YESAYA 35:7 - WUKE SUSI WATTI'U AL᷊AL᷊USASSA

⁷ Anne mal᷊oso sarun mabbal᷊i rano, leta'a maṛṛasa mabbal᷊i al᷊imatan kua'e. Tampa apan paarorone wawanuannu asun ahuranganna, sarun tuwoannu pandanna.

YESAYA 35:7 Referans Kwoze

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

YOHANES 4:14

“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”

YESAYA 34:13

Manga wal᷊en pasasubbanna wuṛṛu manga soane pia tatandangnge sarun tuwoannu aputta ṛoaanna, wuṛṛu wawanuanten asun ahuranganna wuṛṛu manu'a unta.

SONDAPPA 18:2

Ringannu tingikka apan ma'ikkatta, i tou inumui, “Nanawote! Babel wahewalla nanawote! Orassa indi i tou nabbal᷊ite tampa manga setanna wuṛṛu manga ghaṛṛaho lal᷊eo. Sulal᷊umme mabbiakka al᷊awo'u hati manu'a apan lal᷊eo wuṛṛu ia'arantinu taumata.

YOHANES 7:38

Su ola'u taumata apan mangngimanna si Ya'u, uawoṛṛetta sulal᷊ummu Wuke Susi, ‘Wuassu lal᷊ummu naungnge mangngelekka manga aeleṛṛannu ua'e apan mangngonggolu wiakka.’ ” (

YESAYA 13:22

Tatawannu asung kahuranganna wuṛṛu serigala pia sanseongnge wuassu manga puri wuṛṛu manga wal᷊en araratuannu Babel. Tempo ananawone maraniten a'omanna wuṛṛu allone tate iasoṛṛotta lai.”

LUKAS 13:29

Manga taumata sarun rumanta wuassu ra'i wuṛṛu waṛṛatta, wuassu sawannakka wuṛṛu timukka, wuṛṛu sarun lumuassa sulal᷊ummu Runia Wakku Ruata.

MATIUS 21:43

“Nariaddi paanaunge,” unnu Mawu Yesus, “anambon taṛṛino su al᷊aṛṛana'u Ruata sarun ul᷊eanna wuassi yamiu wuṛṛu ionggolla su walahanna apan mapaamattu manga parenta Ruata. [

YESAYA 29:17

Pia sasanato'a apan tingikke arendi, “Tate mal᷊annu lai mahurangnge sarun maola'a pabbail᷊anna, wuṛṛu leta'a pabbail᷊anna apia maola'a mahurangnga.”

YESAYA 19:6

Manga aṛṛitanna sarun mawukku'a hal᷊urune sutempo ua'ene mattite. Wungkal᷊o wuṛṛu nannal᷊o sarun tumolangnga.

DARALO 107:35

Wadda'a niwal᷊u-Ne nabbal᷊i li'u pia ua'e, leta'a mamara nabbal᷊i al᷊imatan kua'e.

YESAYA 30:25

Su allo manga tanda batu seennu nipangaloanna wuṛṛu manga taumatane nipate, suapan bowone wuṛṛu wuidda sarun mapa'elekku eṛṛesannu sal᷊ukka.

YESAYA 41:18

I Ya'u na'ola'a manga sal᷊ukka mangngelekka su manga wuidda apan lunggukka; matan kua'e sarun umal᷊iwombonga su pattangngannu ammaranne. Wadda'a mal᷊alangnga sarun Ta'u olaanna rano; ua'e sarun ṛumawiassa wuassu leta'a apan mamara.

YESAYA 43:20

Winatangnga matengnga sarun mamantuga si Ya'u; serigala wuṛṛu manu'a unta sarun maddalo si Ya'u ana waugu i Ya'u napa'elekku ua'e su wadda'u anne, wuṛṛu manga sal᷊ukka su wadda'a mal᷊alangnga tadea'u mapa'inummu umatta nipile-U.

YESAYA 48:21

Sutempo i Tou namiaṛṛa'i mangitou su wadda'a mamara, i mangitou tawe naaṛṛaddannu rou. Mawu nama'a wowone watu wuṛṛu napa'elekku ua'e, wuassu watu udde sinumabbangnga ua'e huna mangitou.

YEHEZKIEL 47:8

I tou nabbisara si ya'u, “Sal᷊ukka indi mangngelekka wuassu ra'i sinumabbi wanua indi wuṛṛu sinumabbi Wawal᷊annu Sal᷊ukku Yordan mabbatukku Tahal᷊oangnga Nate. Napawe ua'ene na'omate su Tahal᷊oangnga Nate, ne ua'en tahal᷊oangnga mapakkada mabbal᷊i ua'e maammi.

MAL᷊AṚṚUUNGNGA 6:38

Ne nariadite aroddi: Su tempo i Gideon napo'u tiṛabbine marua allo wuṛṛu namakkan wambul᷊un domba udde, i tou naasomba ua'en wal᷊angngukka udde sammangko.