YESAYA 40:30 - WUKE SUSI WATTI'U AL᷊AL᷊USASSA

³⁰ Manga umbasanna maṛṛuala nallome wuṛṛu nal᷊otakka manga dario'a nanawo nal᷊iundu'a.

YESAYA 40:30 Referans Kwoze

AMOS 2:14

Tumatal᷊angnga apan mal᷊ihakka lai sarun tawe maal᷊assangnga, taumata matohassa sarun awul᷊iannu ikkanne, wuṛṛu taumata waṛṛani tawe mapanal᷊amatta watanganne sassane.

DARALO 34:10

Pangaddate Mawu, ei i yamiu al᷊aṛṛanang-Nge, ana waugu taumata apan mangngimanna sarun tawe atalanne.

DARALO 33:16

Ratu tawe maauntunga ana waugu manambo tantarane, tantara tawe maasal᷊amatta ana waugu atatohanne.

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

YESAYA 13:18

Ringannu al᷊ati'anna wuṛṛu anaanne i mangitou sarun mamate manga taumata saṛṛen tumuwo. I mangitou tawe umakkannu ana'a maṛṛamutta wuṛṛu tawe tumal᷊antuppu dario'a.

YESAYA 9:17

Al᷊al᷊eon walahanna udde mannoṛṛobba naal᷊ihidda putungnga nangepoddu anggaṛṛumunanna ṛoaanna. Ṛenggamme naal᷊ihidda mahurangnge nasoṛṛobba ringannu timbulla sussal᷊oi.

YEREMIA 6:11

Asasa'u-Nu si mangitou lai lukkenggamma sulal᷊ummu waddangku, Mawu! Tawe iaṛṛaddanna.” Wua'udde Mawu nabbisara, “Sopa'e asasa'unu udde su al᷊aṛṛana'a su manga lal᷊anna wahewalla wuṛṛu su manga taumata umbasanna maṛṛuala apan tantal᷊anna uaammulla. Esakka wuṛṛu wawine sarun sametanna, wuṛṛu ingana'a timmadde lai tawe mal᷊iudda.

DARALO 39:5

“Mawu, pasingkata'e tingngera papate'u tadea'u i ya'u masingkatta aroddi aaunne auuṛṛangku.”

YEREMIA 9:21

Papate sinumuttate wuassu jandela, nasal᷊ate sulal᷊ummu wal᷊en araratuanna; i tou mannametta al᷊aṛṛana'a su lal᷊anna see ana'a umbasanna maṛṛuala su lapanganna.

YEREMIA 48:15

Moab wuṛṛu manga soane buatte niṛṛimunsa'a, wuṛṛu manga umbasanna apan apianne buatte nipate. I Ya'u buatte nabbisara. I Ya'u ratu, Mawu Apan Lembontaṛṛino.