YESAYA 37:20 - WUKE SUSI WATTI'U AL᷊AL᷊USASSA

²⁰ Oh, Mawu Ruatan kami, pallosaawe i yamiu wuassu manga taumatan Asyur udde, tadea'u al᷊awo'u walahanna su runia maasingkatta manungku tumba'u I'o Mawu.”

YESAYA 37:20 Referans Kwoze

DARALO 46:10

I Tou napaaddon pangalo su ahewallu runia, al᷊ati'anna wuṛṛu tambakka niṛṛimunsang-Nge, manga allunga mal᷊imbulunna nitutung-Nge.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

YEHEZKIEL 36:23

I Ya'u sarun mapal᷊iatta'u awawantugu arang-Ku apan bahewalla udde, aranna apan buatte nilal᷊eong kamiu suwallattu manga walahanna, ne i yamiu masingkatte manungku i Ya'u Mawu. I Ya'u Mawu Apan Atanggaṛṛanne buatte nabbisara. I Ya'u sarun mappaatti yamiu tadea'u iapa'ellega su manga walahanna manungku i Ya'u indi na'ukkassa, Mawu Apan Lembonna'ukkassa.

YESAYA 42:8

Ete i Ya'u Mawu, uddewe arang-Ku; awawantu-Ku tawe Ta'u ionggolla sisai-sai; atattelengngu arang-Ku tawe Ta'u itantilla su paal᷊uanna.

DARALO 59:13

Ana waugu i mangitou u'al᷊iomanna ringannu manga wisaran mangitou; wala'e i mangitou iasongngan awawungane, ana waugu i mangitou apulune mammontoga wuṛṛu mammahia.

1 MARARATU 8:43

antimanna wuassu atatanaan-Nu su surga I'o maddaringikka aal᷊iomanne wuṛṛu mangonggollu darorongnge. Ringannu aroddi al᷊awo'u walahanna su ahewallu runia maaillal᷊a Si'o wuṛṛu matuṛṛutta Si'o ere uman-Nu Israel. I mangitou sarun maasingkatta manungku wal᷊en apan ta'u niola'a indi uddewe tampa patataṛṛamawuanna Si'o.

YESAYA 25:9

Sutempo udde taumata sarun mabbisara, “Mangke atonna, ete i Tou Ruatan kite; ete i Tou apan raṛṛaddoanni ite tadea'u i ite masal᷊amatta. Atonna, eteindi Mawu; ete i Tou apan raṛṛaddoanna. Orassa indi i ite lumala'en lal᷊uassa, ana waugu i Tou buatte nanal᷊amatta si ite.”

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

YESAYA 35:4

Wal᷊oa'e sisai apan addio'a naungnge, “Tohasse naungngu, arie pa'ata'utta, Ruata rumanta makkuumannu seetta, i Tou rumanta manal᷊amatta si yamiu.”

YESAYA 37:16

“Mawu Apan Lembontaṛṛino, Ruatan Israel, apan ua'ianna su aṛṛa'uannu Ruata, ete I'o Ruata tinggassa apan uataṛṛino al᷊awo'u araratuanna su wowon dunia indi. Ete I'o apan nandiaddi langitta wuṛṛu runia.

YEHEZKIEL 39:21

Mawu nabbisara, “I Ya'u sarun mapaellegu awawantu-U su manga walahanna. I mangitou sarangkanambone sarun maasilo ereapa i Ya'u mappaattu taṛṛino-U mapaamattu manga manara-U apan matul᷊idda.

YOEL 2:17

Doloṛṛa'e manga imam apan mangimbe Mawu, lummuai suwallattu mezbah wuṛṛu panumbal᷊e su saruanne, lapiddu mabbisara, “Akkanaawe uman-Nu, oh Mawu; arie pabbala'a pussa'a-Nu mabbal᷊i pia angngone,” ma'oman sara manga walahanna waine mammasendekka wuṛṛu mabbisara, “Suapa Ruatan mangitou?”

1 MARARATU 8:59

Antimanna Mawu, Ruatan kite, sidutu mannaungnga aal᷊iomanna wuṛṛu sasal᷊ande apan buatte ta'u niwal᷊o si Tou. Antimanna i Tou sidutu mapal᷊iatta'u darangngu-Ne su umattu Israel wuṛṛu ratune ringannu mangonggola si mangitou apa apan haggausanni mangitou miallo-miallo.

1 MARARATU 8:60

Ringannu aroddi al᷊awo'u walahanna su runia sarun maasingkatta manungku tumba'u Mawu sassane Ruata, tawe baine.

YESAYA 45:5

Ete i Ya'u Mawu, tawe baine, i Ya'u Ruata apan tinggassa. I'o buatte Ta'u nionggol᷊annu ahidda, salaiwe i'o tawe maaillal᷊a si Ya'u.