YESAYA 36:9 - WUKE SUSI WATTI'U AL᷊AL᷊USASSA

⁹ Su ipando'appa tembonannu tantaran Asyur apan awawoanne lai i yamiu wal᷊ine parene. Arawe i yamiu mangngantimma lai Mesir mangirimmu sasumbala keretan pangalo wuṛṛu tantaran awal᷊o!

YESAYA 36:9 Referans Kwoze

YESAYA 10:8

I tou mammungan batanganne, wisarane, “Manga tembonannu tantara'u sarangkanambone manga ratu!

YEREMIA 2:36

Mal᷊ihakka atonna i yamiu inai ringannu manga mongannu walahannu waine tadea'u maiontolla! I yamiu sarun iapasassillu taumata Mesir, ere lai i yamiu niapasassillu Asyur.

YESAYA 36:6

Atonna i'o uaantimma sasumbala Mesir, arawe udde nassul᷊ungngu mappaattu alun akke olaanna ta'inna; – sal᷊immurine ta'inna udde mapaddi wuṛṛu limanu ma'usu'a. Etearoddi ratun Mesir su anambon taumata apan uaantimma si tou.’ ”

YESAYA 31:3

Taumata Mesir tumbau taumata, wal᷊ine Ruata. Awal᷊on mangitou riaddianna wiasa, wal᷊ine mawu. Napawe Mawu mammanarate, walahanna apan mantul᷊ungnga udde sarun itara wuṛṛu walahanna apan nitul᷊ungnga udde sarun manawo. Ne itarua sarun mate.

YESAYA 30:7

Tul᷊ungannu Mesir naola'a tawe gunane. Ana waugu udde Mesir nisaggo, ‘Naga apan tawe maasilaka.’ ”

YESAYA 20:5

Manga taumata apan mangngasakku ara'e mangngantimma Sudan wuṛṛu mangngasakku Mesir sarun sumassilla wuṛṛu awul᷊iannu antimma.

AMSAL 21:31

Salaiwe pangalo riahiannu ringannu awal᷊on pangalo, apan manantunnu auntunganna tumba'u Mawu.

2 MARARATU 18:24

Sara ipando'appa tembonannu tantaran kami awawoanne lai, yamiu wal᷊ine ro'amme. Arawe i yamiu lai uaantimma Mesir mangirimmu sasumbala keretan pangalo wuṛṛu tantara uasa'e awal᷊o!

TAHIUL᷊E 17:16

Ratu tawe wotongnge manahuanna awal᷊o manambo ionggola su tantarane wuṛṛu tawe wotongnge mandolokku walahanna indi mabelengnga watukku Mesir huna mamalli awal᷊o, ana waugu Mawu buatte nabbisara manungku alaṛṛanang-Nge tawe wotongnge mabelengnga watukku wanua udde.

2 MARARATU 7:6

Ana waugu, Mawu buatte na'ola'a taumatan Siria naaringikka ere tingikku pangalon sambau ammul᷊annu tantara apan bahewalla uasa'e awal᷊o wuṛṛu kereta. Manga taumatan Siria udde massunna manungku ratun Israel buatte nanewa ratun Het wuṛṛu Mesir ana see tantarane mamangalo si mangitou.

YESAYA 36:8

Orassa indi i ya'u ringannu arannu ratun Asyur waṛṛani mabbataṛṛu manungku amungkangngu i yamiu onggol᷊annu dua ṛiwu awal᷊o, ne i yamiu tawe taumata aroddi anambone apan maola'a sumasa'ene.