YESAYA 35:4 - WUKE SUSI WATTI'U AL᷊AL᷊USASSA

⁴ Wal᷊oa'e sisai apan addio'a naungnge, “Tohasse naungngu, arie pa'ata'utta, Ruata rumanta makkuumannu seetta, i Tou rumanta manal᷊amatta si yamiu.”

YESAYA 35:4 Referans Kwoze

HAGAI 2:4

Arawe, arie maadio'a naungngu, ei i yamiu sarangkanambone! Sassute manara udde, ana waugu i Ya'u sidutu massumbala si yamiu.

YESAYA 34:8

Eteudde tempone Mawu manamba'a Sion wuṛṛu mabbal᷊issa manga seen-Ne.

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

YESAYA 61:2

I tou nandolo'u iappawatti'a manungku nia'omante tempone Mawu manal᷊amatta; hunan ipalluassa anambon taumata apan massusa, wuṛṛu mabbal᷊issa manga seetti mangitou;

1 TAWARIKH 28:20

Wua'udde i Ratu Daud nabbisara apia si Salomo anangnge, “I'o ṛinone pia pangangimanna wuṛṛu awawaṛṛani. Panattakke mammanara udde wuṛṛu arie mata'uttu al᷊awo'u manga apa. Mawu Ruata apan ta'u sassubbanna sarun mantul᷊ungngu. I tou tawe manantangngu. I tou sidutu su sandiṛṛannu maddatingngu anambon manara udde muddussa.

LUKAS 21:28

Amungkangngu manga olangnge udde mannatakke mariaddi, atimpu'ote wuṛṛu paningngarate, ana waugu ete adio'a lai yamiu sarun maasomba asasal᷊amatta.”

YESAYA 25:9

Sutempo udde taumata sarun mabbisara, “Mangke atonna, ete i Tou Ruatan kite; ete i Tou apan raṛṛaddoanni ite tadea'u i ite masal᷊amatta. Atonna, eteindi Mawu; ete i Tou apan raṛṛaddoanna. Orassa indi i ite lumala'en lal᷊uassa, ana waugu i Tou buatte nanal᷊amatta si ite.”

DANIEL 10:19

I tou nabbisara, “Ruata mandangngu si'o, ana waugu udde ariete suminggawangnga ara'e mata'utta, wette, ariaddite matohassa!” Tantal᷊anna i tou mabbisaran olangnge udde, i ya'u naapendamma lembon matohassa lai wuṛṛu nabbisara, “Otte pabbisarate, Tuangnga. Tuangnga buatte nanamba atatoha'u.”

YESAYA 44:2

Ete i Ya'u Mawu apan nandiaddi si'o, apan na'ola'a si'o ro'en ta'e su illoṛṛo, wuṛṛu apan nangontolla si'o. Arie pa'ata'utta, ete i'o allang-Ku, umatta nipile-U apan arangnguang-Ku.

SONDAPPA 22:20

I Tou apan namasingkatu anambon watti'a indi nabbisara, “Atonna, i Ya'u mal᷊ihakke rumanta!” Amin! Rantate, o Mawu Yesus!

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.

YESAYA 32:4

Taumata apan dorone masawu'anna sarun maola'a masabbare wuṛṛu napenen pasasunna. Taumata apan tuttattu'a sarun mabbisara ringannu matualaga.

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!

2 TIMOTIUS 2:1

Timotius, ana'u! Ṛinone i'o mabbal᷊i matohassa ana waugu al᷊amatta apan nionggolla si ite, ana waugu i ite uaaukka ringanni Kristus Yesus.

HOSEA 1:7

Arawe walahannu Yehuda sarun Ta'u rangnguanna. I Ya'u Mawu, Ruatan mangitou, sarun manal᷊amatta si mangitou, arawe wal᷊ine ringannu pangalo, wuṛṛu lai wal᷊ine ringannu hal᷊ele ara'e anaanna ara'e awal᷊o wuṛṛu sumasa'ene.”

YESAYA 66:15

Atonna, Mawu sarun dumanta ringannu putungnga; i Tou sarun suma'e kereta-Ne naal᷊ihidda anginna al᷊isusu, tadea'u mapasabbangngu asasa'u-Ne, wuṛṛu mammuṛṛeangnga ringannu ma'ikkatta.

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

MALEAKHI 3:1

Mawu Apan Lembontaṛṛino sinumimbakka, “Ya'u sarun mandolokku daroloṛṛang-Ku iapasaddia lal᷊ang-Ku. Ne ringannu inaṛṛombanganne i Ya'u, Mawu apan raddeaanni yamiu, sarun dumanta su Wal᷊e-U. Daroloṛṛang-Ku apan aantimanni yamiu udde sarun dumanta wuṛṛu umal᷊iatan paaire-U.”

HABAKUK 2:3

Woṛṛeta'e udde ana waugu orassa indi taambe tempone. Arawe tempone udde sarun dumanta, wuṛṛu apa apan Ta'u niapasingkatta si'o mariaddi. Salaiwe pemdamanna ta'e mal᷊annu, arawe paṛṛaddote! Tempo udde sarun dumanta wuṛṛu tawe iasoṛṛota.

