YESAYA 38:16 - WUKE SUSI WATTI'U AL᷊AL᷊USASSA

¹⁶ Oh Mawu, lu'arewe i ya'u wuassu wisara wuṛṛu inolaan-Nu, wala'e i ya'u mabbiakka hunane Si'o sassane.

YESAYA 38:16 Referans Kwoze

1 KORINTUS 11:32

Arawe amungkangngu i ite iṛṛuumannu Ruata, i Tou sarun mamuulla si ite, tadea'u tawe maṛṛuumanna suadio'a ringannu runia indi.

MATIUS 4:4

Mawu Yesus sinumimbakka, “Sulal᷊ummu Wuke Susi uawoṛṛetta: Taumata tawe tumba'u mabiakku roti sassane, arawe lai ringannu al᷊awo'u wisara apan niapasingkattu Ruata.”

DARALO 119:25

I ya'u ual᷊allowanga sulal᷊ummu awu; welengaawe wia'u tumuṛṛuttu paaire-Nu.

YESAYA 64:5

I'o mannal᷊oho taumata apan matul᷊idda, wuṛṛu ingana'a apan mabbiakka tuttuṛṛuta apulu-Nu. I'o massa'u si yami, arawe i yami sidutu ma'ola'a rosa atonna ro'en dorone i yami nassal᷊a.

DARALO 71:20

I'o nangonggola si ya'u manambo asasusa mawakkata, arawe I'o sarun mamelengngu ikka'u wuṛṛu mamangunna si ya'u wuassu labbinga.

TAHIUL᷊E 8:3

I tou mamalan kamiu niamal᷊unusanna, ana see i tou nangonggolu manna iapaanna si yamiu. I yamiu wuṛṛu al᷊amonanu taambe niumanna anna udde paarorone. Mawu na'ola'a aroddi tadea'u ipangaṛṛa'a si yamiu manungku taumata tawe tumba'u mabbiakku anna sassane; ewe'e wuassu al᷊awo'u wisaran Mawu.

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

IBRANI 12:9

I ite pia iamangnga su runia. I Tou mangngaṛṛa'a si ite, wuṛṛu i ite mangngaddatta si tou. Ne, nangillembo su saruannu Iamangngi ite su surga, natantuna i ite lembon matuṛṛuta si Tou tadea'u i ite wiakka.

DARALO 39:13

Daringiṛṛewe aal᷊iomangku oh Mawu, ellehewe darorongku; arie tumba'u mal᷊annaba napawe i ya'u lumuai. Ere iupungngu al᷊amona'u sarangkanambone, tumba'u tal᷊angkadio'a i ya'u uaintal᷊a ringan-Nu.

DARALO 119:71

Atonna mappianne I'o makkuumangku, tadea'u i ya'u maaillal᷊a manga tita-Nu.

DARALO 119:75

I ya'u masingkatta manungku raṛṛawen-Nu matul᷊idda oh Mawu, I'o buatte nakkuumangku ana waugu apapia-Nu.

DARALO 30:3

Mawu Ruata'u, i ya'u sumal᷊ande Si'o ma'iontolla, wuṛṛu I'o nangapia si ya'u.