YESAYA 35:10 - WUKE SUSI WATTI'U AL᷊AL᷊USASSA

¹⁰ Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

YESAYA 35:10 Referans Kwoze

SONDAPPA 21:4

I tou sarun mamappasa alawo'u allo mata wuassu mata mangitou. Papate sarun tate lai, asasusa, lal᷊uai, ara'e al᷊aṛṛusa'itta tate lai. Manga inolaanna tabbe nawul᷊ite!”

YESAYA 30:19

Ei i yamiu apan uatana'a su Yerusalem, i yamiu tawe sidutu mangke lulluai. Mawu pia aakkanna, wuṛṛu ringannu mal᷊ihakka sumimbakka si yamiu amungkangngu sumal᷊ande maddorongnga tul᷊unganna si Tou.

YESAYA 25:8

Mawu Apan Lembontaṛṛino sarun makkimunsa'a papate saran mal᷊annu-l᷊annu! I Tou sarun mamedda allo mata wuassu al᷊awo'u hatin taumata, wuṛṛu mapaaraun asasusa apan papasannanannu uman-Ne su ahewallu runia. Mawu buatte nabbisara, wuṛṛu olangnge udde sarun mariaddi.

YUDAS 1:21

wuṛṛu pabbiakke siddutu sulal᷊ummu darangngun Ruata tantal᷊anna i yamiu ual᷊aṛṛaddo al᷊amatti Yesus Kristus Mawun kite, apan sarun mangongogolu wiakka tutune wuṛṛu saran mal᷊annu-l᷊annu si yamiu.

1 TIMOTIUS 2:6

I Tou sangkatou taumata apan suete nanantillu watangan-Ne ipamallosu anambon taumata wuassu manga rosa mangitou. Ringannu udde Ruata napaal᷊iatta'a su tempo apan na'etta'a, manungku i Tou maapulu tadea'u anambon taumata masal᷊amatta.

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

YESAYA 65:19

I Ya'u sassane sarun lumuassa ana waugu Yerusalem, wuṛṛu lumala'a ana waugu tumanangnge. Su soa udde tate lai lal᷊uai, wuṛṛu tate lai aintul᷊i ma'iontolla.

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

DARALO 84:7

Tantal᷊anna i mangitou u'amatta su wawal᷊annu Baka, tampa udde niwal᷊un mangitou nabbal᷊i al᷊imatan kua'e, uranna paarorone nangonggolu al᷊amatta.

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!

YESAYA 60:20

Ete si'o pia matannallo apan tawe umattuppa, wuṛṛu wul᷊anna apan tawe mansa'a. Ana waugu i Ya'u Mawu maola'a mananemakka apan tutune si'o tempon lal᷊alonu sarun masue.

DARALO 51:8

I'o maddoronga atatul᷊iddu naungnga; loṛṛoiten naungku ringannu apande-Nu.

DARALO 107:2

Wisara'e paasokka, ei i yamiu apan buatte niapasal᷊amatta wuassu asasusa.

DARALO 126:5

Antimanna taumata apan mangngasi'a lapiddu lulluai, mangitingnga ringannu hio lulluassa.

YESAYA 1:27

Mawu udde matul᷊idda, ne i Tou sarun manal᷊amatta Yerusalem wuṛṛu manga taumatane apan sinumassilla.

YESAYA 9:3

I'o buatte nanaṛṛia'u winabbawane apan mawakkatta wuṛṛu alu papasanna wuassu wambangnge. I'o namaddon walahanna mangngallanga udde apan mammaṛṛangnga uman-Nu. Ere lai sutempo apan nanangkal᷊iu sutempo I'o namaddon tantaran Midian.

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

YESAYA 41:14

Wisaran Mawu, “Arie paata'utta Israel, salaiwe i'o addio'a wuṛṛu lome. Ete i Ya'u Mawu apan mantul᷊ungngu, Apan Lembon Na'ukkassa, Ruatan Israel uddewe Mananal᷊amannu.

YESAYA 41:16

I'o sarun mattappa si mangitou, wua'udde i mangitou italla'u anginna wuṛṛu isal᷊iawukku anginna wahewalla. I'o sarun lumuassa ana waugu i Ya'u, Mawu, wuṛṛu lumala'a ana waugu i Ya'u, Ruatan Israel.

YESAYA 65:18

Lalluasse wuṛṛu lallala'e saran mal᷊annu-l᷊annu ana waugu sarangkanambone apan niriaddi-U. I Ya'u na'ola'a Yerusalem wakku napenen al᷊al᷊uassa, wuṛṛu tumanangnge pasi lagge.

YEREMIA 30:19

Tumanangnge sarun maddalo si Ya'u ringannu aantari, wuṛṛu u'ui ringannu al᷊al᷊uassa. I Ya'u na'ola'a si mangitou a'addatanna wuṛṛu tate al᷊uandahanna, wuṛṛu reenganni mangitou sidutu aatambanna.

DARALO 14:7

Antimanna wuassu Sion rumanta asasal᷊amattu Israel! Ne pallal᷊awanni Yakub sarun lumuassa napawe mangapia apia ola'u wiakku al᷊aṛṛanang-Nge.

DARALO 126:2

I ite sidutu lullage wuṛṛu mangngantari lullala'a na'oman sara manga walahanna waine mabbisara, “Mawu buatte na'ola'a inolaanna apan wahewalla si mangitou!”

YESAYA 61:7

Ana waugu i yamiu naasombate asasili paarua lappuanna, wuṛṛu luhudda wuṛṛu aal᷊uandaga naola'e wageangnge, ne i yamiu sarun maasomba pussa'a paarua lappuanna lai su wanuanu wuṛṛu uatahuanna al᷊al᷊uassa tutune.