YESAYA 28:16

Ana waugu udde, Mawu Apan Atanggaṛṛanne nabbisara arendi, “I Ya'u sarun mangaddon rapappakke apan matohassa wuṛṛu ma'uatta su Sion; sambau watun pi'une apan maarega ringannu woṛṛetta: ‘Isai apan mangngimanna atonna, i tou sarun tawe mawaddo.’

DARALO 116:11

Sulal᷊ummu al᷊ingu'u i ya'u nabbisara, “Tawe saran sangkatou apan wotongnge pangimananna.”

DARALO 50:3

Ruatan kite nirumanta wuṛṛu tawe uatatana'a matammuda, i Tou niliuṛṛoroannu putunga apan nilumewa, wuṛṛu papal᷊iwutannu tandi'a apan masaddata.

YESAYA 1:24

Ana waugu udde Mawu Apan Lembontaṛṛino, Ruatan Israel nabbisara: “Ei, manga se'e-Ku, i Ya'u sarun mabbal᷊issa si yamiu, ma'oman sara i yamiu tate mapaasusa-U apia.

1 TESALONIKA 5:14

I yami maddoronga lai, manga tuṛṛangnga, taggue ringannu paddarame taumata apan maddiri mammanara; tohassa naungngu taumata apan matta'utta; tul᷊unga'a taumata apan wotongnge iatul᷊unga, wuṛṛu paasabare su saruannu awadaalla.

DARALO 94:1

Oh Ruata, ete I'o Ruata apan mabbal᷊issa, pal᷊iatta'e wawal᷊in-Nu, oh Mawu.

DARALO 145:19

I Tou malluassa naungngu manga taumata ma'imanna; i Tou maddaringikka sasal᷊anden mangitou wuṛṛu nanal᷊amatta si mangitou.

YESAYA 7:4

Wal᷊oa'e su ratu manungku i tou ṛinone uasaddia, arawe sidutu paatammudda. I tou tawe wotongnge mata'utta ara'e umal᷊iwu. Aasa'un Ratu Pekah wuṛṛu Ratu Rezin ringannu tantarane manga taumatan Siria udde, tawe tumaniten maasilaka wuassu ruan bua anutungnga pia timbulle.

YESAYA 37:6

i Yesaya nandolokku manga daroloṛṛanna udde iapawal᷊on sasimbakke indi, “Mawu nabbisara, i tuangnga ariete mata'utta maaringikka wisaran manga allangngu ratun Asyur udde manungku Mawu tawe maapallossi ite.

YESAYA 37:20

Oh, Mawu Ruatan kami, pallosaawe i yamiu wuassu manga taumatan Asyur udde, tadea'u al᷊awo'u walahanna su runia maasingkatta manungku tumba'u I'o Mawu.”

YESAYA 40:2

Paatammudde naungngu taumatan Yerusalem, pasingkata'e manungku patataṛṛualange nasuete. Pasasal᷊a mangitou buatte Ta'u niampunganna, manga rosa mangitou buatte Ta'u niṛṛuumanna paarua.”

YESAYA 47:3

Taumata sarun maasilo si'o tantol᷊e, aal᷊uandahanna wuṛṛu pappansilianna. I Ya'u sarun mabbal᷊issa unen naungnga si'o, tawe saran sangkatou apan Ta'u iaparalukka.”

YESAYA 49:4

Arawe i ya'u nabbisara, “Asasaha'u tawe gunane; ikka'u niinsue ringannu tawe gunane!” Arawe i ya'u mangimanna Mawu mannamba'a si ya'u, Ruata mabbal᷊issa si ya'u tumuṛṛuttu inolaangku.

YESAYA 49:25

Mawu sinumimbakka, “Eteudde apan sarun mariaddi. Atawannu manga taumata waṛṛani sarun anuanna apia. Saranapan taumata maṛṛagissa sarun aṛṛoanna apia. Ana waugu ete i Ya'u sassane mando'appa seennu; i Ya'u sarun manal᷊amatta manga anangngu.

YESAYA 59:18

I tou nabbal᷊issa manga seen-Ne uasul᷊ungngu inolaanni mangitou. Ewe'e lai manga araratuanna su manga taṛṛanusa apan marau tawe mal᷊iudda wuassu ṛuuman-Ne.

YESAYA 63:4

I Ya'u buatte nanggol᷊agu allo ipabbal᷊issa, wuṛṛu tempon pamamallossu uma-U.

DANIEL 10:18

Ne paassa lai i tou nangeṛetta si ya'u, ana see i ya'u naapendamma ikka'u niatambanna.

1 SAMUEL 23:17

Yonatan nabbisara si tou, “Arie pa'ata'utta, i'o tawe mate su liman iamangku. Iamangku masingkatta atonna manungku ete i'o apan sarun maola'a ratun Israel wuṛṛu manungku ya'u sarun maasomba aiananna al᷊iuwowane wuassi'o.”

YESAYA 31:5

Ere sambau manu'u winalanganna mangngal᷊iappakku papaidde su wowon sal᷊akke ipangooppa manga anangnge, aroddi lai i Ya'u, Mawu Apan Lembontaṛṛino sarun mallu'adda, manahekka wuṛṛu manal᷊amatta Yerusalem.”