YESAYA 40:10 - WUKE SUSI WATTI'U AL᷊AL᷊USASSA

¹⁰ Pa'ellege, Mawu Ruata nirumanta ringannu taṛṛino mapaamattu manarane ringannu awawaṛṛani. I Tou tatantalongannu manga taumata apan buatte nipallossi Tou.

YESAYA 40:10 Referans Kwoze

SONDAPPA 22:12

“Panutukke indi” wisara Mawu Yesus, “Tate mal᷊annu lai I ya'u sarun rumanta ringannu uaapiddu lal᷊antakke ipabbal᷊issa al᷊awo'u taumata tumuṛṛuttu inolaannu sambau-sambau.

YESAYA 62:11

Mawu nangonggollu tanata indi su al᷊awo'u pentakku wanua, “Wal᷊oa'a su tumana'u Sion, ‘Pa'ellegge, Mawu Mananal᷊amannu nirumanta! I tou aopasannu manga taumata apan buatte nipallon-Ne’ ”

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

YESAYA 49:4

Arawe i ya'u nabbisara, “Asasaha'u tawe gunane; ikka'u niinsue ringannu tawe gunane!” Arawe i ya'u mangimanna Mawu mannamba'a si ya'u, Ruata mabbal᷊issa si ya'u tumuṛṛuttu inolaangku.

YESAYA 59:15

Tate lai taumata apan tawe mamahia, wuṛṛu isai apan mangngindaun al᷊al᷊eo, i tou sassane maola'a sol᷊eng kal᷊al᷊eo.” Mawu buatte naasilo udde, wuṛṛu i Tou tawe mal᷊uassa manungku tate lai atatul᷊idda.

1 YOHANES 3:8

Arawe taumata apan matatana'a ma'ola'a rosa, ete i tou uddewe ana'u Setanna, ana waugu Setanna marosa ro'en al᷊amonane. Ana waugu udde Ana'u Ruata nirumanta, eteudde makkimunsa'a manaran Setanna.

YOHANES 12:15

“Arie pa'ata'utta, sinangiannu Sion! Pa'ellege Ratunu nirumanta, uasa'e sambau keledai saṛṛen tumuwo!”

DARALO 110:6

I Tou sarun makkuumannu manga walahanna, na'oman sara manga winal᷊unanna uatal᷊eṛonga. I Tou sarun mamate manga tembonanne su ahewallu runia.

IBRANI 2:14

Ana waugu manga taumata apan nisaggon i Tou ana'a udde, eteudde sangkatou taumata apan wotonge mate, ne Mawu Yesus sassane naola'a uasul᷊ungngi mangitou wuṛṛu mabbiakka sulal᷊ummu ola'u taumata. I Tou na'ola'a aroddi, tadea'u ringannu papate-Ne i Tou wotongnge maṛṛimunsa'a Setanna apan uataṛṛino papate.

YOHANES 12:13

Ne i mangitou nanappo manga rongngu palem see inaite nanansomakka si Tou, lapiddu u'ui, “Paddalote Ruata! Inal᷊amatanna i Tou apan nirumanta ringannu arannu Mawu. Nial᷊amatanna Ratun Israel!”

YESAYA 53:12

Ringannu naungnga mal᷊uassa i tou nanantillu wiakke wuṛṛu nasutta su reengannu taumata lal᷊eo. I tou namasanna rosa taumata nambo wuṛṛu niumal᷊iomana tadea'u i mangitou ampunganna. Ne i tou Ta'u nionggol᷊annu taumata manambo maola'a hadiane, wuṛṛu i tou naasomba wageangnge suadio'a ringannu manga taumata apan matul᷊idda.”

DARALO 66:3

Wal᷊oa'e su Ruata, “Atonna mangke maatiangnga inolaan-Nu! Seetta uasuṛṛubbawa Si'o ringannu atata'utta, ana waugu tumaniten wahewalla taṛṛino-Nu.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

MALEAKHI 3:1

Mawu Apan Lembontaṛṛino sinumimbakka, “Ya'u sarun mandolokku daroloṛṛang-Ku iapasaddia lal᷊ang-Ku. Ne ringannu inaṛṛombanganne i Ya'u, Mawu apan raddeaanni yamiu, sarun dumanta su Wal᷊e-U. Daroloṛṛang-Ku apan aantimanni yamiu udde sarun dumanta wuṛṛu umal᷊iatan paaire-U.”

YESAYA 28:2

Mawu sarun mandolokku sangkatou apan matohassa wuṛṛu waṛṛani. Darantane ere anginna ma'ikkatta daṛundinganannu uranna eisse, ere uranna masaddatta wuṛṛu manawangnga apan ma'aonodda. Ringannu araṛṛagissa i tou mangngema'i mangitou su leta'a.

YESAYA 33:2

Oh Mawu, tal᷊antupa'awe i yami. Ete I'o apan pangantimanni yami. Lu'arewe i yami wuassu allo maddatingngu allo wuṛṛu sal᷊amatewe i yami sutempo masuṛṛipitta.

YESAYA 51:5

Asasal᷊amatta apan Ta'u ionggolla maranite; tempon auntungang-Ku maranite ma'oma. I Ya'u sassane sarun mamarenta manga walahanna. Manga wanua apan marau mangke uaraṛṛaddo si Ya'u wuṛṛu uaantimma inolaang-Ku apan matohassa.

YESAYA 59:16

I tou nahrangnga manungku taweddu nirumanta wuṛṛu tate laiddu nanamba'a. Ne i Tou nappaattu taṛṛino-Ne sassane ipanal᷊amatta wuṛṛu ipangonggollu auntunganna si mangitou.

YESAYA 59:18

I tou nabbal᷊issa manga seen-Ne uasul᷊ungngu inolaanni mangitou. Ewe'e lai manga araratuanna su manga taṛṛanusa apan marau tawe mal᷊iudda wuassu ṛuuman-Ne.

YESAYA 63:5

I Ya'u maddea'a, arawe taweddu natul᷊ungnga, i Ya'u naherangnga manungku taweddu massumbala. Wua'udde atatoha-U sassane apan natul᷊ung-Ku, asasa'u-U apan nassumbala si Ya'u.

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

YEREMIA 31:16

Illol᷊oa'e lal᷊uainu wuṛṛu peddate allo matanu! Sahaddu sarun pia lal᷊antakke su al᷊aṛṛanangngu. Si'o sarun pia bawal᷊inne, manga anangngu sarun mapul᷊e wuassu wanuan seetta.