YESAYA 34:13 - WUKE SUSI WATTI'U AL᷊AL᷊USASSA

¹³ Manga wal᷊en pasasubbanna wuṛṛu manga soane pia tatandangnge sarun tuwoannu aputta ṛoaanna, wuṛṛu wawanuanten asun ahuranganna wuṛṛu manu'a unta.

YESAYA 34:13 Referans Kwoze

YEREMIA 10:22

Paddaringikke! Pia batti'a manungku sambau walahanna su sawannakka nanattakku paggahahio. Tantarane sarun ma'ola'a manga soan Yehuda mabbal᷊i mal᷊annabba wuṛṛu tawe taumatane. Manga asun ahuranganna sarun ma'imbuni poiaroddi.”

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

MALEAKHI 1:3

ewe'e Esau Ta'u mirantinna. Wageangngu lete'a pia bul᷊udde tatahuananni Esau buatte Ta'u nihohakka, wuṛṛu letangnge Ta'u nitantilla su manga winatangnga mal᷊aṛṛaga su wadda'a lol᷊okka.”

DARALO 44:19

Naungngi yami tawe mangawusu Si'o; tita-Nu tawe abul᷊iananni yami.

SONDAPPA 18:2

Ringannu tingikka apan ma'ikkatta, i tou inumui, “Nanawote! Babel wahewalla nanawote! Orassa indi i tou nabbal᷊ite tampa manga setanna wuṛṛu manga ghaṛṛaho lal᷊eo. Sulal᷊umme mabbiakka al᷊awo'u hati manu'a apan lal᷊eo wuṛṛu ia'arantinu taumata.

ZEFANYA 2:9

Ringannu arang-Ku apan wiakka, Ruatan balahannu Israel, i Ya'u sarun manahangginna ma'oman sara mawaresi Moab wuṛṛu Amon ere lai Sodom wuṛṛu Gomora. Manga wanua udde sarun mapenen manga paṛṛihin asimma wuṛṛu manga tuidda tate maṛṛa'a apan tinumuwo su ṛapusi'a ṛoaanna. Lamben uma-U apan naal᷊assangnga sarun mangaṛṛo tumanangnge, wuṛṛu manganu leta'i mangitou.”

HOSEA 9:6

Amungkangngu asasilaka na'omate, wuṛṛu i yamiu niapidda su wanua waine, ne apan matantangnga suwallatti yamiu sarun iammullu manga taumatan Mesir tadea'u pateanna wuṛṛu ilabbingnga su Memfis! Nannal᷊o wuṛṛu rongnga sarun tumuwo manaappa manga tampa lanna'u wal᷊enu wuṛṛu manga saranapanu wuassu sal᷊a'a apan maarega.

YEREMIA 51:37

Wanua udde sarun maola'a wil᷊alanna, tampa pa'imbuniannu asun ahuranganna. Taumata matta'utta maasilo udde, wuṛṛu tawe saran sangkatou apan mappulu matana'a poiaroddi.

YEREMIA 49:33

Hazor sarun iwala aroddi saran mal᷊annu-l᷊annu wuṛṛu maola'a tampa pa'imbuniannu asun ahuranganna. Taweddu saran sangkatou apan matana'a poiaroddi lai. Ia'iu, Mawu, buatte nabbisara.”

YESAYA 35:7

Anne mal᷊oso sarun mabbal᷊i rano, leta'a maṛṛasa mabbal᷊i al᷊imatan kua'e. Tampa apan paarorone wawanuannu asun ahuranganna, sarun tuwoannu pandanna.

YESAYA 25:2

Soa udde buatte niṛṛimunsang-Ngu; soa apan pia tanda batune nabbal᷊i winalal᷊anna. Wal᷊en araratuanna apan niola'u taumata raho nahohakke, wuṛṛu tate olaanna apia saran mal᷊annu-l᷊annu.

LAL᷊ALLU 4:3

Sumbal᷊i inangngu serigala mammasusu anangne, arawe umaku tumaniten maṛṛagissa ere manu'a unta su wadda'a.

YEREMIA 51:43

Manga soane nabbal᷊i tampa apan maata'utta, ere wadda'u anne apan maṛṛasa. Tawe taumata apan mappulu matana'a ara'e sumabbi isudde.