YESAYA 35:9 - WUKE SUSI WATTI'U AL᷊AL᷊USASSA

⁹ Su tampa udde tawe singa, ara'e winatangnga mal᷊aṛṛaga waine. Manga taumata apan nisal᷊amattu Mawu sarun umamatta poiaroddi.

YESAYA 35:9 Referans Kwoze

YESAYA 62:12

I mangitou sarun isaggo: ‘Umatta susi’; ‘Umatta apan nisal᷊amattu Mawu’. Yerusalem sarun isaggo ‘Soa apan nisal᷊o'u Mawu’, ‘Soa apan tate lai itantangngu Mawu’.

HOSEA 2:18

Sutempo udde i Ya'u sarunma'ola'a paaire ringannu al᷊awo'u hatin binatangnga tadea'u i mangitou tate manal᷊asa'u uma-U. I Ya'u sarun mapaaddon al᷊awo'u pangalo wuṛṛu manahangginna manga ahiddu pangalo wuassu wanuan uma-U udde, wuṛṛu ma'ola'a si mangitou mabbiakka ringannu mal᷊angnganna wuṛṛu matammudda.

YEHEZKIEL 34:25

I Ya'u sarun makkiinnu pa'aire ringanni mangitou, apan uariaga atatammudi mangitou. I Ya'u sarun mallimbuakka anambon binatangnga mal᷊aṛṛaga wuassu ahewallu wanua, ma'oman sara manga domba-Ku wotongnge matana'a ringannu matammuda su manga wadda'a wuṛṛu matiilla su manga mahurangnge.

YESAYA 65:25

Serigala wuṛṛu ana'u domba su sampunna u'anna nannal᷊o; singa u'anna laṛṛami ere lai sapi, wuṛṛu atoanna tate lai maasilaka. Su ahewallu wui-U apan na'ukkassa, taweddu lai apan mallinga ara'e ma'ola'a al᷊al᷊eo.”

YESAYA 63:4

I Ya'u buatte nanggol᷊agu allo ipabbal᷊issa, wuṛṛu tempon pamamallossu uma-U.

YESAYA 30:6

Arendi tanata Mawu su ola'u manga winatangnga apan uatana'a su leta'u timukka, “Manga daroloṛṛanna malluranna keledai wuṛṛu unta mangitou ringannu manga aonggolla, se'e sumabbi manga wageangngu leta'a apan napenen asasilaka, apan atatanaannu singa, atoanna mawisa, wuṛṛu naga pia papaidde. Manga aonggolla udde nionggolli mangitou su sambau walahanna apan tawe maatul᷊ungngi mangitou.

DARALO 107:2

Wisara'e paasokka, ei i yamiu apan buatte niapasal᷊amatta wuassu asasusa.

IMAMATTA 26:6

I Ya'u sarun mallu'adda wanuanu ma'oman sara i yamiu wotongnge matiilla ringannu matammudda wuṛṛu tawe mata'utti sai-sai. Manga winatangnga mal᷊aṛṛaga sarun Ta'u iapaawul᷊i wuassu wanua udde, wuṛṛu tate lai pangalo su wanuanu.

SASABANGNGA 15:13

I'o nangehetta walahanna apan buatte niapasal᷊amatta indi, ana waugu I'o uanaungnga pa'aire-Nu. Ringannu atatohassa apan bahewalla i mangitou sasirungan-Nu, wuṛṛu niehen-Nu watukku leta'a apan susi.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

1 PETRUS 1:18

I yamiu masingkata apa apan buatte nipamaekka tadea'u ipamallosi yamiu wuassu pabbiaṛṛanna apan tawe gunane apan tinantillu iupungngu al᷊amonanu. Bawaekke wal᷊inewe saranapa apan wotongnge mawulle ere inai sal᷊a'a ara'e wul᷊awanna,

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

YESAYA 1:27

Mawu udde matul᷊idda, ne i Tou sarun manal᷊amatta Yerusalem wuṛṛu manga taumatane apan sinumassilla.

YESAYA 5:29

Manga tantarane mammaṛṛo ere singa apan wakkute nanametta sinangngone, see tinal᷊angnge, wuṛṛu taweddu maapallossa.

YESAYA 30:21

Amungkangngu i yamiu sumewadda wuassu lal᷊anna, su liuddu sarun aringiṛṛanna tingik-Ke apan mabbisara, “Eteindi lal᷊anne; amatte su lal᷊anna indi.”

YESAYA 51:10

I'o lai apan napaamaran tahal᷊oangnga, ua'en laudda apan mal᷊al᷊umma. I'o na'ola'a lal᷊anna malliu ua'e udde, tadea'u manga taumata apan iapasal᷊amatta wotongnge tumumbe.

YEREMIA 30:10

Uma-U Israel, ariete pa'ata'utta! Allang-Ku Yakub, arie suminggawanga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu niatawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu iata'utti yamiu.

YESAYA 43:19

Panutukke, i Ya'u mallanginnu apa apan bakku; orassa indi mannantakke, i'o tawe maasilo? Ya'u sarun ma'ola'a lal᷊anna su wadda'u anne, wuṛṛu manga sal᷊ukka su wadda'a mal᷊alangnga.

YESAYA 62:10

Tumana'u Yerusalem, sabbangke amattu ngaran soa, saddiate lal᷊anna su manga taumata apan mapul᷊e. Ola'e lal᷊anna mal᷊oangnga, rammea'e watune, pasia'e manga waneṛṛa tadea'u manga araratuanna masingkatta.

YEHEZKIEL 34:27

Manga aaluanna sarun mabbua, manga wawail᷊anna sarun mangongollu hessine, wuṛṛu anambon taumata sarun matana'a ringannu matammuda su letangnge sassane. Amulangngu ṛate laṛṛapussa uma-U buatte Ta'u niwassutta wuṛṛu i mangitou buatte Ta'u nipallossa wuassu manga taumata apan mangngallanga si mangitou, ne i mangitou masingkatte manungku ete i Ya'u Mawu.