YESAYA 36:20 - WUKE SUSI WATTI'U AL᷊AL᷊USASSA

²⁰ Monganna suapa apan buatte namallossu wanuane wuassu taṛṛino'u? Tawe mariaddi Mawu manal᷊amatta Yerusalem!’ ”

YESAYA 36:20 Referans Kwoze

2 TAWARIKH 32:19

I mangitou uahahatton ola'u Ruata apan sassubbanna su Yerusalem ere lai su ola'u manga mongannu walahanna waine, eteudde manga paal᷊uanna apan nilanginnu liman taumata.

DANIEL 3:15

Ne, orassa indi, i yamiu mappulu umal᷊intudda wuṛṛu massubba paal᷊uanna udde sutempo musikka manuntingikka? Amungkangngu i yamiu maddiri, i yamiu sarun ituntungnga sulal᷊ummu pandu'u putungnga pan tantal᷊anna lukkenggamma. Wuṛṛu monganna suapa apan wotongnge manal᷊atta si yamiu wuassu taṛṛino'u?”

DARALO 73:9

I mangitou mallobbosa Ruata su surga, wuṛṛu mammahia taumata su runia,

DARALO 50:21

Eteudde apan niolangngu, arawe i Ya'u tumba'u mal᷊annaba, nariaddi su ṛingirannu i Ya'u ere lai i'o. Arawe orassa indi i Ya'u mapasal᷊anu, wuṛṛu sarangkanambone udde Ta'u iapal᷊iatta'a si'o.

2 TAWARIKH 32:15

Arie pabbala'a ratunu udde mamahia wuṛṛu mamoddo si yamiu! Arie pangimanna si tou! Ana waugu taambe saran paassa mongannu al᷊awo'u walahanna wotongnge mamallossu walahanne wuassu taṛṛinon ratun Asyur. Wuṛṛu mongannu udde lai tawe maapallossi yamiu!”

1 MARARATU 20:23

Manga piaṛṛa'u tantaran Ratu Benhadad nabbisara si Benhadad, “Manga mawu sassubbannu walahannu Israel uataṛṛino su panenteanna, ana waugu udde i ite wotongnge iawaddon balahanna udde. Arawe i ite atonna sarun maawaddo si mangitou amungkangngu i ite mapapangalo su leta'a ratakke.

SASABANGNGA 5:2

“Isai Mawu udde?” aiwal᷊on datu. “Anio i ya'u mangaddata si Tou wuṛṛu mamalan balahannu Israel mapul᷊e? I Ya'u wagga Mawu udde, wuṛṛu taumatan Israel tawe ta'u iwala mapul᷊e.”

1 MARARATU 20:28

Ana see nirumantate sangkatou nabi ringanni Ratu Ahab wuṛṛu nabbisara, “Eteindi apan niwisaran Mawu: ‘Ana waugu taumatan Siria udde massunna manungku i Ya'u tumba'u uataṛṛino su panenteanna wuṛṛu tawe su leta'a ratakke, ne i Ya'u sarun mangonggollu auntunganna si'o su tantaran mangitou apan tumaniten manambo udde. I'o wuṛṛu tumanangngu sarun maasingkatta manungku ete i Ya'u, Mawu.’ ”

YESAYA 36:15

Imbaṛṛangnga maddaringikka papal᷊ononne ipangantimma Mawu. Arie massunna manungku Mawu sarun manal᷊amatta si yamiu ara'e maningaddu tantaran Asyur mangaṛṛo soanu.

YEHEZKIEL 35:13

Ei walahannu Edom, moṛṛongngi yamiu mal᷊oangnga wuṛṛu mabbisara ringannu mawunga si Ya'u. I Ya'u naaringikke sarangkanambone udde.

YESAYA 37:4

Ratun Asyur buatte nandolokku tembonannu tantara atanggaṛṛanne niapaal᷊uandaga Ruata apan biakka. Isai masingkatta Mawu Ruata naaringikka a'al᷊uandaga udde wuṛṛu sarun makkuumanni mangitou apan nabbisara! Ana waugu udde aal᷊iomante su Ruata hunan manga taumatan kite apan ta'e wiakka.”