YESAYA 37:12 - WUKE SUSI WATTI'U AL᷊AL᷊USASSA

¹² Sutempo udde al᷊amona'u nakkimunsa'a soan Gozan, Haran, wuṛṛu Rezef, see lai namate manga taumatan Eden apan uatana'a su Telasar, tawe saran sangkatou wuassu manga monganni mangitou nanal᷊amatta si mangitou.

YESAYA 37:12 Referans Kwoze

PANDARIADDI 11:31

I Terah nanantangngu soan Ur su Babilonia suadio'a ringanni Abram anangnge, i Lot pulunne, wuṛṛu i Sarai mananambone, eteudde awingngi Abram. I tou pia pandumma inai watukku wanua Kanaan. Arawe napawe na'omate su Haran, i mangitou namanua poiaroddi.

WATTI'U MANGA RASUL 7:2

I Stefanus sinumimbakka, “Manga tuṛṛangnga wuṛṛu manga Iamangnga! Padaringikka si ya'u! Tantal᷊anna iupungngu al᷊amonang kite Abraham taambe nangingkatta watukku Haran, su tempo i tou ta'e uatana'a su Mesopotamia, Ruata apan mawantuga nirumanta ringanni tou

2 MARARATU 19:12

Sutempo al᷊amona'u nakkimunsa'a soan Gozan, Haran, wuṛṛu Rezef, lapiddu namate taumatan Eden apan uatana'a su Telasar, tawe saran sangkatou wuassu manga monganni mangitou naasal᷊amatta si mangitou.

2 MARARATU 18:11

Wua'udde ratun Asyur nangapiddu taumatan Israel apan niawawi udde watukku Asyur; sambageanganna wuassi mangitou niapaatana'a su soa Halah, sambageanganna maranin Sal᷊ukku Habor su wageangu leta'u Gozan, wuṛṛu sambageanganna lai su manga soa su wanua Madai.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

AMOS 1:5

Manga ngara wahewalla su Damsyik sarun Ta'u hoaṛṛanna, wuṛṛu tumana'u Wawal᷊annu Awen sarun Ta'u sahangginanna wuassu tampa atatanaanni mangitou. Tembonannu Bet-Eden sarun Ta'u iapasossokka wuassu aiananne, wuṛṛu tumana'u Siria sarun iatawanna wua'udde ṛuwoanna watukku wanua Kir.”

YEHEZKIEL 28:13

Tampa atatanaannu su Eden, wawail᷊annu Ruata. Laungngu lal᷊ogaṛṛannu al᷊awo'u permata: watun delima wuṛṛu intan, topas, watu pirus, watu yakut, ratna, cempaka, watu nilam, zamrud wuṛṛu watu alkali maṛṛamu. Lal᷊ogakka wul᷊awannu lai manambo. Manga saranapa udde niola'a hausannu su allo i'o niriaddi.

YEHEZKIEL 27:23

Manga soan Haran, Kane, Eden, manga mabbawal᷊u'a wuassu Syeba, manga soan Asyur wuṛṛu Kilmad, sarangkanambone mabbal᷊u'a ringannu.

YESAYA 36:20

Monganna suapa apan buatte namallossu wanuane wuassu taṛṛino'u? Tawe mariaddi Mawu manal᷊amatta Yerusalem!’ ”

PANDARIADDI 29:4

Ana see i Yakub naiwal᷊ote su manga mallal᷊u'adda isudde, “Ei, hawe, wuassuapa i yamiu indi?” “Wuassu Haran,” sasimbakki mangitou.

PANDARIADDI 28:10

I Yakub nanantangngu Bersyeba wuṛṛu inaite watukku Haran.

PANDARIADDI 12:14

Ne atonna, napawe i Abram niumamatte su passaranna wuṛṛu na'omate su wanua Mesir, taumata Mesir naasilo manungku i Sarai tumaniten maṛṛamaga atonna.

PANDARIADDI 2:8

Nanansunna udde Ruata na'ola'a wailla su Eden, su samba'an da'i, wuṛṛu niapaatana'e isudde taumata apan buatte niolang-Nge.

YESAYA 37:13

Suapate manga ratun soa Hamat, Arpad, Sefarwaim, Hena wuṛṛu Iwa?”

PANDARIADDI 11:32

Wuṛṛu ete su tampa udde i Terah nate su uukka 205 su tonnane.

YESAYA 36:18

Arie paddaringikka si Hizkia! I tou tumba'u mammahia si yamiu ringannu mabbisara manungku Mawu sarun manal᷊amatta si yamiu. Buattewe mongannu walahanna waine nanal᷊amatta wanuane wuassu taṛṛino'u?

YESAYA 36:19

Suapate manga mongannu wanua Hamat wuṛṛu Arpad? Suapate manga mongannu Sefarwaim? Apa piaddu nanal᷊amatta Samaria?