YESAYA 35:2 - WUKE SUSI WATTI'U AL᷊AL᷊USASSA

² Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

YESAYA 35:2 Referans Kwoze

YESAYA 60:13

Al᷊al᷊uassu mahurangngu Libanon sarun ṛuwoanna ringannu alu berangan, cemara wuṛṛu eru ipa'ola'a Wal᷊e-U apan maṛṛansanga, wuṛṛu ipalloggakka tampa i Ya'u uarisikka.

YESAYA 25:9

Sutempo udde taumata sarun mabbisara, “Mangke atonna, ete i Tou Ruatan kite; ete i Tou apan raṛṛaddoanni ite tadea'u i ite masal᷊amatta. Atonna, eteindi Mawu; ete i Tou apan raṛṛaddoanna. Orassa indi i ite lumala'en lal᷊uassa, ana waugu i Tou buatte nanal᷊amatta si ite.”

ROMA 10:15

Wuṛṛu ereapa taumata wotongnge mangapiddu watti'a udde amungkangngu i mangitou tawe nirolokka? Sulal᷊ummu Wuke Susi uawoṛṛetta arendi, “Apiawe eteapa daranta manga taumata apan uaapiddu Watti'u Al᷊al᷊uassa wuassu Ruata!”

HABAKUK 2:14

Arawe naal᷊ihidda tahal᷊oangnga napenen ua'e, aroddi runia lai sarun peneannu asingkatta su ola'u Mawu wuṛṛu taṛṛino-Ne.

YESAYA 40:5

Ne awawantugu Mawu sarun iapal᷊iatta'a; anambon umattu taumata sarun maasilo. Atonna, Mawu sassane buatte naddiandi!”

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

YOHANES 17:24

Iamangnga, i Ya'u maapulu tadea'u i mangitou, apan nionggolu Iamangnga si Ya'u, mangke su sambau su tampa atatanaa'ang-Ku, tadea'u i mangitou maasilo awawantu-U; eteudde awawantuga apan nionggolu Iamangnga si Ya'u, ana waugu Iamangnga marangngu si Ya'u ro'en runia taambe niriaddi.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YESAYA 60:19

I'o salaiwe lasa'e semaṛṛannu matannallo sutempo allo, wuṛṛu lasa'e lai semaṛṛannu wul᷊anna sutempo ṛabbi. Ana waugu i Ya'u Mawu naola'a asasemakka tutune si'o, i Ya'u mannemakka ringannu awawantu-U.

YESAYA 33:9

Wanua tinantangnga naola'a mal᷊annabba. Manga mahurangngu Libanon maṛṛissitta, wuṛṛu wawal᷊annu Saron apan masuwukka nabbal᷊i wadda'u anne. Su Basan wuṛṛu su Wowon Karmel manga rongnga mattontongnga.

ANTARI MAWANTUGA 7:5

Puanu naal᷊ihidda wuiddu Karmel; utangngu apan nisal᷊apidda naal᷊ihidda lembayung, maatiangnga ewe'e lai sara sangkatou ratu.

DARALO 72:19

Daralo su aran-Ne apan mawantuga saran mal᷊annu-l᷊annu; antimanna ahewallu runia mapenen awawantu-Ge! Ariaddite aroddi. Amin!

DARALO 72:16

Antimanna ganduma lumambalanna su ahewallu wanua, wuṛṛu manga wuidde napenen hessin sasuanna. Antimanna letange masuwukka ere Panenteannu Libanon, wuṛṛu tumana'u soane aatambanna naal᷊ihidda nannal᷊o su wadda'a.

DARALO 50:2

Wuassu Sion, soa apan aṛṛamahanne, Ruata nirumanta ringannu asasemakka.

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.

ROMA 15:10

Pia lai uawoṛṛetta arendi, “Lalluasse suadio'a ringannu al᷊aṛṛana'u Ruata apan napile, ei manga walahanna!”

YOHANES 12:41

Yesaya nabbisara aroddi ana waugu i tou suete naasilo awawantugu Mawu Yesus wuṛṛu nabbatti'a su ola'i Tou.

ZAKARIA 10:7

Umattu Israel naal᷊ihidda atumannaṛṛane apan matohassa, naal᷊ihidda taumata apan na'inumma anggore, i mangitou lulluassa. Papapulunni mangitou wuassu tempo maddatingngu tempo sarun tawe maabul᷊in auntunganna indi apan Ta'u nionggolla. I mangitou sarun lumala'a ana waugu inolaang-Ku si mangitou.

