YESAYA 40:18 - WUKE SUSI WATTI'U AL᷊AL᷊USASSA

¹⁸ Nariaddi ringanni sai i'o manul᷊ungngu Ruata? Isai apan su pendamannu nassul᷊ungngi Tou?

YESAYA 40:18 Referans Kwoze

YESAYA 46:5

Ringanni sai i yamiu mappulu manumanding-Ku? Apa piaddu wotongnge isul᷊ungnga si Ya'u?

1 SAMUEL 2:2

Taweddu apan susi ere Mawu! Tumba'u i Tou apan wotongnge manillumma.

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

WATTI'U MANGA RASUL 17:29

Ne, ana waugu ete i ite udde al᷊aṛṛana'u Ruata, i ite tawe wotongnge massunna manungku Ruata udde naal᷊ihida ere paal᷊uanna apan niola'a wuassu wul᷊awanna ara'e sal᷊a'a ara'e watu apan niola'a tumuṛṛuttu apanden taumata.

YESAYA 40:25

Isai apan su pendamannu nassul᷊ungngu Ruata Apan Lembon Na'ukkassa? Ringanni sai i'o ma'apulu manul᷊ungngi Tou?

YEREMIA 10:6

Mawu apan mawantuga, I'o mangke tawe sul᷊ungngu, aran-Nu mawantuga wuṛṛu napenen taṛṛino.

DARALO 89:6

Ammul᷊annu surga maddalo manga inolaan-Nu apan maatiangnga, wuṛṛu mangngantarin apapia-Nu, Mawu.

AYUB 40:9

Apa i'o matohassa ere i Ya'u? Wotongngewe tingikku rumallu'a ere tingi-U?

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

DARALO 89:8

I'o aaddatanna su ammul᷊annu taumata susi, iaata'utta wuassu anambon sarangkamabone apan marani-Nu.

SASABANGNGA 9:14

Paasa indi i Ya'u sarun mandantan asasilaka tawe tumba'u su manga mammamanaran araratuanna wuṛṛu tumanangnge, arawe si'o lai, tadea'u i'o maasingkatta manungku i Ya'u tawe doappa su ahewallu runia indi.

SASABANGNGA 8:10

Sasimbakku ratu udde, “Aal᷊iomana'e i ya'u tiṛṛabbi.” Unni Musa, “I ya'u tumuṛṛutta apa apan raddoronganni Tuangku. Ne i Tuangku sarun maasingkatta manungku tawe Duata wal᷊ine ere Mawu, Ruatan kami.

TAHIUL᷊E 33:26

“Ore Israel! Tawe Mawu naal᷊ihidda Ruatanu; I Tou mammal᷊itaddu langitta ringannu awawantuga wuṛṛu nallassuta winabbawa tadea'u mangontolla si yamiu.

SASABANGNGA 20:4

Imbaṛṛangnga i'o ma'ola'a paal᷊uanna hun su batangannu apan lihidde ere roso su langitta, su runia ara'e sulal᷊ummu ua'e su al᷊ungngu runia.

YESAYA 46:9

Naungete manga apan nariaddi sutempon dorone; panga'ute manungku i Ya'u Ruata, wuṛṛu tawe baine, i Ya'u Ruata, wuṛṛu taweddu ere i Ya'u.

DARALO 113:5

Isai ere Mawu Ruatan kite? I Tou ua'ianna su tampa apan matanggakka.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

KOLOSE 1:15

Eteudde Kristus hambaranna apan matualaga wuassu watangannu Ruata apan tawe asiloanna; eteudde Kristus Ana'a pahul᷊une, apianne wuassu manga al᷊awo'u inolaanna.

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

TAHIUL᷊E 4:15

“Naungete paapia-pia! Su tempo Mawu nabbisara si yamiu wuassa lal᷊ummu putungnga su Wowon Sinai, i yamiu tawe naasilo manga apa.

DARALO 89:7

Su langitta tawe sul᷊ungnge ere I'o, oh Mawu, tawe riaddiannu surga apan uasul᷊ung-Ngu.

YESAYA 44:6

Eteindi wisara Mawu Apan Lembontaṛṛino, Ratu mallal᷊u'adda Israel, “I Ya'u Ruata Apan Tinggassa, apan paarorone wuṛṛu panguddusanne.

YEREMIA 10:1

Umattu Israel, paddaringikke tanata Mawu si yamiu.