YESAYA 40:22 - WUKE SUSI WATTI'U AL᷊AL᷊USASSA

²² Iapa nandiadi uaṛṛamba'a roso su al᷊imboin dunia, tumanangnge a'asiloanna maraddio'a ere taṛṛangassa. I tou namilattu langitta ere mal᷊aṛṛenessa, wuṛṛu namasen langitta naola'a ere rasanna apan atanaanna.

YESAYA 40:22 Referans Kwoze

DARALO 104:2

wuṛṛu aoosannu asasemakka. I'o namataddu langitta ere rasanna,

YESAYA 42:5

Mawu Ruata nandiaddi wuṛṛu namilattu langitta; i Tou na'ola'a runia wuṛṛu al᷊awo'a apan tuttuwo su leata'a. I Tou nangonggollu sasangngo ipabbiakka wuṛṛu niawa. I Tou nangonggollu tanata indi su allang-Nge.

AMSAL 8:27

I ya'u ua'ellega sutempo langitta niwilatta, wuṛṛu winalanganna niattingnga su wowon tahal᷊oangnga,

YESAYA 66:1

Mawu nabbisara, “Langitta uddewe adderan araratuang-Ku, wuṛṛu runia pangangaddoannu ledda-U. Nariaddi wal᷊en saṛṛene ereapa sarun Ta'u iapararisikka maola'a atatanaang-Ku, wuṛṛu tampa ereapa sarun pamanuang-Ku?

YEREMIA 10:12

Mawu apan nandiaddi runia ringannu taṛṛino-Ne, na'ola'a runia ringannu asingkan-Ne, wuṛṛu namilattu langitta ringannu apapia-Ne.

YESAYA 40:17

Anambon pabbaawalaga tawe gunane si Tou, ere ola'u tawe baddi'a su saruan-Ne.

DARALO 68:33

Pangantarite su Ruata, ei anambon araratuanna, pangantariten daralo su Mawu,

AYUB 22:14

I'o massunna manungku aellegu Mawu lal᷊indumannu winabbawa wuṛṛu manungku tumba'u su passarannu langitta wuṛṛu runia i Tou u'amatta?

AYUB 9:8

Niwilanne winalanganna ringannu taweddu nallal᷊ima; ringanna niṛṛinda liuddu atoannu tahal᷊oangnga.

YESAYA 51:13

Ṛatadde i'o naabul᷊ite Mawu Mandariadinu apan namilattu langitta wuṛṛu nangaddo mal᷊ita'u runia? Anio su al᷊o'engngu allo i'o matta'utta? su araṛṛagissu taumata lal᷊eo apan nasaddiate makkadda'a? Mangke atonna, araṛṛagissi mangitou udde tawe ma'autinga si'o.

YESAYA 44:24

Etearendi wisara Mawu Mananal᷊amannu apan nandiaddi si'o ro'en ta'e sulal᷊ummu illoṛṛo, “Ete i Ya'u Mawu apan nandiaddi al᷊awo'a, apan sassane namilattu langitta, wuṛṛu taweddu nassumbala nandiaddi runia.

YESAYA 40:15

Su Mawu manga walahanna ere laikku ua'e sulal᷊ummu sasia, ere sambau awu su tatimbanganna; manga taṛṛanusa aṛṛannane nasuul᷊ungngu awu al᷊ussa.

DARALO 2:4

Wuassu adderan araratuan-Ne su surga Mawu lullage wuṛṛu mangngadio'a hol᷊agi mangitou.

REENGANNA 13:33

Ewe'e lai yami naasilo manga taumata udde naal᷊ihidda wawalla, eteudde papapulunnu taumatan Enak. Isumandingnga si mangitou, yami uapendamma naal᷊ihidda saṛṛampalanna, wuṛṛu atonna etearoddi sunna mangitou si yami.”

ZAKARIA 12:1

Eteindi tanatan Mawu su ola'u Israel. Mawu apan namataddu langitta, nandiaddi runia nangonggollu wiakka su taumata nabbisara,

DARALO 29:10

Mawu uataṛṛino su manawangnga wahewalla, I Tou uaparenta naola'a Ratu saran mal᷊annu-l᷊annu.

AYUB 36:29

Tawe saran sangkatou apan maasunna amamattu manga winabbawa see lai tingikku rallu'a su langitta su tampa Ruata utana'a.

YESAYA 19:1

Eteindi tanata su ola'u Mesir. Mawu nirumanta su Mesir uasa'e winabbawa apan mal᷊ihakka. Manga paal᷊uannu Mesir mangngiladda su saruan-Ne wuṛṛu taumata Mesir naurangnga naungnge.

AYUB 37:18

Wotongnge i'o ere Ruata apan namilattu winalanganna wuṛṛu niapaattikka ere atta'a iwabboso ara'e kaca?

PANDARIADDI 1:6

Wua'udde Ruata nabbisara, “Ariadite sambau atuppa ual᷊e'onna ipattahia ua'e udde mariaddi darua, wuṛṛu maṛṛapingnga ua'e sulal᷊ummu darua tampa apan uaṛṛae.” Ana see olangnge udde nariadite. Ete aroddi Ruata na'ola'a atuppa ual᷊e'onna ipaṛṛaen kua'e su al᷊ungnge udde wuassu ua'e al᷊iu rosone.

DARALO 18:11

I Tou tinumalla'a ringannu uasa'e mala'ekatta; I Tou tuttalla'a roso su papaiddu anginna.

DARALO 19:4

Taweddu mabbisara ara'e maggahatto, tawe tingikka apan aringiṛṛanna.

YESAYA 37:16

“Mawu Apan Lembontaṛṛino, Ruatan Israel, apan ua'ianna su aṛṛa'uannu Ruata, ete I'o Ruata tinggassa apan uataṛṛino al᷊awo'u araratuanna su wowon dunia indi. Ete I'o apan nandiaddi langitta wuṛṛu runia.

AYUB 26:7

Ruata namilattu langitta, uaal᷊ungnga tahal᷊oangnga, wuṛṛu nangelen dunia su tampa tawe loṛṛone.

YESAYA 42:4

ringannu tawe singgawange ara'e awul᷊iannu antimma, ma'oman sara atatul᷊idda ipasi'a su runia. Manga wanua apan marau lukkintul᷊un al᷊aṛṛangne.”