛṛado ringannu asasabare.

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

DARALO 84:7

Tantal᷊anna i mangitou u'amatta su wawal᷊annu Baka, tampa udde niwal᷊un mangitou nabbal᷊i al᷊imatan kua'e, uranna paarorone nangonggolu al᷊amatta.

DARALO 37:34

Pangantimpe su Mawu wuṛṛu paatuṛṛutte parenta-Ne, ne i Tou mamatunna si'o iapatahuanna leta'a udde; i'o sarun maasilo taumata lal᷊eo ṛaddaanna.

LUKAS 18:1

Wua'udde Mawu Yesus nabbati'u sambau sasumandingnga ipangaṛṛa'a manga mallal᷊aṛṛenggen-Ne tadea'u i mangitou sidutu u'al᷊iomanna wuṛṛu tawe ma'adio'a naungnge.

YESAYA 25:9

Sutempo udde taumata sarun mabbisara, “Mangke atonna, ete i Tou Ruatan kite; ete i Tou apan raṛṛaddoanni ite tadea'u i ite masal᷊amatta. Atonna, eteindi Mawu; ete i Tou apan raṛṛaddoanna. Orassa indi i ite lumala'en lal᷊uassa, ana waugu i Tou buatte nanal᷊amatta si ite.”

DARALO 138:3

Sutempo i ya'u sussal᷊ande Si'o, I'o sinumimbakka, I'o nanohassa naungku na'oman sara i ya'u nabbal᷊i waṛṛani.

DARALO 25:5

Aṛṛa'e wuṛṛu tantiroiwe i ya'u su ipabbiakka tuttuṛuṛutta apulu-Nu, ana waugu ete I'o Ruata apan nanal᷊amatta si ya'u, i ya'u sidutu uaantimma Si'o.

DARALO 25:3

Taumata apan nandal᷊eo Si'o sarun pansilianna, arawe apan mangngimanna Si'o sarun tawe sumassila.

SASABANGNGA 19:4

“I yamiu naasilote apa apan buatte Ta'u niola'a su saruannu taumatan Mesir, wuṛṛu ereapa i Ya'u nangapiddi yamiu ringang-Ku su tampa indi ringannu taṛṛino wahewalla, naal᷊ihidda manu'a rajawali nangapiddu anangnge su wowon papaidde.

IBRANI 12:3

Annama'a ṛingira'a ereapa asasusane Mawu Yesus sinumaruanna manga taumata marosa apan nilumawangnga si Tou aroddi al᷊aṛṛage! Ana waugu udde arie maadio'a naungngu wuṛṛu mallome.

AYUB 17:9

Taumata mapia wuṛṛu tawe sal᷊ane, mangke mangngimanna ola'u wiakka apan ipaapulun Duata.

DARALO 40:1

Su piaṛa'u mangangantari. Daralon Daud.

SONDAPPA 2:3

I yamiu masabare wuṛṛu i yamiu uatataṛṛanga ana waugu i Ya'u, wuṛṛu naungngi yamiu tawe maadio'a.

DARALO 25:21

Antimanna apapia wuṛṛu atatul᷊idda maṛṛundinganna si ya'u, ana waugu i ya'u uaantimma Si'o.

DARALO 123:2

Naal᷊ihidda sangkatou allangnga apan uaantimma mawune, wuṛṛu sangkatou allangnga wawine su wo'i mawune, etearoddi i yami uaṛaddo Si'o, oh Mawu, Ruatan kami, ma'oman sara I'o umakkanni yami.

ZAKARIA 10:12

I Ya'u sarun manohassa uma-U, i mangitou sarun matuṛṛutta wuṛṛu mattaṛṛamawu si Ya'u. I Ya'u, Mawu, buatte nabbisara.”

2 KORINTUS 4:1

I yami ma'ola'a manara indi ringannu ahewallu naungngu Ruata. Ana waugu udde i yami tawe mangillol᷊o.

YESAYA 8:17

Mawu buatte namunin batangan-Ne wuassu pallaṛṛiten Yakub, uman-Ne, arawe i ya'u mangngimanna wuṛṛu uaantimma si Tou.

DARALO 92:13

Taumata matul᷊idda mattumballa ere alu kurma, wuṛṛu tumuwo masuwukka ere alu cemaran Libanon.

