YESAYA 36:17 - WUKE SUSI WATTI'U AL᷊AL᷊USASSA

¹⁷ ma'oman sara i yamiu iingkatta su sambau wanua apan saṛṛene marani massulungngu wanuanu sassane. Poiaroddi pia baillu anggore apan mabbuan anggore hunan kamiu, wuṛṛu wawail᷊annu ganduma apan mangngonggollu taponna maola'a anni yamiu.

YESAYA 36:17 Referans Kwoze

2 MARARATU 18:32

ma'oman sara i yamiu ta'u iingkatta watukku sambau wanua apan lihidde ere wanuanu sassane. Poiaroddi pia baillu anggore, apan mangonggolu wuane si'o, wuṛṛu waillu ganduma hessine taponna maola'a wiakku. Su wanua udde pia manambo alun zaitun, lanan zaitun wuṛṛu pul᷊a. Amungkangu i yamiu tuttuṛṛutta sarangkanambone apan ta'u irolokka si yamiu, i yamiu sarun mabbiakka, tawe nate. Arie paddaringikka si Hizkia! I tou tumba'u mangngawusu si yamiu ringannu mabbisara manungku Mawu sarun manal᷊amatta si yamiu.

AMSAL 12:10

Taumata mapia mappadul᷊i winatangnge; arawe taumata lal᷊eo mannansara winatangnge.

AYUB 20:17

I tou tawe maatemma lanan zaitun apan marasai, ara'e lai susu wuṛṛu pul᷊a apan pia asadde.

2 MARARATU 24:11

Tantal᷊anna soa udde tatalliwunanna, i Nebukadnezar sassane nirumanta su Yerusalem,

TAHIUL᷊E 11:12

Mawu Ruatanu mappadul᷊i wanua udde wuṛṛu mallu'adda su al᷊o'engngu tonna.

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

YESAYA 36:16

Arie paddaringikka si Hizkia! I ya'u, ratun Asyur mandolokka tadea'u i yamiu sumabbangnga wuassu soanu wuṛṛu manantillen batangannu. Sal᷊immurine i yamiu wotongnge umanna wuan anggore wuassu wawail᷊annu sassane, wuṛṛu umanna wuan alu ara wuassu punnene sassane, see lai ma'inumma ua'e wuassu paṛṛihinu sassane,

YESAYA 36:18

Arie paddaringikka si Hizkia! I tou tumba'u mammahia si yamiu ringannu mabbisara manungku Mawu sarun manal᷊amatta si yamiu. Buattewe mongannu walahanna waine nanal᷊amatta wanuane wuassu taṛṛino'u?