YESAYA 35:6 - WUKE SUSI WATTI'U AL᷊AL᷊USASSA

⁶ Taumata lome sussassolo'a ere rusa, taumata mou u'uin al᷊al᷊uassa. Ana waugu matan kua'e sussopate su wadda'u anne, sal᷊ukka mangngelekka su wadda'a mal᷊alangnga.

YESAYA 35:6 Referans Kwoze

LUKAS 11:14

Su sambau allo Mawu Yesus nallimbuakka ghaṛṛaho lal᷊eo niapaasabangnga wuassu sangkatou mou. Napawe ghaṛṛaho lal᷊eo udde sinumabangnga, taumata udde nanattakke ma'awisara. Manambo taumata naherangnga,

YESAYA 32:4

Taumata apan dorone masawu'anna sarun maola'a masabbare wuṛṛu napenen pasasunna. Taumata apan tuttattu'a sarun mabbisara ringannu matualaga.

MATIUS 12:22

Wua'udde niapidda ringannu Mawu Yesus sangkatou wuta wuṛṛu mou ana waugu niintaṛṛoannu ghaṛṛaho lal᷊eo. Mawu Yesus napaapian taumata udde na'oman sara i tou naawisarate wuṛṛu naasilote.

DARALO 51:15

Ne i ya'u sarun mangaṛa'u parenta-Nu su taumata marosa, tadea'u i mangitou mabelengnga ringan-Nu.

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.

SONDAPPA 22:1

Mala'ekatta udde namantingida si ya'u sal᷊ukka apan ua'ene mangngonggolu wiakka. Sal᷊ukka udde sussal᷊endapa naal᷊ihidda kristal wuṛṛu mangngelekka wuassu adderan araratuannu Ruata wuṛṛu Ana'u Domba udde,

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

WATTI'U MANGA RASUL 8:7

Ana waugu manga ghaṛṛaho lal᷊eo sinumabangke ringannu mangngintul᷊i wuassu lal᷊ummu taumata nambo apan niasuttannu setanna. Taumata lome wuṛṛu u'ento manambo lai niapaapia.

WATTI'U MANGA RASUL 3:2

Poiaroddi ngara wahewa apan isassago “Ngara Maṛṛamaga”, pia sangkatou esakka lome ro'en dariaddine. Miallo-miallo taumata udde ia'apidda isudde iaparorongnga su manga taumata apan sumutta su Wal᷊e Mawu.

LUKAS 1:64

Su tempo udde lai i Zakharia naawisarate wuṛṛu nadalote Ruata.

MATIUS 21:14

Manga taumata wuta wuṛṛu lome nirumanta ringannu Mawu Yesus su Wal᷊e Mawu, wuṛṛu i Tou napaapia mangitou.

MATIUS 11:5

Taumata wuta naasilo, taumata lome naa'amatta, taumata raddangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapasingkatta su manga taumata asiangnga.

ZAKARIA 14:8

Su allo udde, ua'e wakku sarun mangelekka wuassu Yerusalem; sambageanganna wuassu ua'e udde mangelekka watukku Tahal᷊oangnga Nate wuṛṛu sambageanganna lai watukku Tahal᷊oangnga Tangngane. Ua'e udde sarun mangelekka su al᷊o'engngu tonna, mawae sutempon uranna aroddi lai sutempon paddissa.

YESAYA 48:21

Sutempo i Tou namiaṛṛa'i mangitou su wadda'a mamara, i mangitou tawe naaṛṛaddannu rou. Mawu nama'a wowone watu wuṛṛu napa'elekku ua'e, wuassu watu udde sinumabbangnga ua'e huna mangitou.

YESAYA 35:1

Wadda'u anne wuṛṛu leta'a mamara sarun lumuassa, manga bunga pasi pakkuangnga su wadda'a mal᷊alangnga.

DARALO 46:4

salaiwe tahal᷊oangnga mallua bal᷊u wuṛṛu mattandi'a, wuṛṛu manga wuidda umio'a ana waugu pappuul᷊anne.

NEHEMIA 9:15

Sutempo i mangitou mal᷊unussa wuṛṛu niasueannu anna, roti wuassu langitta I'o nanossokka. Wuṛṛu wuassu watu napene, matohassa wuṛṛu maattikka ua'e aul᷊e rou niapa'elek-Ku ringannu masassagga I'o nandolokki mangitou mamanua su leta'a apan nipa'ire-Nu si tou ringannu sasalu.

REENGANNA 20:11

Ana see i Musa namatten ta'inna udde wuṛṛu nipuulli tou su wuiddu watu udde paarua. Ne nangelekke ua'e ringannu masassaga, na'oman sara taumata wuṛṛu winatangnga wotongngete ma'inumma.

SASABANGNGA 17:6

I Ya'u sarun rumarisikka su saruannu su wowon sambau watu wahewa su Wowon Sinai. Puulle watu udde, ne ua'e sarun sumabbangnga na'oman sara manga taumata udde wotongngete ma'inumma.” I Musa na'ola'a aroddi aellehannu manga piaṛṛa'u Israel.

YESAYA 30:25

Su allo manga tanda batu seennu nipangaloanna wuṛṛu manga taumatane nipate, suapan bowone wuṛṛu wuidda sarun mapa'elekku eṛṛesannu sal᷊ukka.

YESAYA 32:2

I mangitou sangkatou-sangkatou naal᷊ihidda tampa pattillummanna wuassu anginna wuṛṛu tandi'a. I mangitou ere sal᷊ukku apan mangngelekka su wadda'u anne, ere lumman batu wahewalla su leta'a maṛṛasa.

YESAYA 42:11

Ṛinone wadda'u anne wuṛṛu manga soane maddalo Mawu, mappianne tumana'u Kedar maddalo si Tou! Ṛinone tumana'u soa Sela umui lullala'a, wuṛṛu mangngintul᷊i wuassu puiddu wowone!

YESAYA 51:3

Yerusalem, i Ya'u sarun malluassa si'o, wuṛṛu sarangkanambone apan uatana'a su winalal᷊annu. Manga wadda'a apan mamara Ta'u olaanna wailla, naal᷊ihidda Eden, wawail᷊ang-Ku apan masuwukka. Isudde taumata sarun lumuassa wuṛṛu lumala'a wuṛṛu ma'adiangkamanna ringannu manga aantari.

YOEL 3:18

Sutempo udde manga wowone sarun mapenen wawail᷊annu anggore. Winatangnga papadul᷊iananna sarun umanna nannal᷊o su manga wuidda apan masuwukka. Manga sal᷊ukka su Yehuda tawe saran passa matti ua'ene. Sambau sal᷊ukka sarun mengelekka wuassu Wal᷊en Mawu, wuṛṛu lumiwanno su Wawal᷊annu Akasia ringannu ua'e apan maal᷊uassa.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

DARALO 107:35

Wadda'a niwal᷊u-Ne nabbal᷊i li'u pia ua'e, leta'a mamara nabbal᷊i al᷊imatan kua'e.

YESAYA 44:3

Ana waugu i Ya'u sarun mandal᷊innu ua'e su leta'a apan mamara, wuṛṛu mapa'elekku manga sal᷊ukka su leta'a apan naṛṛangngitta. I Ya'u sarun mangonggollu taṛṛino-U su papapulunnu, wuṛṛu mangal᷊amatta pallaṛṛitenu.