YESAYA 38:17 - WUKE SUSI WATTI'U AL᷊AL᷊USASSA

¹⁷ Asasinggawangku sarun mawal᷊u mabbal᷊i atatammudda, I'o nanal᷊amatta si ya'u wuassu asasilaka; manga rosa'u sarangkanambone buatte niampungan-Nu.

YESAYA 38:17 Referans Kwoze

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

YUNUS 2:6

I ya'u tinumumpa naddatingngu wantan panenteanna, watukku runia apan ngarane uaṛṛuudda sara panguddusannu tempo. Niawa'u mangke nallome sulal᷊ummu waddangku, ana see i ya'u naanaungnga wuṛṛu sinumal᷊ande Si'o. Ne aal᷊iomangku na'omate ringan-Nu sulal᷊ummu Wal᷊en-Ne apan na'uakkassa. Ana see I'o nabbatunna si ya'u wuassu lal᷊ummu tahal᷊oangnga, oh Mawu Ruata'u!

YEREMIA 31:34

Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

DARALO 30:3

Mawu Ruata'u, i ya'u sumal᷊ande Si'o ma'iontolla, wuṛṛu I'o nangapia si ya'u.

DARALO 86:13

Ana waugu I'o sidutu mandangngu si ya'u ringannu darangngu apan wahewalla, I'o buatte namallossu niawa'u wuassu loṛangngu labbinga.

DARALO 85:2

I'o mal᷊uassa su letang-Ngu, oh Mawu, al᷊al᷊uassu Israel buatte niapaweleng-Ngu apia.

DARALO 40:2

Ringannu sabare i ya'u uaṛṛaddo sasumbalan Mawu; ana see i Tou na'ellega si ya'u wuṛṛu naddaringikka sasal᷊ande'u.

DARALO 10:2

Ringannu mawunga taumata lal᷊eo mangngallanga taumata asiangnga; wala'ewe i mangitou mul᷊ussa su seddane sassane.

AYUB 29:18

Antimangku eteudde maal᷊al᷊appa uukka apan matanggakka, wuṛṛu mate ringannu matammudda su wal᷊e'u sassane.

AYUB 33:24

Ringannu u'akkanna mala'ekatta udde sarun mabbisara, ‘Pallosa'e i tou, tawe wotongnge i tou sumossokka su runian taumata nate. Indite roitta tatubbunne, tadea'u i tou mapallossa apia.’

DARALO 55:23

Tantil᷊a'e asasinggawangu su Mawu, ne i Tou sarun massumbada si'o; ana waugu taumata matul᷊idda tawe iwala-Ne iapawaddo.

DARALO 103:12

Araune wuassu ra'i maddatingngu waṛṛata, araune udde lai niramme-Ne manga rosan kite.

YESAYA 38:15

Apate apan sarun ta'u iwisara? Indi inolaannu Mawu; i ya'u tawe ma'atiilla ana waugu massusa.

DARALO 103:3

I Tou apan nangampungnga anambon rosanu, apan nangapia al᷊awo'u raddangu,

DARALO 103:4

i Tou apan namallossu niawanu wuassu labbinga, apan nangonggolla si'o ringannu darangngu wuṛṛu aakkanna.