YESAYA 34:4 - WUKE SUSI WATTI'U AL᷊AL᷊USASSA

⁴ Matannallo, wul᷊anna wuṛṛu manga anumpitanna sarun maṛṛimunsa'a. Langitta sarun lul᷊unanna ere lul᷊unnu suratta. Manga anumpitanna sarun manawo ere manga rongnga apan natontongnga wuassu alune.

YESAYA 34:4 Referans Kwoze

MATIUS 24:29

“Tawe nal᷊annu wuassu asasusa su tempo udde, matannallo sarun maddandumma, wuṛṛu wul᷊anna tate lai semakke. Manga anumpitanna sarun manawo wuassu langitta, wuṛṛu manga tembonannu winalanganna sarun massal᷊iawukka.

YOEL 3:15

Matannallo wuṛṛu wul᷊anna mabbal᷊i marandumma, wuṛṛu manga anumpitanna tate lai semakke.”

SONDAPPA 8:12

See mala'ekatta aiappane nattiuppa trompeti tou. Ne niapuulle sepertiga wuassu matannallo, sepertiga wuassu wul᷊anna, wuṛṛu sepertiga wuassu manga anumpitanna, na'oman sara nawul᷊ite sepertiga wuassu semakki mangitou. Wuṛṛu lai sepertiga wuassu allo tawe maasemakka wuṛṛu aroddi lai sepertiga wuassu ṛabbi.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

YESAYA 13:10

Suapan anumpitanna wuṛṛu ammul᷊annu anumpitanna sarun umaddo manemakka; matannallo sarun maddandumma sutempo i tou sumabbangnga, wuṛṛu wul᷊anna sarun tate semakke lai.

YESAYA 13:13

Ya'u sarun ma'ola'a langitta mangngindo wuṛṛu runia umio'a wuassu tampane su allo i Ya'u, Mawu Apan Lembontaṛṛino, mapal᷊iatta'u asasa'u-U.

YESAYA 14:12

Ei ratun Babel, dorone i'o anumpitanna aṛṛusuallo apan mal᷊ansiangnga, arawe orassa indi nundu'e su leta'a! Dorone i'o mammaddon manga walahanna, arawe orassa indi i'o nema'e su leta'a.

IBRANI 12:27

Wisara “Paassa lai” mannantiro manungku ahewallu runia apan suete niolang-Nge sarun iio'a wuṛṛu iramme, tadea'u mallambe tumba'u sarannapa apan tawe umio'a.

SONDAPPA 6:12

See i ya'u naasilo Ana'u Domba udde namesangnga segele aiannume. Nariaddite linukka apan masaddata. Matannallo nabbal᷊i ma'itumma ere mal᷊aṛṛenessa ma'itumma hal᷊agga, wuṛṛu wul᷊anna nabbal᷊i maṛṛamu ere ṛaṛṛa.

YESAYA 51:6

Pa'ellege langitta wuṛṛu panailete runia; langitta sarun mawul᷊i ere timbulla wuṛṛu runia sarun matabbe ere laṛṛeme, anambon tumanangnge sarun mate ere namu'a. Arawe asasal᷊amatta apan Ta'u nionggolla sidutu sarangkal᷊o'enge, wuṛṛu auntungang-Ku tawe panguddusanne.

YOEL 2:10

Tantal᷊anna i mangitou inai, runia nangindo, wuṛṛu langitta lai mangngiladda. Ana see naddandumpe matannallo wuṛṛu wul᷊anna, wuṛṛu semakku manga anumpitanna nawul᷊ite.