1 TESALONIKA 1:10

I mangitou uahahatto lai su ola'u ereapa i yamiu mangngantimma darantan Ana'u Ruata wuassu surga, eteudde Mawu Yesus, apan suete niapaawiakku Ruata wuassu papate. Ete Mawu Yesus udde lai apan manal᷊amatta si ite wuassu asasa'un Duata apan sarun rumanta.

MAL᷊AṚṚUUNGNGA 16:28

Su orassa udde i Simson niumal᷊iomanna; i tou nabbisara, “Oh, Mawu Apan Atanggaṛṛanne, antimanna I'o mannaungnga si ya'u. Doronganna onggol᷊aawe atatohassa apia si ya'u paassa indi, oh Ruata, tadea'u ringannu atatohassa indi ya'u wotongnge maawal᷊issa taumatan Filistin apan buatte nalloetta mata'u darua indi.”

DARALO 92:1

Aantarin Allon Sabat.

ANTARI MAWANTUGA 8:5

Isaite udde apan nirumanta wuassu wadda'u anne, uasandakka su tunanangane? Ta'u nipu'o i'o su al᷊ungngu punnu apel, sutampa i'o su illoṛṛo wuṛṛu niasungkanga.

SONDAPPA 4:7

Riadianna paarorone aellehanna naal᷊ihida singa, aruane naal᷊ihida sapi esakka. Atallune hatine naal᷊ihida hatin taumata. Aiappane aellehanna naal᷊ihida manu'a rajawali tantal᷊anna tuttalla'a.

SONDAPPA 12:14

Arawe wawine udde nionggol᷊annu darua papaiddu manu'a rajawali apan mal᷊alakka, tadea'u i tou tumalla'a su tampa atanaanne su wadda'a, suapa i tou sarun paddul᷊iananna tallu tonna annumu wul᷊anna al᷊annune, mal᷊iuda wuassu aenggenu naga udde.

TAHIUL᷊E 32:11

Naal᷊ihidda ere asiaṛṛe mangngaṛṛa'a anangnge tuttalla'a sinamenna su papaidde apan uawilatta wuṛṛu niandangnge su liudde roso su manga papaidde,

YESAYA 41:1

Wisaran Duata, “Paal᷊annabe wuṛṛu paddaringikke si Ya'u, ei tumana'u manga wanua apan marau. Panaddiate rumanta ringannu mallaṛṛuunga, inaite wuṛṛu apira'e hattonu. Wette i ite makkuungnga su sambau, ipakkawessu tanne isai naṛṛino wuṛṛu isai nassal᷊a.

YESAYA 64:4

Taambe saran paassa piaddu naaringikka, wuṛṛu taambe saran paassa piaddu naasilo manungku wal᷊ine wuas-Si'o, pia mawu apan mammanara, su taumata apan uaantimma si tou.

YEREMIA 48:15

Moab wuṛṛu manga soane buatte niṛṛimunsa'a, wuṛṛu manga umbasanna apan apianne buatte nipate. I Ya'u buatte nabbisara. I Ya'u ratu, Mawu Apan Lembontaṛṛino.

TAHIUL᷊E 33:25

Antimanna manga soane tatandaanna ringannu ngaran pasallanganna apan niola'a wuassu witu'a wuṛṛu atta'a tadea'u i mangitou sidutu mabbiakka mal᷊annaba wuṛṛu matammuda.”

YOSUA 14:11

arawe i ya'u ta'e matohassa ere lai su tempo i Musa nandolo'u. I ya'u ta'e matohassa mapapangalo ara'e mammanara al᷊awo'u manara.

DARALO 20:9

I mangitou sarun itara wuṛṛu mal᷊iundu'a, arawe i ite sarun mabuatta wuṛṛu rumarisikka matohassa.

DARALO 84:8

Atatohassi mangitou mangke aatambanna, sutempo niumamatta watukku Sion, watukku tampan Duatan al᷊awo'u monganna naipasilon batanganne.

AMSAL 30:19

manu'a a'a apan tuttlla'a su winalanganna, atoanna apan tuttondo su wowon batun sahatta, apalla apan maseenggotta su tangngan tahal᷊oangnga, wuṛṛu sampare maṛṛuala umbasanna apan tantal᷊anna uararangngu.

YESAYA 30:15

Mawu Apan Atanggaṛṛanne, Ruata susin Israel, nabbisara uman-Ne, “Awal᷊ute wuṛṛu paatammudda, ne i yamiu sarun iapasal᷊amatta. Pangimante si Ya'u ringannu naungnga apan matana'a, ne i yamiu sarun tohasang-Ku.” Arawe i yamiu maddiri!