YESAYA 40:21 - WUKE SUSI WATTI'U AL᷊AL᷊USASSA

²¹ Ṛatadde i'o wagga wuṛṛu tawe naaringikka, wuṛṛu tawe niapasingkatta si'o ra'en paarorone? ṛatadde i'o tawe ma'asunna wuassu paarorone ereapa tattakku runia indi?

YESAYA 40:21 Referans Kwoze

WATTI'U MANGA RASUL 14:17

Arawe i Tou tawe maabul᷊i mangonggolu tatiala-Ne, eteudde ringannu ma'ola'a apapia. i Tou mangngonggolu uranna wuassu langitta wuṛṛu hessin leta'a su tempone. I Tou mangngonggolu anna si yamiu wuṛṛu malluassa naungngu.”

YESAYA 48:13

Lima-U nangaddon mal᷊ita'u runia wuṛṛu namil᷊attu winalanganna. Napawe i Ya'u mamaggo aranne, ringannu mal᷊ihakka i mangitou rumanta.

YESAYA 46:8

Naungete wuṛṛu ṛingira'e, ei manga taumata mapontol᷊osanna!

DARALO 50:6

Langitta mammasingkatta manungku Ruata nakkuungngu al᷊aṛṛanang-Nge, wuṛṛu manungku i Tou sassane mallaṛuungnge.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

DARALO 115:8

Antimanna etearoddi pal᷊addu manga taumata apan nallanginna, wuṛṛu anambon taumata apan mangngimanna si tou.

YESAYA 51:13

Ṛatadde i'o naabul᷊ite Mawu Mandariadinu apan namilattu langitta wuṛṛu nangaddo mal᷊ita'u runia? Anio su al᷊o'engngu allo i'o matta'utta? su araṛṛagissu taumata lal᷊eo apan nasaddiate makkadda'a? Mangke atonna, araṛṛagissi mangitou udde tawe ma'autinga si'o.

YESAYA 44:20

Inolaanna udde nassul᷊ungngu niumanna awu. Taumata udde nial᷊iwun ṛingiranne apan boddo, na'oman sara i tou tate iatul᷊ungnga lai. I tou tawe maapanga'u manungku paal᷊uanna apan su limane udde tumba'u wawahia.

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

PANDARIADDI 1:1

Su al᷊amonane, su tempo Ruata nanattakke mandiaddi ul᷊ilin pati'uppa,

YESAYA 37:26

Apa i'o taambe naaringikka manungku sarangkanambone udde buatte Ta'u niṛṛiinna ro'en dorone? Ne orassa indi Ya'u mappaamatta. Ete i Ya'u apan nangonggolla si'o taṛṛino ipakkimunsa'a manga soa pia tanda batune naola'a manga tuidda.

YESAYA 40:28

Ṛatadde i'o wagga wuṛṛu tawe naaringikka? Ete Mawu Ruata apan sarangkal᷊o'enge, apan nandiaddi ahewallu runia. Taambe saran paassa i Tou naapendamma nallome ara'e nal᷊otakka; ṛingiran-Ne tawe aurumanna.

AYUB 26:7

Ruata namilattu langitta, uaal᷊ungnga tahal᷊oangnga, wuṛṛu nangelen dunia su tampa tawe loṛṛone.