YESAYA 40:1 - WUKE SUSI WATTI'U AL᷊AL᷊USASSA

¹ Etearendi wisaran Duatanu, “Liwuṛṛewe, liwuṛṛete pabbawala-U!

YESAYA 40:1 Referans Kwoze

2 KORINTUS 1:4

I Tou mannohassa naungngi yami sulal᷊ummu asasusa apan aapendamanni ami, tadea'u ringannu atatohassa apan nisengkammi yami wuassu Ruata udde, i yami lai wotongnge manohassa naungngu taumata nambo sulal᷊ummu asasusa.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

YESAYA 51:3

Yerusalem, i Ya'u sarun malluassa si'o, wuṛṛu sarangkanambone apan uatana'a su winalal᷊annu. Manga wadda'a apan mamara Ta'u olaanna wailla, naal᷊ihidda Eden, wawail᷊ang-Ku apan masuwukka. Isudde taumata sarun lumuassa wuṛṛu lumala'a wuṛṛu ma'adiangkamanna ringannu manga aantari.

1 TESALONIKA 4:18

Ana waugu udde, ṛinone i yamiu uatatohassa naungnga ringannu mappaamattu manga wisara indi.

ZAKARIA 1:13

Mawu sinumimbakka mala'ekatta udde ringannu manga wisara ipalluassa,

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

YESAYA 60:1

Pabbuatte wuṛṛu ariaddite asasemakka ei Yerusalem, ana waugu semakku asasal᷊amannu nirumantate; Ruata mannemakka si'o ringannu awawantu-Ge.

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

YESAYA 52:9

Paggiote, ei manga winalal᷊annu Yerusalem, ana waugu Mawu nalluassa uman-Ne wuṛṛu namallossu Yerusalem.

YESAYA 41:27

Ya'u, Mawu, apan paarorone namasingkatta su Sion; i Ya'u napaapiddu mangangapiddu watti'u al᷊al᷊uassa su Yerusalem.

YESAYA 50:10

Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

YESAYA 3:10

Mawu nabbisara, “Pasingkata'e su taumata apan matuṛṛutta si Ya'u manungku i mangitou sarun su lal᷊umanna'a wuṛṛu sal᷊amatta. I mangitou sarun maatemma wuan inasaharanni mangitou.

DARALO 85:8

Pal᷊iatta'e manungku I'o sidutu marangngu si yami, oh Mawu, i yami onggol᷊eten al᷊amatta wuas-Si'o.

NEHEMIA 8:10

Orassa indi apul᷊ete; ante wuṛṛu pa'inumpe ringannu lullala'a. Onggol᷊a'e sambageanganna wuassu anna wuṛṛu anggorenu si mangitou apan awussa. Allo indi allo apan niṛṛae su Mawu kite, nariaddi arie paasusa. Al᷊al᷊uassa apan nionggollu Mawu si yamiu sarun manohassa si yamiu.”

YESAYA 61:2

I tou nandolo'u iappawatti'a manungku nia'omante tempone Mawu manal᷊amatta; hunan ipalluassa anambon taumata apan massusa, wuṛṛu mabbal᷊issa manga seetti mangitou;

YEHEZKIEL 16:42

Wakkute udde asasa'u-U umompo'a, wuṛṛu sarun maola'a matammuda apia. I Ya'u tate masa'u apia ara'e mallu'adda.

DARALO 85:3

I'o buatte nangampunga manga rosan al᷊aṛṛanang-Ngu; I'o nangonggolu ampungnge al᷊awo'u pasasal᷊ane.

MANNANASE 3:4

Ruata nanantunnu tempo lumuai wuṛṛu tempo lullagge, tempo sussangitta wuṛṛu tempo massal᷊aingnga,

ZAKARIA 1:17

Mala'ekatta udde nandolo'u mamasingkattu tanata indi lai, “Mawu Apan Lembontaṛṛino naddiandi manungku manga soa-Ne sarun mabbal᷊i su lal᷊umanna'a apia wuṛṛu manungku paasa lai i Tou sarun mantul᷊ungngu Yerusalem wuṛṛu manga'u maola'a pussa'a-Ne sassane.”