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YESAYA 49:13

Pangantarite ei langitta, paggiote ei runia, ei manga wowone, paggioten al᷊al᷊uassa! Ana waugu Mawu nirumanta mallimbatta uman-Ne, I Tou mandangngu uman-Ne apan niallangnga.

YESAYA 41:19

Wadda'u anne sarun Ta'u suanannu alu cemara, zaitun, manuru wuṛṛu akasia. Wadda'a mal᷊alangnga Ta'u olaanna mahurangnge, mahurangngu eru, berangan wuṛṛu cemara.

YESAYA 32:15

Arawe paassa lai Ruata sarun dumanta ringannu taṛṛino-Ne. Ne wadda'u anne sarun maola'a wawail᷊anna masuwukka, wuṛṛu manga wailla sarun maola'a mahurangnge.

YESAYA 6:3

I mangitou mangngintul᷊i sambau ringannu waine: “Susi, susi, susi. Susi Mawu Apan Lembontaṛṛino. Runia napenen daranta-Ne apan mawantuga.”

DARALO 97:6

Langitta mammasingkattu atatul᷊iddu Mawu, wuṛṛu anambon walahanna naasilo awawantu-Ge.

DARALO 89:12

Langitta wuṛṛu runia uddewe pussa'a-Nu, runia ringannu al᷊awo'u lal᷊oṛṛone niolang-Ngu.

1 TAWARIKH 16:33

Manga aaluanna su mahurangnge sarun lumala'a ana waugu Mawu nirumantate mamarenta su runia.

WATTI'U MANGA RASUL 9:35

Anambon tumana'u Lida wuṛṛu Saron naasilo si Eneas, see i mangitou sarangkanambone nangngimante Mawu Yesus.

SASABANGNGA 16:7

Tiṛṛabbi marua allo i yamiu sarun maasilo semakku darantan Mawu. Mawu ma'aringikka si yamiu mangke massa'u si Tou; ore, su Mawu, ana waugu yami indi tumba'u tuttuṛṛutta apa apan buatte nirolokku Mawu.

1 TAWARIKH 5:16

I mangitou uatana'a su wageangngu leta'u Basan wuṛṛu Gilead, wuṛṛu su manga soa su wageangngu leta'a udde wuṛṛu su ahewallu wadda'u nannal᷊o su Saron.

ANTARI MAWANTUGA 2:1

I ya'u tumba'u bunga rosi wuassu Saron bunga hal᷊ohomma su manga wawal᷊anne.

YESAYA 27:6

Sutempo apan addantane, walahannu Israel naal᷊ihidda punnu alu apan nakkamutta wuṛṛu nabbalaga, see namene runia ringannu manga wuane.

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

YESAYA 40:9

Saate su wowone apan matanggakka, wuṛṛu al᷊iata'e watti'u al᷊al᷊uassa su Yerusalem! Pangintul᷊ite ringannu tingikka matelengnga, wuṛṛu al᷊iata'e watti'u al᷊al᷊uassa su Sion! Wal᷊oa'e su manga soan Yehuda manungku Ruata mangitou sarun dumanta!

YESAYA 66:10

Lallala'e suadio'a ringannu Yerusalem, ei anambon taumata apan marangngu. I yamiu apan lullal᷊o ana waugu i tou, orassa indi wotongngete lumuassa.

YESAYA 66:14

Naasilo udde, i yamiu sarun lumuassa, wuṛṛu mabbal᷊i matohassa wuṛṛu sehatta ere nannal᷊o wakku. Ne manga allang-Ku sarun ma'apendamma taṛṛino-U wuṛṛu manga see-U sarun ma'apendamma asasa'u-U.”

HOSEA 14:5

Mawu nabbisara, “Uma-U apan sinumewadda, Ta'u al᷊apanna apia wuṛṛu Ta'u iakkanna ringannu ahewallu naungnga; i mangitou tate Ta'u wul᷊oanna apia.

YOSUA 19:26

Alamelekh, Amad, wuṛṛu Misal. Passarannu leta'i mangitou su samba'an waṛṛata nangeṛṛetta Wowon Karmel wuṛṛu Sal᷊ukku Libnat.