YESAYA 40:15 - WUKE SUSI WATTI'U AL᷊AL᷊USASSA

¹⁵ Su Mawu manga walahanna ere laikku ua'e sulal᷊ummu sasia, ere sambau awu su tatimbanganna; manga taṛṛanusa aṛṛannane nasuul᷊ungngu awu al᷊ussa.

YESAYA 40:15 Referans Kwoze

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

YESAYA 40:22

Iapa nandiadi uaṛṛamba'a roso su al᷊imboin dunia, tumanangnge a'asiloanna maraddio'a ere taṛṛangassa. I tou namilattu langitta ere mal᷊aṛṛenessa, wuṛṛu namasen langitta naola'a ere rasanna apan atanaanna.

YESAYA 29:5

Arawe anambon taumata raho apan maṛṛagissa udde sarun mawul᷊i naal᷊ihidda awu wuṛṛu wal᷊a'a nitiuppu anginna. Ringannu sangkaṛṛondappa wuṛṛu tawe niaṛṛangngo.

YESAYA 11:11

Su allo udde Mawu sarun paassa lai mappaattu taṛṛino-Ne mangapidda mapul᷊e uman-Ne lambene su Asyur wuṛṛu su Mesir, su manga wanua Patros, Sudan wuṛṛu Elam, su Babel, Hamat wuṛṛu manga taṛṛanusa apan marau.

YESAYA 59:18

I tou nabbal᷊issa manga seen-Ne uasul᷊ungngu inolaanni mangitou. Ewe'e lai manga araratuanna su manga taṛṛanusa apan marau tawe mal᷊iudda wuassu ṛuuman-Ne.

ZEFANYA 2:11

Mawu sarun ma'ola'a si mangitou matta'utta. I tou sarun makkimunsa'a manga monganna su runia. Wua'udde anambon walahanna mattaṛṛamawu su Mawu, sambau-sambau su wanuane sassane.

DANIEL 11:18

Napawe wua'udde i tou sarun mamangalo manga walahanna su apannu tahal᷊oangnga, wuṛṛu manambo apan niawaddone. Arawe sangkatou piaṛṛa'u wanua waine sarun mapaaddon lal᷊obbossa apan niolangnge udde, ewe'e lai sarun mabbal᷊issa lal᷊obbossa udde si tou.

YESAYA 66:19

I Ya'u sarun mangaddon sambau tatiala su pattangnganni mangitou. Sambageanganna addio'a suwallatti mangitou Ta'u iapaasal᷊amatta. I mangitou sarun Ta'u irolokka ringannu manga walahanna su manga wanua marau apan taambe saran paassa naaringikka si Ya'u ara'e naasilo awawantuga wuṛṛu taṛṛino-U: watukku Spanyol, Libia, wuṛṛu Lida ringannu manga mamamitingnge apan masiṛṛongnga, watukku Tubal wuṛṛu Yunani. I mangitou sarun mamasingkattu awawantu-Ku su pattangngannu manga walahanna udde.

YESAYA 41:5

Tumana'u manga wanua marau ma'asilo sarangkanambone apan buatte niola-U. I mangitou niṛṛumindu'a wuṛṛu mangngindon atata'utta, see na'ammulla su sambau wuṛṛu nirumanta.

PANDARIADDI 10:5

I mangitou yupungngu manga walahanna apan uatana'a su al᷊o'engngu apanne wuṛṛu su manga taṛṛanusa. Eteudde anambon papapulunni Yafet. Suapan walahanna wuṛṛu ṛuanganna apan uatana'a su wanuane sambau-sambau, wuṛṛu uatahuanna manga sasinaukke sassane.

DARALO 62:9

Ei walahangku, pangantimpe Ruata suapan tempo; sabbanga'e lal᷊oṛṛon naungngu si Tou, ana waugu ete i Tou tampa passirunganni ite.

YESAYA 2:22

Nariaddi, ariete pangantimma su taumata apan mattate, ana waugu i tou tawe aregane.

YESAYA 17:13

I mangitou inaite naal᷊ihidda manawangnga apan bahewalla. Arawe Ruata namansaggi mangitou, ana see i mangitou tinumal᷊angngu watanganne sara marau. I mangitou nienggenanna naal᷊ihidda wal᷊a'a su welen buidda itattalla'u anginna, ara'e awu nitiuppu al᷊isusu.

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

DARALO 62:10

Taumata tumba'u ere singangu paassa isangngo, wahewalla addio'a uasul᷊ungnga tawe aregane. Amungkangu itimbanga, i mangitou maṛṛanna, maṛṛannanna wuassu singangu paassa isangngo.

DANIEL 4:32

I'o sarun limbuaṛṛanna wuassu ammul᷊annu tumana'u soa, wuṛṛu mabbiakka manga winatangnga su wadda'a. Al᷊annune pitu tona i'o sarun umanna nannal᷊o ere sapi. Wua'udde i'o sarun manga'u manungku Ruata Apan Atanggaṛṛanne uataṛṛino su araratuannu taumata wuṛṛu araratuanna udde nionggollu Ruata su anambon taumata apan nipile-Ne.”